أنا إللي شاف أن التغاضي حل والصده صواب
‏وأقفى له بقلبٍ ماهو يجزع وعزمٍ ضامنه
‏
‏لو الهزيمه من عدوي كان باب وله جواب
‏مايوجعك كون الهزيمه من حدٍ مستامنه :)

ابي عذر لـ الغيبه ، وانا ماني بـ عذّار
‏تصبرني الاعذار ماهي بـ تقنعني !

" الأحلام عادي لو ما حقّقت منها شيء
‏عذابك من أشياء في يدينك وصارت حلم"

بديت اشوف السعي اهمّ من الوصول
‏و رضيت عن دقّ الامور و جلّها

‏اللي اليوم تضيّع اهمّ الحلول
‏بكرة يصير النصف حلّ يحلّها

لا عادها ظروف تاخذك ولا عاده فراق
‏الفرحه تشح ، و الضيقه تجي تدّهر !

‏والله من رحت والروتين ماله مذاق
‏الصبح ما ينقعد .. و الليل ما ينسهر :)

‏الانسان مضغة غرور وفطرته غِيره
‏شيطان ، وتهذّبه الاخلاق والمله

‏و يبني ما بيني وبين عسر الظروف سياج
‏ولا أطيح من طولي ، ولا أطيح من عيني

ما هقيت انك تصد الصده المقصوده
‏يوم عزمي منكسر و الدمع تارس عيني

‏انسني و اجحد جميل الوقفه المشهوده
‏ بس هاه ! لا تحط اشياء ماهيّ فيني :)

يستاهل الحب من صحّح عشانك خطاه
‏و أثمر معاه التعب من غير ما يسألك

‏اللي رمى لأجل عينك كل حاجة . . وراه
‏ترقب عيونه رضاك و ينكسر لزعلك .

ورى صدري علوم و ورى خافقي "عزااه"
‏و على غلطتي ، حتى المجانين تتعلّم

‏حصل لي معك موقّف من المستحيل أنساه
‏ومن المسَتحيل إني عن الموقف اتكلَم :)

لو خسرتك ما خسرت العمر و الدنيا متاع
‏و أدري إني لو خسرتك ما خسرت إلا قليل

‏بس فكر زين و تعرف مين خسر فينا و ضاع
‏و تعرف إنك لو تلف الأرض و تدور بديل

‏والله إن تبطي و لو لفيت في كل البقاع
‏و لو تسوي وش تسوي مانت لاقي ليّ بديل

وشلون ماقسى مع الأيام وتغير
‏وانا مافي حاجه من الوصل تلهمني

‏الحب ماهو هجاد ، وملعنة خير
‏لامنك حبيت مثل الناس علمّني :)

يا رب الآدمي والليل والبيداء ورب الكل
‏أنا لولاك أضيّع صيدتي وأكسّر شدادي

‏يا كم ضاعت ليالي وانجرح صبح ورفيقٍ زَلّ
‏على نفسٍ قدايمها علي تعاتب جدادي

‏مابين أذكر وبين أنسى وبين أسعى وبين أمّل
‏مراحل والمراحل بينها موتي وميلادي

يمرّ الكلام.. وتستفزّ الرّكاب البِيْد
‏وأشوف إنك أعذب من هواي، ومشاوِيري

‏يا أبو ضحكةٍ مسروقةٍ من ليال العِيْد
‏أنا مستحيل أستوعب إنك مع غيْرِي :)!

لو تبسَّم في الوجيه أصحاب وأعَدا
‏ما تناست ضحكة العمر مْعروفك !

‏لا ندى فوق الغصون، وعودك أندى
‏ولا رحيل، ولا وقوف ـــ؛ ألَّا وقوفك

‏مزعجة هذي الوجيه ووجهك أهدَا
‏طِلّ ــ، وأعتقني من مْكابد ظروفك

‏عن معايد غيرك ــ؛ أنت أحقّ وأبَدا
‏صاحبي، وأبدَا من مْعايدك؛ شوَفك