من حقي اطمع فيك واصير طمّاااع

الصدفة اللي خيرٍ مْن ألف ميعاد
عيّت تجي والظاهر إني بجيها

كل الليالي قبل أشوفك ليالي
ومن يوم أعرفك عاد ليلي تباشير

‏أحسب انك تيمم بإتجاهي وين مايممت
‏أثر لا أنت ورايه بالطريق ولا أنت قدامي

لاصار مال لمساعي شوقنا قيمه
‏وش له نتعّب خواطرنا ونشقيها

صار قلبي وعيني بالعذاب خْشرا
‏كل ما حنّ قلبي هل دمعي وراه

‏قلبي خويي ما لقلبي معازيب
‏وعقلي يقدِّيني عن الميل لا مال

كل شي ٍ قد جمعته على الدنيا وباح
‏غير حبك يا اريش العين عيّا لا يبيح

لولا الحياء وعاداتنا والتقاليد
‏وسلومنا واطباع جدك وجدي

‏لاقول احبك واعترف للاجاويد
‏ولاهمني من عارض اليوم ردي

ياللي خطفت القلب من عند راعيه
‏ردّه قبل ترفع عليك القضيه
‏- عبدالله بن عون

يبخل لسانك وأنت للسمع طمّاع
والبخل في سلم المحبين ممقوت

يا صاحبي مالي ترى اليوم حيله
النفس باحت بالخوافي والأقوال

الليالي سرّمديه و العدود يجف ماها
والصدور الجرهديه ما بقى فيها مساحه

‏"وشفتك في خيالي بين طيّات الدفى والقرب
‏وناديتك فديتك خل يْدينك لا توخّرها"

مرساك صدري لو تضيق المراسي
‏ قلبي عطاك الحب من غير منّه

‏ما عدت أشدّ الحبل ولا أتمسك به
صحيح إني ما أفرط بـ اللي غلاتهم تسِّاوي روحي
بس - ما أشدّ الحبل لحالي -

عشقت الهوى يوم الهوى غاليٍ ما سِيم
‏وتركت الهوى يوم الهوى صار ملْعابه

ساعة الفرقى تظاهرت وأخفيت الأمر
‏قمت أكابر فوق جرحي وأنا طعوني وساع