tgoop.com/Kargehaziman/354
Last Update:
«ھێند دڵم تەنگە»
هێند دڵم تەنگە دەڵێم بەم شەوە لەم شارە بڕۆم
لە وڵاتێ کە جەفا حاکم و سالارە بڕۆم
نە وەفا لای کەس‌وکارە و نە سەفای ماوە ژیان
با لە دەس بێ‌بەزەیی هەرچی کەس‌وکارە بڕۆم
نە گوڵستانێ دەبینی، نە گوڵێ پێ دەکەنێ
شەرتە لەو شوێنە کە بولبول قەفەسی خارە بڕۆم
خۆشترین دەنگی شەوانەم غەزەڵی ڕەنج و غەمە
لێم گەڕێن با بە غەمینی، منی بێچارە بڕۆم
کێ دەزانێ چ لە نێو ئەم دڵەدا ڕادەبرێ
خۆزگە بەو ڕۆژە بە تەنیا وەکوو ئاوارە بڕۆم
دەوروبەر چەشنی نەخۆشخانەیە دوکتۆرێ نییە
شەرتە لەو جێگە کە دەرمان هەموو وەک ژارە بڕۆم
بۆ دەبێ هەستی ئەوین ژێردەسی پارە و پەلە بێ
لە وڵاتێ کە ئەوین دایمە لە پای دارە بڕۆم
تەمە چارشێوی شێعر، سونبولە ڕووبەندی وشە
با لە ئەو جێ کە شێعر هەستی بریندارە بڕۆم
چونکە زۆرداری بەرەندەی گرەوی ئەم گەلەیە
عەهدە لەو جێگە بە دەس تاقمی بێعارە بڕۆم
یارمەتی دا کەسێ «ئاسۆ» لە دەس ئەم ژینە دەبا
تاکوو ئەو شوێنە ئەوین سەروەر و سەردارە بڕۆم
#ئاسۆ
.
کارگەی زمان و ئەدەبی کوردی
Kargeha ziman û wêjeya Kurdî
@Kargehaziman
لاپەڕەی ئینستاگرام
https://www.instagram.com/kargey_ziman_u_edebi_kurdi?igsh=MWx2eTYxcHJoYjNvZQ==
#کوردی_نووسین
#وشەی_کوردی
#کوردستان
#کوردی_بنووسه
#کوردی_بنووسین
#کوردی_قسە_بکە
#کوردی_قسە_بکەن
#کورد
#کوردەواری
BY کارگەی زمان و ئەدەبی کوردی
Share with your friend now:
tgoop.com/Kargehaziman/354