tgoop.com/Loura2/570
Last Update:
تناديني و انا اسمع لك و لكن لـ الفراق عزوم
و صميم القلب من عزمه .. ترك حبك و بداني
فمان الله يا اخر درب و اول صدمت المقسوم
فمان الله يا اكثر .. من جرح قلبي ، و عناني
على خط الفراق الموعد الليله امر محسوم
توفى .. ما بقى من حبك الليله ، و خلاني
اجامل لوعة الفرقى غصب عني و انا ملزوم
و من بين الرضا ، و الياس ادور ناتج احزاني
مثل ما قلت بإن حبك سحابه صيف صعب تدوم
تحقق ما توقعته ، لذا .. " صح الله لساني "
ثقيله خطوه الفرقى اذا كان الامل معدوم
لكن العزه تخفف على نفسي ، و ترعاني
انا يوم انتحي عنك و اصد بـ عزتي و اشوم
بـ اكسر حاجز عنادك مدام انك .. تحداني
كبير اطيح من عينك و لا اصغر في عيوني يوم
انا ماني على كيفك .. تدورني ، و تلقاني
عطيتك من رضا قلبي و صدرته بدون رسوم
و قدرتك على غيرك ، و عرفتك على احساني
هقيتك بـ الهوى ملفى و هقيتك ضحكة المهموم
خساره خيبه الهاقي .. غرامك وين وداني ؟
ادور بعدك المنفى و اطيح بـ غيبتك و اقوم
و ادور راحتي دونك .. و ابي منك تناساني
تبي تفقد تبي تنسى تبي تشتاق صح النوم
انا مثل العمر لا رحت .. ما بعد العمر ثاني
BY شبيه الشمس ..
❌Photos not found?❌Click here to update cache.
Share with your friend now:
tgoop.com/Loura2/570