tgoop.com/Kinitniea1984/1048
Last Update:
نعي الى فقد الااحباب
يادارنه جاوين اهلنه
طيبين والكلهم محنه
ماشين ضل خالي نزلنه
خلافهم محد يمرنه
لاله يمه
يادارنه جاوين الااحباب
ضلمه شفتهه وعيني سجاب
كلهم غفو. حدر التراب
اهل الكرم يالكلهم اطياب
لاله يمه
يادارنه ضلمه تره شبيج
شالو اهلنه وهم اهاليج
انشدج يغبره وين راعيج
رايح بعد ماضنه يلفيج
لاله يمه
انشدج على اهلي وراحو بعيد
يردولي لويلفي العيد
مشتاگه روحي ليهم تريد
فراگهم متوجر مجيد
لاله يمه
يادار اهلنه نگعد حذاج
عدنه عتب نتعاتب وياج
كعدنه شكثر بضلج وبحماج
شال لولي وحزنانه خلاج
لاله يمه
خلاج يادار ونساني
لاله يمه
مهضومه وبهمي واعاني
هم العليه شيباني
فراگ اهلنه كلش عماني
لاله يمه
فراگ الاهل شيبلي الراس
احسن وحيده بكثره الناس
فراگ الاهل فوگ الگلب داس
حجي الغرب يهضمني وجاس
لاله يمه
لاله يمه
لاله يمه
ياريت بحلم واكعد بحلمي
افز من نومتي والكاك يمي
فراگ الاهل ياناس يعمي
لاله يمه
لاله يمه
:
:
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
الشاعرة✒ ام حوراء الاسدي
غیر مبری الذمه من یمسح اسم الشاعرة
https://www.tgoop.com/Kinitniea1984
BY { قناة قصيدة النعي }
Share with your friend now:
tgoop.com/Kinitniea1984/1048