tgoop.com/Ilxombegimkulov/358
Last Update:
Sherikchilikda eng muhimi bu foydani boʻlishish emas...
400 000 $ ga yaqin qarzga kirganimda sheriklarimning hammasi meni tashlab ketdi.
Buning sababi esa, shartnomalarda qilgan xatoyim edi.
Sheriklar bilan foydani boʻlishishga kelishibmiz-u, zarar boʻlib qolsa kimni boʻyniga tushishi haqida gaplashmabmiz.
Oxir-oqibat hujjatlar mening nomimga boʻlgani uchun hamma zararni ham oʻzim qoplashimga toʻgʻri keldi.
Biz oʻzbeklar nimagadir har doim masalaning yaxshi tarafini oʻylaymiz.
Biznesimiz kengayib, daromad koʻpaysa foydani qanday boʻlishishning hisob-kitobini qilamiz-ku, lekin zarar boʻlib qolsa kim toʻlashini oldindan kelishib olmaymiz.
Natijada, mendagidek muammolar paydo boʻlishi mumkin.
Sizda ham ushbu muammo boʻlib qolishini istamasangiz, sheriklaringiz bilan albatta zararni kim toʻlashini ham kelishib oling.
Chunki biznes bu doim yaxshi daromad degani emas, oʻsishlar ham, qulashlar ham boʻlib turadi. Hamma vaziyatga tayyor turish kerak.
Bugungi post shu haqida edi, fikr va mulohazalaringizni izohlarda kutamiz.
Obuna boʻling: @IlhomBegimkulov
BY Ilhom Begimqulov | Rasmiy kanal
Share with your friend now:
tgoop.com/Ilxombegimkulov/358