tgoop.com/Lobabaallyassin313/1217
Last Update:
مناجاة القمر المحمدي القائم عج
دوة جروحي...تـوِّن روحي
أعايِـن عَـل دَرٌب ويــــــن؟
يَعافــيتي..... يحـــنيــتـي
تَـعــــال وكَـحِل العيــــــن
ظَلام ذٌنوبي وإنته الشَمـس
أريـد ألـــكَاك بـيدَك أحِـــس
توِّن روحـــي.....
___
إبوعَد عايش هَل السـنـــين
بدمــوعي وحَســره وِوِنـين
أريــدَك لو تٌمر طِيـــــــــــف
وحَـط وَصفــك نـِيـاشِيـــن
إنفضَح شوكَي ..يَمعشوكَي
أَريـدك لـيش ماجيـــــــت...؟
إلك خِذنــي ، فَلا تِهـدنــــي
بــغيابك أظلـم البيـــــــت
أخـــاف الشٌوك مايٌوصَلـك
عَبرتي إتيه ، تِرجع إلـــك!!
توِّن روحـــــي...
_____
(٢)
صَبر ماظَل عَله الحَــال
وشيل أشواكَـي مِرسال
لجـلك يا ضوة العيــــن
أعوف الحَـال والمـــــال
سَهر ليلي...هِــدَم حِيـلـي
حَنينــي بـلوعـــة النــــار
يهل شافي وحٌضن دافي
دِشـوف الصَار ماصـــار؟
تِــطيح إدموعي مِن اسألـــك
يٌفوح احساسي من أٌوفي لَك
تــوِّن روحــي.....
__
(٣)
جَمر گلبي إليتانـيــــك
يِعلة بروحي مَتهيــــد
كون ابعمري أجازيــك
وَشوفَك فرحتي إبعيد
تِعاتبنـي وتحاسِـبنـــي
ليش إمتعِــب إلحـيـــل
تسامحني وتصالحنـي
تـِــريد إنعَـدِلــه إلمِـيـل
صٌوغ أيــامي لَجلـك أثـــر
أشوف أحلامي يَمَّك قـدر
توِّن روحي.....
__
(٤)
أطيــر بفرحتـي إعليـك
جِنحاني وعِــلت بيـــك
واجيــك وابـگة ويـــاك
واعوف الدنيا واشريك
تِجي إبالي...يَهل غالـــي
وَشِّمَــك ياعِطر هيــــــل
عَله الغايب ،عَتب جايب
تعال وضَوي هـل ليـــل
خذاني الشوك رِحـلة سَفر
تعـــال نصير نجمة وكٌـمـر
توِّن روحي.....
__
لـٌـبابة آلــ ياســين
من يدي ليد صاحب الزمان❤️❤️
وزن: بند+ تراكيب
٢٠٢٤
#لبابة_آل_ياسين
#شعبان
#المهدي
https://www.tgoop.com/Lobabaallyassin313
BY الشاعرة لبابة آل ياسين
Share with your friend now:
tgoop.com/Lobabaallyassin313/1217