tgoop.com/Insideruzbek/7286
Last Update:
Қурилиш майдонида одам ҳалок бўлган «Askiya City»да 5 йилдан буён ноқонуний қурилиш давом этаётгани маълум бўлди
Яккасарой туманида жойлашган кўп қаватли уй-жойлардан бирида одам зинадан қулаб кетиши оқибатида ҳалок бўлгани ҳақида хабар бергандик. Қурилиш ва уй-жой коммунал хўжалиги соҳасида назорат қилиш инспекцияси хабарига кўра, бу объект ноқонуний қурилаётган бўлган.
2020 йил май ойида мазкур объектда олиб борилаётган қурилиш ишлари Вазирлар Маҳкамасининг тегишли қарорига зид экани аниқланди. Яъни ишлар Тошкент шаҳар Қурилиш ва уй-жой коммунал хўжалиги соҳасида ҳудудий назорат қилиш инспекциясини хабардор қилмаган ҳолда ва белгиланган тартибда рўйхатдан ўтмаган тарзда бошланган. 2020 йил 27 майда инспекция томонидан қурилиш ишларини тўхтатиш бўйича ёзма кўрсатма берилган. Маъмурий жавобгарликка тортилган ҳамда қурилиш-монтаж ишлари тўхтатилган.
Лекин 2024 йил 26 апрел куни олиб борилган қайта текширув жараёнида ишлар давом этаётгани аниқланган ва қурилиш масъуллари чақиртирилган. Аммо улар қурилиш объектига келмаган ва талаб қилинган ҳужжатлар тақдим этилмаган. Бугунги кунда Тошкент шаҳар ИИББ ҳузуридаги тергов бошқармаси томонидан ушбу объект бўйича жиноят иши очилган. Шунингдек, объектда барча турдаги қурилиш ва монтаж ишлари тўхтатилган.
@insideruzbek
BY INSAYDER
Share with your friend now:
tgoop.com/Insideruzbek/7286