وش فيك ما عاد تضحك يا الحجاج الضحوك؟
لو أعلم بْعينٍ تبكّيك بكّيتها

مرحبا والساعة اللي تجيبك راس مال
‏في دقايقها نعيم القلوب الشاقيه

‏على الجفا والقطيعة لا تشجّعني
‏ما ودّي امرّ عينك واتعدّاها

‏" حتى سميّه يجيه من الغلا قسّمه "

خلك على قلبي عطوف
منك الجفى ما أتحمله !

‏اهل الغلا لو همّ ثماااانين مليون
‏قدرك تعدىَ قدرهم وانت واحد .

"معطيٍ غيرك تقاليد المطوّع
‏وأنت تمرح فالحشا و القلب راضي"

مرحبا يَا مشة الزور هلّي يا هلا
‏مرحبا يَا راس مالي و كنزي و ذهبي

‏مقبلٍ قلبي عليك وصافيٍ لك كله
‏القلوب اللي تحبك ليه ما ترضيها

‏" والله ان الارض لا جيتي مليتيها سعادة
‏فزّت و قامت تحوفك بـ الهلا منا و منا "

بـ أجيك حتى ولو ما تسمح ظروفي
‏ماهو على كيف أبوها يوم ما تسّمح

عطاك عين ما خلق مثلها عين
والخد بلحاله يبي له قصيده

أهلين يا سمح المحيا وسهلين
يا راس مال اللي يبيك ورصيده

حبيبي عقب ماعاف الغياب ومل
‏رجع .. وعيونه الثنتين مكسوفه

يوم وكد غلاه وشاف حبه تمكن
مسّ قلبه غرور وصاب طبعه بلا

أسرفت في حبك جهر مانيب مثل المستحين
‏اللي يحبك يعتزي ويشوش.. ويرد البرّا

‏مشاعري لك لو توزّع باليسار وباليمين ؟
‏صاروا جميع الناس عشاق ونشامى وشعرا

اثر الليالي دون وصلك تروّع
‏يا واحدٍ فيك العوض ما بغيته

كان مالي في دروب الهوا شفّ ومرام
‏لين شفته وأشهد انه هواة المهتوي

لو ينشرى قربه شريناه بالروح
مير البلا شوفه غدا به هقاوي

أن كان حبك هزيمه ف الهمام الهمام
‏يا مرحبببا بـ الهزيمه في طريق النصر