Часам так здараецца, што ў некаторыя месцы вайна прыходзіць вельмі раптоўна. Як у гэтую ўкраінскую вёску, дзе давялося працаваць ваярам Палка Каліноўскага. Мясцовыя жыхары, відавочна, ўцякалі адсюль у спешцы і былі вымушаныя пакінуць хатнюю і свойскую жывёлу. Тут прайшла новая лінія фронту і баявыя дзеянні накрылі ўсю вёску. Вядома, што жывёлы прыбіліся да новых жыхароў — да вайсковых. У тым ліку і да нашых ваяроў. Каты і сабакі ў пошуках ежы; куры, гусі, качкі; каровы ў пошуках вады з-за спякоты... Нашыя хлопцы кармілі і паілі іх усіх, нягледзячы на тое, што жывёлы могуць дэмаскаваць пазіцыі. Але ж як, гледзячы ў іх вочы, ім не дапамагчы?