tgoop.com/KultyraYakutia/6172
Last Update:
_*Сата Уустара Анал байыаннай дьайыыга тиһигин быспакка сэмэй кылааттарын киллэрэллэр.*_
Ньурба оройуонугар тимир уустара өбүгэ саҕаттан илдьэ кэлбит үөрүйэхтэрин сайыннаран, күүскэ түмсэн үлэлииллэр. Сата сиригэр олохсуйан олорбут тимир уустарыттан ситимнэнэн, *"Сата Уус"* диэн түмсүүгэ мустан, бэйэ-бэйэлэрин өйөһөн, сүбэ-ама бэрсэн, үтүө түмүктэрдээх үлэлээхтэр.
Түмсүү салайааччыта СӨ норуотун маастара *Афанасьев Ариан Васильевич- Арыйаан Уус* тимиринэн уһанары сэргиир, уһаарыыны кэрэхсиир эдэр дьону бэйэтин тула түмэ тардан, Өрөспүүбүлүкэбит тимири уһаарыыга уонна тимир уустарын улахан түһүлгэлэрин көтүппэккэ, ситиһиилээхтик кытталлар.
Анал Байыаннай дьайыы саҕаланыаҕыттан биһиги Уустарбыт үгүс көмөнү оҥорон кылааттарын киллэрэллэр.
*Арыйаан Уус* бу үлэ туһунан бэйэтин санаатын үллэһиннэ: "Анал Байыаннай дьайыы кыттыылаахтарыгар анаан, аан маҥнайгы Ил Дархан СӨ Тимир Уустарын Сойууһугар 1500 быһаҕы үлэспитигэр, 2022 сыл ахсынньы ыйыттан Бүлүү, Хаҥалас, Мэҥэ-Хаҥалас, Ньурба, Таатта, Уус-Алдан уустара ылсан, быһах оҥорон саҕалаабыттара. Сата Уустара алгыстаах саха быһаҕа буойуттарбытыгар харысхал буоллун диэн сырдык санааттан ылсан барбыппыт. Бу быһахтар стандартнай кээмэйдээх этилэр: тимирин уһуна, угун уһуна, тимирин көрүҥэ барыта ыйыллыбыт кээмэйинэн. Күн бүгүҥҥэ диэри хаста да маннык үлэҕи толордубут.
Анал Байыаннай дьайыы кыттыылаахтарын чугас дьоно, аймахтара уонна уолаттар бэйэлэрэ уоппускаҕа кэлэ сылдьан, харысхал буоллун диэн болгуо тимир харысхаллары, саха быһахтарын, кэнники үгүстүк хомуһу "ыраастанабыт, арчыланабыт" диэн оҥотторор буоллулар. Хас биирдии уус төһө-хачча оҥоһугу оҥорбутун ааҕан сиппэккин.
Саха быһаҕа харысхал быһыытынан үгүс уолу абыраабыт түгэннэрэ элбэх. Ньурбалар Дьоруойбут Андрей Григорьев "Тута" быһаҕын Николай Ивановка үлэһэн үһү оҥотторбутуттан биирин бэйэтигэр илдьэ сылдьыбыт эбит.
Ньурба оройуонун дьаһалтатын үлэҕинэн билигин 70 саха быһаҕын 7 буолан: *Иван Саввинов, Арсен Иванов, Андрей Афанасьев, Николай Иванов, Иван Тимофеев, Николай Саввинов уонна мин* оҥоро сылдьабыт".
_Биһиги киэн туттар Тимир Уустарбыт Анал Байыаннай дьайыы саҕаланыаҕыттан быыстала суох уһана, саха буойуттарыгар күүстэригэр күүс кыахтарыгар кыах эбэр, санааларын бөҕөргөтөр, ыарахан кэмнэригэр харысхал буолар оҥоһуктарын оҥоро, уһаара, алгыстарын анаан ыыта сылдьаллар._
_*Ньурба култуурата*_
BY Министерство культуры и духовного развития Республики Саха (Якутия)
Share with your friend now:
tgoop.com/KultyraYakutia/6172