( موشح )

الغربه سر ما ينعرف مضمونها
إلا غربة زينب تعيشونها
_ ١ _
الغربه من أصعب أحاسيس البشر
موت لكن أشد من قطع النحر
ظهر مكسور وعليه شدو حجر
مره ما تنشاف ويشوفونها
_ ٢ _
الغربه وي زينب اجت طبق الأصل
وجانت عليها مثل ضيم الهزل
غربه مصحوبه بسبي وحيره وحبل
وذبح اخوه ووادم يكرهونها
_ ٣ _
مشكلة وما الها حل هالمشكلة
مخدره وگضت عمرها مدلله
وفجاءة لن محد وياها بكربله
وبعد عزها صارو يسرونها
_ ٤ _
درب ما مسحوگ وتگطعه بظلام
تجمع النسوان وتسكت الأيتام
دموعها أبلغ هواي من الكلام
تبچي بس وينه الينشف عيونها
_ ٥ _
بديره وحشه ومنطقه ما تدري وين
وهيه ما عدها وطن غير الحسين
شضامه لزينب بعد هاي السنين
اندفنت بنص وادم يعادونها
_ ٦ _
رافقتها الغربه من بعد الممات
وصارن اثنيناتهن متلازمات
اثنينهن يتساون بنفس الصفات
تگول غربه بزينب يشرحونها

مصطفى الشافعي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

قصيدة للسيدة زينب ع


كد كيدك يا دهر
زينب اخت الكمر

لا ما أدنك راسي
وحسين بانفاسي

زينب واخت الكمر
………
ابد لا تعتقد اخضع و أدنك الراس
وانه اويه الهوه أتنفس العباس
اني اخت الذي بلحرب ما ينقاس
بفعاله الكفيل و دوخ الارجاس

ما أدنك هامتي
ولا تنزل رايتي

بحيدر ثابت ساسي
وحسين بانفاسي

@@@@@@@

ما تمحي ذكرنه اشما تسوي النوب
انه بت حيدره وقالع هذيج البوب
احذر والحرب بي غالب ومغلوب
وبعد من عدنه لازم تنهزم واتوب

لازم تاخذ درس
ومن شيعتنه احترس

يمشون بإحساسي
وحسين بانفاسي

@@@@@@@@

لازم تنتهي وانوكفك اعلى الحد
شما تحسب أحساب ايتيه بيك العد
حركت اخيامنه ومن الله اجاك الرد
مكان الخيمه صار لكل شخص مرقد

ظل مرفوع العلم
وسيف الله انتقم

انه الرابح داسي
وحسين بأنفاسي

@@@@@@@

النذاله البيك وصلت تمنع الزوار
وانه اخت الذي ما فشل الخطار
وين اتريد توصل ما كفاك الثار
ابن العاص انته او وكفتي الكرار

بت قتال العرب
الما خاف ولا هرب

بيهم خضر ياسي
وحسين بانفاسي

@@@@@@

عندي ابكل وكت أنصار موجوده
تربات الكفيل او رايته وجوده
وحك عين ابو الغيره وكطعت ازنوده
جنود حسين ذوله وتعرف اجنوده

بيهم يوم النصر
انصاري وافتخر

للمرقد حراسي
وحسين بانفاسي

@@@@@@@@@

احمد العقابي الحياوي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

ما باقي كلشي .. سالم منه
يارب تقبل.. سيد الجنه
امشي سبيه .. ودمه اعله اديه
سيد الجنه

_ ١ _
تقبل.. يربي.. اخوي المذبح عطشان
حبيبي.. وحبيبك.. البقه عاري بلا دفان

تقبل منه ضلوعه الضاعت بالحومه
سلاب وحافر ما رحمو بهدومه
بيدي احبال وايدي نصبغت بدمومه

دمه اعله ايدي.. من چتفوني
وسوط العساكر.. فوگ متوني
آهاته بيه .. ودمه اعله اديه
سيد الجنه

_ ٢ _
سبيه.. وانادي.. كلما امشي بين الناس
إلهي.. تقبل.. چفوف وهامة العباس

وين الجان مدلل زينب بعيونه
يدري حجار اني وأطفالي شمرونه
يدري بسوگ الشام هوايه خلونه

ياهو اليگله.. يابو فاضل
زينب غريبه.. وبلا كافل
بديوان اميه .. ودمه اعله اديه
سيد الجنه

_ ٣ _
نطيتك.. يربي.. الرضيع العمره ست اشهور
التحير.. اخويه.. شلون ايرجّعه منحور

سهم الصاب المنحر واصل للجفين
عابر من منحر عبد الله لإيد حسين
اصغر مذبوح يشدوه ابرمح البين

ماكو اعله گده.. رمح زغير
بالتالي شده.. البي متحير
جابه إليه .. ودمه اعله اديه
سيد الجنه

_ ٤ _
نساء و.. يتامى.. ضلينه ثلث تيام
إلهي.. تقبل.. وگفتنا اعله باب الشام

اسمي الكل عمري جيراني ميعرفه
شافو طولي وعرفو اسمي يا وسفه
يزيد گبالي بروس اخواني يتشفه

بجثة أولادي.. ودرب اهاتي
تقبل يربي.. كل عثراتي
من الغاضريّه .. ودمه اعله اديه
سيد الجنه

_ ٥ _
نقدم.. يربنا.. أعز ما عدنا لجل الدين
رقيه .. الحبيبه.. تقبلها اعله راس حسين

شبگت نحر حسين شمحله شبگتها
بس الجايه تغسّل لمّن شافتها
خافت من المتن الازرگ تركتها

گالتلي چنها.. من المرضى
ياربي خذها .. حتى ترضى
راحت رقيه .. ودمه اعله اديه
سيد الجنه



مصطفى الشافعي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

سامحينه سامحينه ٠ يمه زينب ما اجينه
هالسنه يا غاليتنه ٠ بنص ضريحج مابجينه
٠٠٠٠٠٠٠٠٠٠٠٠٠
يزينب هالسنه مكسوره انصارج
ضلت خاليه يم الحزن دارج
عام الفات جان هواي خطارج
هاي السنه ممنوعين زوارج
٠٠٠٠٠٠٠٠٠٠
العذر منج يالغريبه ٠٠ ماحضرنه بهل مصيبه
لا مواكب لا بواجي ٠٠ بنص ضريحج مابجيته
٠٠٠٠٠٠٠٠٠٠٠
الشام وياج يم الخدر مايصحه
كل مانام جرحج فززه برمحه
مايسمع نصيحه اواحد ينصحه
ماعنده شغل بس كلبج يذبحه
٠٠٠٠٠٠٠٠
لا بجينه ولا لطمنه ٠٠ يالعزيزه و انتي امنه
والله ضلينه حياره ٠٠ بنص ضريحج مابجينه
٠٠٠٠٠٠٠٠٠٠٠٠٠٠
ماشكينه ثوب الأسود ابابج
ولا شمينه يخت الكافل اترابج
عذريهم يزينب هالسنه احبابج
كافي من العتب مانحمل عتابج
٠٠٠٠٠٠٠٠٠
العذر منج يالحنينه ٠٠ غصب عنه مااجينه
هالزمن عنج بعدنه ٠٠ بنص ضريحج مابجينه
٠٠٠٠٠٠٠٠٠٠
يشام خوان زينب ماهم وياها
وحيده وخلصت بالنوح دنياها
لو عباس حي محد تنداها
عمت عين الزمن بيديك خلاها
٠٠٠٠٠٠٠٠٠٠٠
زين تعرف ياهو ابوها ٠ حيدر وعباس اخوها
اه يزينب يالغريبه ٠ بنص ضريحج مابجينه
٠٠٠٠٠٠٠٠٠٠٠
يريت أبين اخوتج هالكبر صاير
ساعه مايضل يم الخدر حاير
مناحر جابتينه عالصحن ساتر
وننصب عزه يمه باليلة العاشر
٠٠٠٠٠٠٠٠٠٠٠
جا رفعناها الروايه ٠٠ جا كتبنه ابابه ايه
اه يزينب اه يوينب ٠٠ بنص ضريحج مابجينه
٠٠٠٠٠٠٠٠٠٠٠
الخادم عبد الجليل المالكي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

سبيه .. زينـــب اول تــــالي
سبيه .. امــشـــي ياكــفـالي
سبيه .. الــــوادم اينــادوني
سبيه

*

جرح بيه الجرح .. كسر گلب الصبح
يمن فوگ الرمح .. تشــوف الي جره
العفــتها امــدللـه .. اطلعت من كربله
ســـنان وحرمله .. خــــذوها اميسره

ترس ماي
عكبك ياگمــر ظلمه تره اسماي
وزينـب عرفو الوادم ترس ماي
گالــــوا كافلچ زينب ترس ماي
لو لا رادو ايشمتون بيه

سبيه جيـفاً ابلا والي
سبيه امــشي ياكفالي
سبيه الوادم اينادوني
سبيه

*

صعب والله صعب .. اروح اويـــه الغرب
تـــره ياديره اطـب .. يســـمعوني حچـي
بـعلم مـدري حــلم .. امـــر وســط الزلم
بديه وجهي اضـم .. لمـــن يعله البـــچي

تلـَــون
اچفوفــــي بالحــبل خويه تلون
وألي اليتلون بالمصحف تلو ون
السوط بــــلون دم مــتني تلون
بيش اشگف وانه مشدود اديه


سبيه والشــمر يبرالي
سبيه امشــي ياكفالي
سبيه الوادم ينادوني
سبيه

*

صحت يا باالفضــل .. وبده يجر بالحبل
صرخ حادي الهـــزل .. كفـــيلچ عالــنهر
اذا عينـــي تصــب .. يخــــويه انظــرب
ويصيح الي يحب .. يشوف اخت الكمر

مــَينشاف
دمعـــي عليـك يالكافل مينشاف
وسهم شماتك بعيني ميه انشاف
طـولي الچـــان ياخويه مينشاف
شافو طولي واخذوني سبيه

سبيه زحمه خويه الغالي
سبيه امــــشي ياكـــفالي
سبيه الــوادم يــــنادوني
سبيه

*

بوكت ماكو امـان .. وشماته بكل مكان
صحت يابو الحنان .. تمنيــــتك تــــمر
عگـــب ذاك الــدلال .. بدي حطو حبال
صحت وينك تعـــال .. خـذوني للـيسر

صليت
تره خدودي بدمـع عيناي صليت
واثــــار الضــرب بالسوط صـلت
على الناگه جـلوس اليوم صليت
يخويه وسبحتي ادموعي الجريه

سبيه والمـــرد دلالي
سبيه امشـــي ياكفالي
سبيه الوادم ينادوني
سبيه
*

يمينك من عـفـت .. على الغبره شفت
على اختك تلتفت .. عيـون ابلا خجل
احس كل نظره الم .. مثل رمية سهم
ولا بــــيهم رحــــم .. وانه طولي ذبل

مر يعباس
حاديهم على اخــتك مر يعباس
بسوگ وبــي شــماته مر يعباس
السبي شگد ما اگلك مر يعباس
اضن امرورته تذبح رقيه

سبيه تهـدمت امالي
سبيه امشي ياكفالي
سبيه الوادم ينادوني
سبيه

*
الشماته تصيح الي .. يزينب بت علي
بعــــد ماكـــو ولي .. علـــيه تـدللــين
اباوع عالجـــمع .. وتهل عيني الدمع
صعب حيل الوضع ..علـيه امجمعين

ها وين
مصاب الســبي كل مـــصاب ها ون
واحس بضلوعي يطحن گام ها ون
الشامـــــــت لو سأل عباس ها وين
قصده ايضحك الوادم عليه

سبيه وضعني منك خالي
سبيه امــــــــشي ياكفالي
سبيه الوادم ينــــــادوني
سبيه
*
حيدر تركي الكربلائي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

اســتر وجـهي بيميني .. ويسراي
الحادي السوگهم طره .. ويسراي
زينــب ســالفه صارت .. ويسراي
المايســـون شـــي يحچــــون بيه

***

اريد اشتم عطر اهلي .. بلا شام
واريد اتغمض اعيوني .. بلاشام
مــو بفلوس شوفتـها .. بلاش ام
عــــون ولــمـــو الـــوادم عـــــليه

***

هلي اهل الشام من لمو ..  شملهم
عـــلّي وعيالي المگاطف .. شملهم
دخـــلنه وساعة السوده .. شملهم
عـــيد ابيـــوم جــــابــــوني سـبيه

***

تــره اخـدودي ابـدمع عـيناي .. صلـيت
واثـــار الـظــرب بـــالصــوط .. صلـيت
عـلـى الـناگـه جلـوس الـيوم .. صلـيت
الحــبل وي كـــل فـــرض يـاكـل بــديه


***

دمـعــي اعـليـك يالكــافـل ..مينشاف
وســهـم شمـاتـك ابعــيني .. مينشاف
(ميه انشاف)
طــولـي الـچـان يـاخويــه .. مينشاف
شــــافـو طـولــي واخــذونـي سـبـيه

***
وحــق البـالحــبل خــويه .. تلو ون
إلــي اليتلــون بالمصحف .. تلو ون
الـسوط بـلـــون دم متنـــي .. تلون
مــــن گـــد الظـــرب يابـــو رقــــيه

***

عگـبك ياگـمر هـاشـم .. تره اسماي
ظلمـه وعـرفو الـوادم .. تره اسمي
زيـنـب كافلــچ گــالــو .. ترس ماي
لـــــو لا رادو ايشــــمتـــــون بــــيه

***

جرحهم مــن علـي بحسـين .. شــافــوه
وگلـبي اشــاف مـن الـشـام .. شافُ أوه
طـولــي الچـان مـاينـشـاف .. شــافــوه
افــَــزع يــــاهـــو والــــكافــــل رمــــيه
***
حيدر تركي الكربلائي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

 
لامتـكـفي الگـبور ..  تدفن حزن عاشور
يزينب يزينب

***

يالمــن حزنچ اونــچ خـجل يعـقوب
يم حيل الرچيچ ويـم صــبر متعوب
لون گلبچ حديد امن الطفوف يذوب
يخت الذي راسـه عالــرمح مـصلوب
 
شلون ام گلب مكسور .. تــدفن حزن عاشور
يزينب يزينب

***

يالشلتــي المصــيبه الابــد ماتنشال
ثگيله ولوهــت تهــدل امتون اجبال
حزنــچ يعــجز ايــشــيله الـف رجال
خصوصا من ندهتي وما اجه الكفال
 
صعبه الخيها منحور .. تــدفن حزن عاشور
يزينب يزينب

***

الباب ابمــوتچ انسد بس فتح بيبان
يالمـوتچ قضــيه مـــو كـــلام السان
غفت عيناچ بــس حزنچ بقه سهران
على الضل عالتراب مســلب وعريان
 
هيه الشافت انحور .. تدفن حزن عاشور
يزينب يزينب

***

كــل الشيعــو جــثـــمانچ ايصـــيحون
دفنــچ مو ســهل يحــظر كــفيلچ كون
يالشفتي المـــصاب الماتــشوفه اعيون
ابراس احسين شفتي الوادم ايهوسون
 
والدمعاتها اتفور؟ .. تدفن حزن عاشور
يزينب يزينب

***

المثلـچ بيه حزن اهله يدفنوه وين
يمخجله يـزينب دمــعتچ كل عين
اهل الشام بيـــچ اشــسوو وتبچين
هلگد مابچيتي بچــه راس احسين
 
گلب الگاع مفطور .. تدفن حزن عاشور
يزينب يزينب
***
حيدر تركي الكربلائي
 ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

وين خوان زينب خل يحضرون
يشيلون النعش هـمــه ويدفنون

                     *-----------------*----------------*

زينب بــالــحــزن مــاتــت غريبه
ويــن خــوانــهــه تشيّع النجيبـه
هــــاي ام الــخـــدر وام المصيبه

الميت مـن يموت اهله اليحزنون

                     *-----------------*----------------*

ويــن أكـبــار وشــيــوخ العشيره
ويــن الحــيــد كــفّــال الامــيــره
تدفنهه الغــرب صــعـبــه وچبيره

وهــاي امــخــدرة هاشم يعرفون

                     *-----------------*----------------*

عــاده المــيــت احـبـابــه التشيله
عــادات الــعــرب هــاي الاصيــلـه
الغربه شلون شالوهه العــقــيــلــه

كــون احبابهـه الــيــوم اليشيعون

                     *-----------------*----------------*

ضــجـّـه تــصــيــر للخوان عـدهـه
هــذا اليــوگــف ويحفر لــحــدهـه
وذاكــه يغمض الــعــيــن ويسدهه

ويبينون الـحــزن واســود يلبسون

                     *-----------------*----------------*

كــون اخوانهه الكـفـلـت خـدرهــه
تجيهه مــحــزمــه وتحفر گبـرهــه
الناس اجناب مــا تــعــرف قدرهـه

مــاتــت بالغرب بــت سـيد الكــون

                     *-----------------*----------------*

هــاي المــا رحــم بـيـهـه زمــنــهــه
مــا مــر ابّــشــر هــمــهــه وحزنهـه
ريــت احبابهه الــتــحــضــر دفنهـه

وبالدمعات يــمــهــه اتــهــل العيون

                     *-----------------*----------------*

زيــنــب والــزمــان اشــســوه بيهه
الــحــد الـمــوت مــا بــطــل بچيهه
ضــل الــســوط مــطــبــوع بإديهـه

مـا ضلت زلــم إلــهــه ويــفــزعــون

                     *-----------------*----------------*

✍ خادم السيده زينب ع
    الشاعر رعد الجريخي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

فزاعيات
يامولاتي يا زينب


أوصفه اشلون ما أدري الشام بوصفه محتاره
شماته وگـامـوا ايشتمون وكلها اوجوه غدّاره
حتى اطفالهم ركـضـة عـلـيّـه وبيدها احجاره

((   وبـحـجـار ومـسبّـه الـشـام لاگـانـي   ))

                                *---------------*---------------*

تلگوني ابطبل ودفوف مدري أشعدهم ايطلبون
الظـهـر الـنـاگـه يوصلني احـجـار العَلّي يمرمون
ياهـو الـگـام يشتمني ماچـنـي هـذيـچ ام عـون

((   لـحّـگ ياچـفـيـلـي ام عـون شـتـمـوها   ))

                                *---------------*---------------*

بسوگ الشام شحچيلك كلها اتصيح اضربوها
يعباس الشماتـه اهـواي هـيـچ اخـتـك تلكوها
الـچـانـت امـيـره اوياك بخرابه الـيـوم خلوها

((   وخلوني بـخـرابـه وسـكـف مـا بـيـهـا   ))

                                *---------------*---------------*

والأصعب عَلّي خويه ومـاچـانـت تمر عالبال
سـت ساعات وكفوني وأديـه امربّطه بحبال
كلام الـنـاس يجرحني ثجيل وموسل ينگال

((  وغـيـر أنـه الـگـبـل ما سامـعـه أحچايه  ))

                                *---------------*---------------*

✍خادم زينب (ع)
الشاعر رعد الجريخي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

⚜ #حديث_المعصوم ⚜

👈 غضب الله للنساء والصبيان

عَنْ كُلَيْبٍ الصَّيْدَاوِيِّ، قَالَ: قَالَ لِي أَبُو الْحَسَنِ¹ (عليه السلام): إِذَا وَعَدْتُمُ الصِّبْيَانَ فَفُوا لَهُمْ، فَإِنَّهُمْ يَرَوْنَ أَنَّكُمُ الَّذِينَ تَرْزُقُونَهُمْ، إِنَّ اللهَ عَزَّ وَجَلَّ لَيْسَ يَغْضَبُ لِشَيْ‏ءٍ كَغَضَبِهِ لِلنِّسَاءِ وَالصِّبْيَانِ².

ــــــــــــــــــــــــــــــــ

[1]. أي الإمام علي بن موسى الرضا ( عليه السَّلام) ثامن أئمة أهل البيت (عليهم السلام).
[2]. الكافي: ج6 - ص49.

#اللهم_صل_على_محمد_وآل_محمد

@MINBARIYOON

🌙 #فلنتهيأ_لشهر_رمضان
💫 #دعاء_الجوشن_الكبير (57)
🗓 (44) يوم تفصلنا عن #شهر_رمضان_المبارك

57- اللهُمَّ إنّي أسألُكَ بِاسمِكَ، يا عَفوُّ، يا غَفورُ، يا صَبورُ، يا شَكورُ، يا رَؤوفُ، يا عَطوفُ، يا مَسؤولُ، يا وَدودُ، يا سُبّوحُ، يا قُدّوسُ. سُبحانَكَ يا لا إلهَ إلاّ أنتَ، الغَوثَ الغَوثَ، خَلِّصنا مِنَ النّارِ يا رَبِّ.

🎥 بصوت القارئ الشهيد الحاج حسين غريب

#اللهم_صل_على_محمد_وآل_محمد 🌹

🌙 #فلنتهيأ_لشهر_رمضان
💫 #دعاء_الجوشن_الكبير (57)
🗓 (44) يوم تفصلنا عن #شهر_رمضان_المبارك

57- اللهُمَّ إنّي أسألُكَ بِاسمِكَ، يا عَفوُّ، يا غَفورُ، يا صَبورُ، يا شَكورُ، يا رَؤوفُ، يا عَطوفُ، يا مَسؤولُ، يا وَدودُ، يا سُبّوحُ، يا قُدّوسُ. سُبحانَكَ يا لا إلهَ إلاّ أنتَ، الغَوثَ الغَوثَ، خَلِّصنا مِنَ النّارِ يا رَبِّ.

#اللهم_صل_على_محمد_وآل_محمد 🌹

🔷🔹 #القرآن_الكريم 🔹🔷

🟢 نقرأ لكم الصفحة ﴿552﴾ من القرآن الكريم #سورة_الصف

🎙 #المقرئ_عامر_الكاظمي

🔴 شارك المقطع مع من تحب لاكتساب أجر الختمة المباركة بطريقة سهلة.

🟤 #تابع👇

@ZADCOM

🟢 الصفحة ﴿552﴾ من #القرآن_الكريم

@ZADCOM

🌙 #فلنتهيأ_لشهر_رمضان
💫 #دعاء_الجوشن_الكبير (58)
🗓 (43) يوم تفصلنا عن #شهر_رمضان_المبارك

58- يا مَن في السَّماءِ عَظَمَتُهُ، يا مَن في الأرضِ آياتُهُ، يا مَن في كُلِّ شيءٍ دَلائِلُهُ، يا مَن في البِحارِ عَجائِبُهُ، يا مَن في الجِبالِ خَزائِنُهُ، يا مَن يُبدِئُ الخَلقَ ثمّ يُعيدُهُ، يا مَن إلَيهِ يَرجِعُ الأمرُ كُلُّهُ، يا مَن أظهَرَ في كُلِّ شيءٍ لُطفَهُ، يا مَن أحسَنَ كُلَّ شيءٍ خَلقَهُ، يا مَن تَصَرَّفَ في الخَلائِقِ قُدرَتُهُ. سُبحانَكَ يا لا إلهَ إلاّ أنتَ، الغَوثَ الغَوثَ، خَلِّصنا مِنَ النّارِ يا رَبِّ.

🎥 بصوت القارئ الشهيد الحاج حسين غريب

#اللهم_صل_على_محمد_وآل_محمد 🌹

🌙 #فلنتهيأ_لشهر_رمضان
💫 #دعاء_الجوشن_الكبير (58)
🗓 (43) يوم تفصلنا عن #شهر_رمضان_المبارك

58- يا مَن في السَّماءِ عَظَمَتُهُ، يا مَن في الأرضِ آياتُهُ، يا مَن في كُلِّ شيءٍ دَلائِلُهُ، يا مَن في البِحارِ عَجائِبُهُ، يا مَن في الجِبالِ خَزائِنُهُ، يا مَن يُبدِئُ الخَلقَ ثمّ يُعيدُهُ، يا مَن إلَيهِ يَرجِعُ الأمرُ كُلُّهُ، يا مَن أظهَرَ في كُلِّ شيءٍ لُطفَهُ، يا مَن أحسَنَ كُلَّ شيءٍ خَلقَهُ، يا مَن تَصَرَّفَ في الخَلائِقِ قُدرَتُهُ. سُبحانَكَ يا لا إلهَ إلاّ أنتَ، الغَوثَ الغَوثَ، خَلِّصنا مِنَ النّارِ يا رَبِّ.

#اللهم_صل_على_محمد_وآل_محمد 🌹