tgoop.com/Kompyuter_Akademiyasi/444
Last Update:
Torrent yuklamalar haqida
#info / #internet
ℹ️ Hozirda yuklamalar omborining keng tarqalgan turi bu torrent saytlardir. Torrent saytlardan kichik fayllardan tortib eng katta fayllargacha muammosiz yuklab olishingiz mumkin. Lekin u qanday ishlaydi, aslida? Keling, bugungi maqolada shu haqida gaplashamiz.
✅ Torrent saytlarning eng muhim jihatlaridan biri bu yirik fayllarni yuklashda muammo bo‘lmasligidir. Brauzerdan birorta kichikroq fayl yuklayotganingizda internet o‘chib qolsayu, qayta yonganida yuklash yana boshidan boshlanib asabingiz buzilganmi hech? U holda bemalol torrentdan foydalanishingiz mumkin.
❗️Torrent bu aslida juda katta xotiraga ega vebsayt emas, yirik fayllarning mayda bo‘laklari qaysi manzillarda joylashgani haqida maʼlumotlar to‘plangan ulkan bazadir. Torrent dasturi esa ana shu bo‘laklarni yuklab, birlashtirib beradi. G‘alati, a?
🤔 Siz torrent orqali birgina kino yuklab olayotgan vaqtingizda yuklab bo‘lingan qismlarni boshqalar bilan ham baham ko‘rayotgan bo‘lasiz.
• Pir (Peer) - o‘zida yo‘q faylni yuklab olayotgan va ayni damda o‘zida bor qismlarni baham ko‘rayotgan foydalanuvchi.
• Sid (Seed) - faylni to‘lig‘icha yuklab olgan va uning qismlarini baham ko‘radigan foydalanuvchi.
• Liche (Leecher) - o‘zida yo‘q faylni yuklab olishi bilanoq servisni to‘xtatib, o‘zidagi bo‘laklarni boshqalar bilan bo‘lishmaydigan foydalanuvchi.
🌐 Hozirda tarmoqda ommalashgan torrent dasturlariga misollar: uTorrent, MyTorrent, BitTorrent va hokazo. Torrent saytlardan o‘zim foydalanadiganlarimga misollar esa: YTS.ag - eng kichik hajmdagi HD sifatli kinolar uchun(inglizcha), torrent-igruha.org - bepul kompyuter o‘yinlari uchun, thepirate-bay.org - hamma-hammasi.
© Techno Ali
💻 Kompyuterni birga o'rganamiz ⤵️
Telegram / YouTube
BY KOMPYUTER AKADEMIYASI
Share with your friend now:
tgoop.com/Kompyuter_Akademiyasi/444