tgoop.com/KADMTAMALBNEN/16462
Last Update:
جديد #
مربعه للقاسم عليه السلام
يومك يالولد يمه خطف لوني
اضل ابچي لحد مايعمن اعيوني
يومك يالولد حط بالگلب ونه
صعب فرگاك گلي اشلون اجرعنه
شخصك ضاع يمه وايست منه
صعب يومك يجاسم هدل امتوني
يومك يالولد يمه خطف لوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ما اصبر بدونك والدمع يجري
اون محتاره ويلي اوتيهت فكري
لجلك يالولد ناذرته كل عمري
خلوني اون للوالي خلوني
يومك يالولد يمه خطف لوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گلت يكبر ضناي وافرح ابعرسه
وحضر غرفته وبيدي اشتري لبسه
ودعي بكل مسه ياربي اتحرسه
ماحسبت بوليدي يفجعوني
يومك يالولد يمه خطف لوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جاسم من برز وياه اخذ روحي
وذيچ الساعه ابد ماتنعد اجروحي
اون بسكوت مايطلع صدى نوحي
من صابوه احس بگليبي صابوني
يومك يالولد يمه خطف لوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سبع ابني اوبرز مادنگ الهامه
ولاهاب الجيوش الكلها گدامه
ولو عمره صغير اوتنعد أيامه
اشيل الرأس ببني دوم تدروني
يومك يالولد يمه خطف لوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN
BY قناة ام البنين سلام الله عليها بأشراف العلويه ام محمد تقي الموسوي
Share with your friend now:
tgoop.com/KADMTAMALBNEN/16462