tgoop.com/Lobabaallyassin313/1213
Last Update:
#جديد
#شعبان
#ملاحظة
لا أحلل ولأي سبب مطلقا نسب القصائد لغير أسم أو تبديل الكلام
هـالليلة يولد هـالكـمـر خَن بارك اللــيلـه
وي السِمه صوت الارض نـسمع يـِغنـيله
للخوة رفعة راس ٠٠٠٠ راعي الشيِّم عباس
__ ١
الليلة نـِشعل شـمـعته هـالليله بس فرحه
كل ليل لو يِطْـول يـجـينه كاشخ بصبحه
ام الــبنين وجـابتـه للــخـوة جـَـن لوحـة
اترضعه من طيـب الــوفه واتْكَّثر ابملحه
هذا المِلك الاحساس٠٠٠راعي الشيِّم عباس
__ ٢
سَل سيفه قاموس الشرف شَوَّفنه صـولاته
من يـِسمـع بطاري الـحُسين يـناغي بآهـاتـه
زيـنب تـِـباوع نـَـظـرته وتـْـحسـها وكـفاتــه
باجر يـِجــييه الـعلـكـمي يــتعــذَّر ابــذاتــه
حيرها كل الناس ٠٠٠٠ راعي الشيِّم عباس
__ ٣
مــن يا عـلي ياخـذ شـيِّم مايــعــرف الـعــيبه
دِرعه الشهامه بكل وكت من صغره حد شيـبه
لــو زيــنب اتــريد النـجم هـم يـطـلع يـجـيـبه
اطلب يَـشيعـي حـاجتك مـن جوده من طـيبه
من عنده هالنوماس٠٠٠راعي الشيِّم عباس
__ ٤
من صــغره والـزود الـيُمر تاخـذهن جفـوفـه
حالف اذا جـار الــوكت لـحــسين ميــعــوفه
عباس من طيـب الـولاية انـرسمن حــروفـه
لو ردت خــوة بـس تـعال الحضرته وطـوفه
طشوو الورد والياس٠٠٠راعي الشيِّم عباس
__ ٥
زينوو الصحن ٠رشو العطر هالليلة بالحضرة
الليلة كل شــاعر يــجي يــتـنومس بـشـعـره
هذا إلنطه كل مــهجـته لــحسين والـــعتــرة
يستاهل إنــفرح الزجــية ونــشعــل الــعشرة
لا والله ماينقاس ٠٠٠ راعي الشيِّم عباس
لُبــابة آلــ ياسيــن
٢٨ كانون الثاني ٢٠٢٥
وزن :منسجم
#لبابة_ال_ياسين
#ولادة_العباس
#افراح_شعبان
#شعبان
https://www.tgoop.com/Lobabaallyassin313
BY الشاعرة لبابة آل ياسين
Share with your friend now:
tgoop.com/Lobabaallyassin313/1213