tgoop.com/JamiaL313/6573
Last Update:
لطمية للسيدة رقية ع
انتصف ليل الخرابة او نزلت الزهرة
تنشد عن رقية او تسجب العبرة
صاحت ياصفية وين اختج رقية
ليش مدنكة وعيونج غدت حمرة
+×÷×+×÷÷+×÷×+÷×+÷÷+÷××××÷
كعدت يم بنات حسين محتارة
تشوف اعيونهن بس دمع تجارة
تكلهن وين كافلجن او بتارة
نام على الشريعة وجفوفة كطيعة
خلانة اومشة بيد العدو يسرة
+÷+×÷+×÷++÷÷+÷×+÷×÷×÷×
صقية تكول ياجدة الخرابة
سكف مابيها وفراشي الترابة
علي الاكبر صحت وحسين يابة
ماردو جوابي ولا نشدو احبابي
الحبل اثر بديها او تجذب الحسرة
+×÷×+×÷×+÷÷+÷÷+××+÷××÷++
ياجدة مادريتي الصار بينة
ذبحو والدي وحنة انسبينة
ورقية سلهمت مابين ادينة
من طاحت على الراس خمدت منها الانفاس
ماتت يازجية او أيدها مورمة
+×÷×+×÷×+×÷×+×÷×+÷÷++×÷+
شسولفلج بعد عن عمتي حالتها
سمعت بت عزيز ابكلب ونتها
حطتها بحظنها او جرت دمعتها
ياعمة شتهيسين يبعد الروح ولعين
تكلب بيها كامت زينب الدرة
+×÷×+×÷++÷×+÷÷+÷÷+÷×
سبلتهن أديها او فاركتنة
هذا الصار ياجدة بختنة
والله اسياط امية لوعتنة
خطية مايكولون اوبينة مايرحمون
جرّعنة الشمر كاسات ذل مرة
+×÷÷++÷÷++÷÷++÷÷+×÷+×
بجت من سمعت الزهرة حجيها
حظنتها صفية بين اديها
صاحت اه يلغايب وليها
بنات حسين ذني يبجن عذبني
وين الي يساعد زينب الحرة
+÷÷+×÷×+×÷+×÷××÷××÷+×
خولة ياصفية أو يارقية
شبيدي اوشرد اكولن للمنية
الله ايعين عمتجن خطية
كضت من الصايب زينب ياحبايب
تون وناتها كلب الصخر طرة
+÷÷++÷÷+×÷+÷+÷×+×+÷
الشاعرة ام معصومة الكعبي
BY "وجيهاً بالحسين للقصائد والالحان"
Share with your friend now:
tgoop.com/JamiaL313/6573