Maged Khalil
https://www.tgoop.com/+RiIQ7wsuXpjUOCoR
قناتي التانيه
ما تحاولوش تفهموا ليه أكتر حد حبيتوه خانكم.. ولا ليه أكتر حد ساعدتوه أساء لكم.. ولا ليه أكتر ناس وقفتم جنبها باعتكم بالرخيص.. ساعات مجرد محاولة الفهم و البحث عن أسباب منطقية بتكون عملية مؤلمة جداً.. ساعات العلاج الوحيد للظلم و قلة الأصل و نكران الجميل بيكون النسيان و التجاهل.. إنسوا اللي ظلمكم و تجاهلوا اللي أساء لكم لأنه ما يستاهلش يفضل في القلب و الذاكرة، كفاية على قلوبكم تحتفظ بدفا الاوفياء و لو كانوا قليلين.
التنازل في حق نفسك مش تسامح ولا طيبه ده غباء، لما بتعدي كتير بيصبح إللي قدامك شايفك إنك مابتحسش و إن ماهما عمل إنت مش هتزعل .. ما يعرفش إنك بتزعل وتسكت عشان بس ماتزعلوش علي زعلك؛ ف تسكت وتاخد علي قفاك وإنت راضي ف تبص تلاقي إنك مائذتش غير نفسك.
جزء كبير من الاستغناء مصدره الأساسي بيبقى الخوف من طعنة حزن جديدة؛ كتير من البشر بيفضلوا الوحدة لأن اعتيادها أهون من مرارة خذلان جديد بنبقى حاسين إننا مش هنستحمله، الحزن بيعلم الزهد.. كلنا بنأمل في ونس يهون الأيام وضغوطها، كلنا نفسنا نلاقي اللي نشاركه اللي جوانا من غير الخوف، بس الأزمة إننا بنتعلم الحذر، وبنتعلم نستغنى بصدق عن أي دعم جاي من برانا، بنبطل نتوقع أي شيء، مبنستناش، مبنصدقش في وعود الأبدية للأسف؛ احتياجاتنا بتقتصر على إن أيامنا تمر في سلام نفسي وسكينة وبس.
مش معنى إنك إتخطيت مشكلة ما ونجحت فى إنك تتكيف مع نتايجها إنك هتتعامل على الأساس ده .. لو سكت هيتفهم إنك بائس حزين ويتبصلك بشفقة ولو إتكلمت وحكيت عن اللي مريت بيه ببساطة من غير وجع، من غير تقمص لدور الضحية هيتشاف برضو إنك بارد أو مصدوم وفي حالة إنكار.
في الفتره الاخيره تقريباً بطلت احاول إني اكون كويس، وبقيت احاول إني ابان كويس، واللطيف إني احياناً بصدقني وبحس إني كويس.
إحنا حياتنا حلوة أوي والله ورزق ربنا مغرقنا مغرقنا بزيادة بس إحنا بناخد بالنا من الفسفوسة اللي مش معانا ونعملها مصدر سعادة ومش بنقدَّر اللي معانا
" متستعجلش على حقك.. الدنيا صغيرة وكل من ظلمك فيها هييجي عليه وقت يدفع تمنّ ظُلمه وقسوته عليك غالي جدًا، هييجي وقت وتسمع بنفسك إن حقك رجع وبزيادة، من اللى خذلك أو قالك كلمة كسرتك، من اللى استهان بمشاعرك وتلاعب بيها، من اللى قال عليك اللى مش فيك , متستعجلش واصبر وحقك هيرجع لك تالت ومتلت {إِنَّ رَبَّكَ لَبِالْمِرْصَادِ} زعلك لو هان على كل الناس على ربَّك ميهونش .."
عارف لما تحس إنك عايز تعيط ومبتعيطش بس انت already من جواك بتعيط.
" كُلنا خسرنا ومُعظمنا اتعوّد على الخُسارة بس مَفيش أصعب من الخُسارة اللي بتبقى قبل لحظة الوصول بلحظة، إنتَ خلاص يُعتبر وصلت وخلاص قربت تحقق الهدف، وفجأة تلاقي Game over! هنا الحسرة بتبقى مُضاعفة وكُل الأحلام الورديه اللي بنيتها في خيالك بتتهد قُدام عينيك وما بيفضلش من اللي حصل غير ذكريات كُل ما تيجي على بالك توجع بطنك وتقفل يومك .."
شُعور مش لطيف لما تبقى مُجبر تتقبّل حاجة أو وضع مش على هواك، وفجأة تلاقي نفسك مُجبر تقبل الوضع اللي بَقيت فيه غصب عنك، وحتى لو قررت تزعل أو تعترض مَفيش حاجة هتتغيّر فتبدأ تتعايش مع الحالة بكسرة نفس وقِلة حيلة من باب إن مَفيش قُدامك حل تاني.
مهما فضلنا ندور ونجرب هيفضل أجمل إحساس في العالم إن الإنسان يكون مطمن، مش خايف، مش قلقان من حاجه ،مش بيخوض معارك مع عقله كل ليلة، يكون مطمن وبس .
بحب اوي الناس اللي عندها ذوق وبتختار كلامها كويس وبتحط نفسها مكان اللي قدامها قبل ما تتكلم ومش بتحب تحرج او تجرح حد وعارفين ان الدنيا دوارة وربنا مش بيسيب حق حد اتظلم او اتجرح ، بحب الناس اللي لسانها طيب وبتجبر الخواطر ، الناس المتربية صح
Maged Khalil
https://chat.whatsapp.com/LizGbxyBcWRK84wMsIPuv2
روم الواتس اب ♥️
انا قاعد اشوف الفترة اللي اتشقلبت عشان اخرج منها سليم راجعة بكل تفاصيلها ومفيش في ايدي حاجة اعملها. الله المستعان على الدشملة اللي هتحصل الفترة الجاية