tgoop.com/KADMTAMALBNEN/17783
Last Update:
لطميه للزهراء عليها السلام
هاليله العقيله شلون حالتها
راحت ماترد ليها اميمتها
┈┉┅━━▪️🔹━━┉┉┈
هليله العقيله تجذب الونه
طولج غاب يمه وين اشوفنه
اتمنه الكبر بيه باب افتحنه
وانزل للحنينه اداوي علتها
*✍🏻أم عبــــــــــد اللـــــــــه العـــــــــابدي*
┈┉┅━━▪️🔹━━┉┉┈
ظلت حايره زينب بهالليله
محزونه دمعها من دمه تسيله
وافراگ الزچيه مالها حيله
زغيره بالعمر راحت وخلتها
✍️ ام مهدي الفرطوسي
┈┉┅━━▪️🔹━━┉┉┈
زغيره بالعمر ماتحمل امصايب
تصرخ يالحنينه والگلب ذايب
ياحزن التشيله كل امل غايب
هزت كل ركن ياويلي صرختها
✍ام اسعد الشمري
┈┉┅━━▪️🔹━━┉┉┈
تهز الكون صرخت زينب الحره
تصيح ابصوت ياگلبي خلص صبره
ماتحمل يتم لانوح لاعبره
تهمل ماتجف للدوم دمعتها
✍️ام محمد تقي الموسوي
┈┉┅━━▪️🔹━━┉┉┈
تبجي وتنتحب زينب المهضومه
تون عالزاجيه وبروح مالومه
تگلها وداعت الله رحتي مظلومه
الله يساعد ام عون بمصيبتها
*الــ✍ــحاجه ام احمد الحچامي*
┈┉┅━━▪️🔹━━┉┉┈
تنادي ام الحزن يازهره عفتينه
تگلها بحجرتج يايمه گعدينه
على فراكج ترانه بحزن ضلينه
واولادج تطر الصخر ونتها
📚🖌️ام زهراء
┈┉┅━━▪️🔹━━┉┉┈
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
https://www.tgoop.com/KADMTAMALBNEN
BY قناة ام البنين سلام الله عليها بأشراف العلويه ام محمد تقي الموسوي
Share with your friend now:
tgoop.com/KADMTAMALBNEN/17783