لطمية للأهل والاحباب (( مشتاگه العيون ))


مشتاكه العيون     للماينشدون
همه النسونه وحملو     ننساهم اشلون


همه النسونه وحملو     ماردو النه
چانت حنينه اگلوبهم     تنگط محنه
الضيم اخذنه والهضم     وانريد اهلنه
كلما نصد لنزولهم      نجهر الونه
ردو علينه انصيحهم     شو مايسمعون
همه النسونه وحملو     ننساهم اشلون


يهل المحنه انصيحهم     ردو علينه
ماخله بينه افراگهم     ماخله بينه
دمع المصايب واليتم     بلل عبينه
هاي المباني اخلافهم     وحشه وحزينه
جوه التراب اتوسدوا     ماضن يگعدون
همه النسونه وحملو     ننساهم اشلون


جوه التراب اتوسدوا     حلوين الاطباع
تچوي الضلوع ولاطفت     يانار الاوداع
والعشره فلت والشمل     ماينجمع ضاع
وحشه المنازل صبحت     بغياب الاسباع
دگوا الباب اضيوفهم     عنهم ينشدون
همه النسونه وحملو     ننساهم اشلون


مروا اليوم اضيوفهم     وگفوا عله الباب
گالو نريد احبابنه     وابعاد الاحباب
غياب كلهم صبحوا    وايطول الاغياب
بيمن نشد اصوابهم     يسعر ولاطاب
اعزاز ذوله اعله الگلب     ماواحد ايهون
همه النسونه وحملو     ننساهم اشلون


اعزاز كلهم عالگلب     ذوله وغوالي
چان النزل بوجودهم     يزهي ويلالي
من فارگتهم فارگت     عزي ودلالي
كلساع اصيحن ياهلي     ومشدوه بالي
وبهاي ابد ماحسبت     عني يبعدون
همه النسونه وحملو     ننساهم اشلون


من ديوان معاني الحزن جزء السابع
لشاعرو اهل البيت
ام هجران العمارچيه

رسالة صوتية

((اگبوركم وسفه))


رغــم ما انتـم نجوم السموات
بس أگبوركم وسفه وحرامات
البــقيع بلايه نيشان
هضيمه اولاد عدنان
گبـــــور بــغير بنيان .. هضيمه هضيمه
                        """""""""""""""""""""""""""""""""""''''''''''

الــجوه اجـــدامهم تــتـمايل الــگاع
نيـــشان الگـــبب مـــن الرسم ضاع
السفينه شلون تمشي بدون الشراع
يشراع السفينه الـــ بـــالسـمه انذاع

هـــذا الصار والگبه سبيه
المناره چنها ترچيـةّ رقيه
جرح مايقبل ايهيد
دمع حسرات تنهيد
بقــيع العالمي نريد .. هضيمه هضيمه       
                         """""""""""""""""""""""""""""""""""''''''''''

على المايسوه گمنه ندير العيون
وعــفنه گبـــوركم بيد اليهدمون
الضايع بيت ابوه مايعـرف شلون
الـــمهدي بيا وضع ياحال يا لون

لْـو بس مره نخجل بالذي يصير
چـــــا (الله) رزقنه جناح ونطير
غمضو ولحد ايشوف
كلها تصيـحلك عوف
ليش اتگابل ســيـوف .. هضيمه هضيمه
                  """""""""""""""""""""""""""""""""""''''''''''

وبــــراس السطر كل الحچي راح
وضلن چم حرف من ذيچ الارماح
لـــــدوس الـــــورد جــــدام فلاح
اگبال المــهدي داسو والگبر طاح

فــز جرح السمه من هـدمو النور
وبچت چم فاطمه بعـيون عاشور
الصـور متفارگ العين
فوگ مصاب الحسين
خزن جـــرح الســنين .. هضيمه هضيمه
                    """""""""""""""""""""""""""""""""""''''''''''

شكد شايف خناجر ســيدي هواي
اگبال عيون جرحك ينچفي الماي
اليعجلولك وطن چـا ليش ماجاي
درس مسلم بروحك هــــا يمـولاي

ترى اهل الغدر نصبو تماثيل
وموجود ابرها مولاي والفـيل
كلشي تريد موجود
الشمر ومفزع جنود
بگلبه يگـــول لتعود .. هضيمه هضيمه
                         """""""""""""""""""""""""""""""""""''''''''''

ابــــراهيم النبي كل التعب هان
هـــدمت الاصـنام وچـنت تُعباُنٌ
تعال بكل گلب موجوده الاوثـان
غوينه ابليس عالماچان والـچان

هسه اليعتذر شـتگله معذور
اذا بدموع عينه يـغلي ويفور
اجيتك سيدي وجيت
مــــامعــــروف رديت
چبير وصاحب البـيت .. هضيمه هضيمه

عبد زينب
محمد الابراهيمي

رسالة صوتية

((بالبال))


ليـل وذكـرياتــــك هـــدن الحيل
ومـو صـدفه تـــمـر لا انتــه بالبال

الصـــــوره اليمك اتغـازل بالعيون
بـــــس اللـــيل دونــك صـار كتال

يامـــــاي العطاشه ورسمـك شلون
وحنيـتـــك دمـــع بــــالعين ينشال

اجيتك مـــايــــل وأتـــــوچه ع الآه
يــــالمعروف عنك تـعّـــــدل المال

اليحبك من صدگ بالحبل مشدود
وأنــــــه ليــهسه مـــامشدود بحبال

عــودك تــــوها صارت بيه الدموع
بعلـــــي يابــو عـلي متبدله الاحوال

اريـــدن كــون انته تشوفني ابچيك
كــــــون انته التگول الدمــع همــال

يـــــالتعنيني انـــته وانـــــته يحسين
وغيـــــرك ما اعرفه شسولف شگال

غيرك مــــــا اشوفه وانـــــته بالعين
يـــــــالحبك عليك مـــــــــأشر ودال

يـــــــــاصوره بجدار بروحي مرسـوم
بفيك عـــــــــايشين آنـــــــه والعيال

بفييك والشمــــــس تتغطه باللـــيل
شگـــد دايـــــــــر علينه سيدي البال

وتفــــــزع لليــريد إيطيـــــــح مولاي
ومــاخليت خــادم عــــــــــــاثر وذال

بـــــس شو انته ضال برمحك اتحوم
واســــرارك حـداهن مــــــوش كفال

الناگـــــــــه التعثـــر إيچلبن بالاحبال
والحـــــادي بضحكةّ وســـوطه چتال


عبد زينب
محمد الابراهيمي



@HxzEU1

#قناه_نشر_القصائد_المنبريه

رسالة صوتية

         يمته نبني للبقيع أكبورها
       ونعتني مشايه حتى أنزورها
ــــــــــــــــــــــــــ
       نعتني مشايّـه وبدمعة العين
      أزحوف نزحف مثل زحف الأربعين
       نصيح كل خُطوه وننادي ياحسين
       هاي صرخه أبكُل مُصاب أنكولها

       هاي صرختنة تضل حَدٌ المَمات
      صَرخه وبلياهه ما تسـوّه الحياة
      إلها قدمنه شكثر من تضحيات
       أشَكد لجلها أركابنه كطعوها

        مثل ماضحينه إلها ونفتخر
        للبقيع أن ضحي أحله أبها لعمر
        أبدمنا نبنيها أكبر يحظن كـبر
        والسمه انخليه أينور أبنورها

         ونعتني الكبر الحسن مولانه
          وشمعة القاسم وحنته أو يانه
            وهو بالدمعــات يتلكانــه
          يصيح أبني جفوفه دم حنوها

           ونكصد السجاد عنوان الأباء
           نجيبله ويانه تربة كربلاء
           يبها عطر أحسين ويه الشهداء
          أعمارهم لجل الأحسين أنطوها

        ونعتني الباقر علوم الأولين
        أبلهفة العشاك ما خذنه الحنين
       وجعفر الصـادق نسل الطيبين
        ونشم تُربتهم أبلهفه أنبوسها

         ونكصد الحره الوفيه الصابره
          أم أبو فاضل سبع الكنطره
        ضَحَت اباربع بنين الطاهرة
         أرواحهم لبن الرجية أفدوها

        لچن تبقه أعظم مصيبه كربله
        وعَلَه أحسين الحزن لا مَنبَطِلَهُ
         هاي كُل أرواحنه فدوّه إِلَه
        الشيعه لَجَلَه أَرواحهم نــذروها

         والله منعوفه لبو  اليمه الشهيد
           عمر وأبلياه أحنه مانريد
           وأحنه عن دربه أبد لا ما نحيد
             ولو وذر أرواحنه وذروها

          ما نعوف أحسين وأمه فاطمه
           لا وحك حيدر علي حامي الحمه
           نخدم الزهره ونُبقه نخدمه
           وفازوا الأم الحسن خدموها
+++++++++++++++++++++++++
الشاعر ابو ادم الحلي




ليلة ٨/شوال /١٤٤٦ هجري
الاثنين 7\4 \2025 ليلة هدم
قبور أئمة البقيع عليهم السلام
  #قصائد1446هج

ليلة ٨/شوال /١٤٤٦ هجري الاثنين 7\4 \2025 بصوت خادمكم الرادود ابو هاشم الربيعي ليلة هدم قبور أئمة البقيع عليهم السلام #قصائد1446هج

قصيده للحسين ع {الرايح مني عافيتي}...💔
لسان حال الرباب زوجة الامام الحسين ع

امشي بلا فكر ظليت
الرايح مني عافيتي
ــــــــــــــــــــ✿ـــــــــــــــــــــ
محدبه وتايهه من امشي
طاح من البجي رمشي
بفگده فارگت كلشي
يطب گوه الهوه لريتي
ــــــــــــــــــــ✿ـــــــــــــــــــــ
مخنوگه شكثر ظليت
ماعيشن بعد ياريت
گلبي ايفز اذا صرخيت
ويون لاجل ابو بيتي
ــــــــــــــــــــ✿ـــــــــــــــــــــ
الشارك هالحياة وياي
وحيده يعوفني بدنياي
انه ارويه شنهي الماي
بعده ام الدمع صيتي
ــــــــــــــــــــ✿ـــــــــــــــــــــ
الدمعة اعليه مسبيه
عالوجنات مجريه
عافاني وگطع بيه
و ما متوقعة تاليتي
ــــــــــــــــــــ✿ـــــــــــــــــــــ
تره الشايل ابو سكينه
اويلي اعداه اموذرينه
يروحي ما تلحگينه
المن بعده ظليتي
ــــــــــــــــــــ✿ـــــــــــــــــــــ
#الشاعره المله هاجر الزينبية
لا اجيز الحذف او التلاعب بالكلام

رسالة صوتية

گبور مهدمه ... صاحت فاطمه
وينه اليواسيني
++++++++++++++++++++++++
يل تسمعوني اون انه الزچيه
وگاعده اباب البقيع بهالمسيه
گبور ولدي امهدمه واصفگ بديه
والله حس عادو كسر ضلعي عليه

روحي هايمه ... صاحت فاطمه
وينه اليواسيني
++++++++++++++++++++++++
آه يا جرح البقيع بگلبي ناره
انظر وليدي الحسن هدمو مزاره
هالكريم بلايه قبه ولا مناره
ليش عن إبني يمنعون الزياره

دمعاتي دمه ... صاحت فاطمه
وينه اليواسيني
++++++++++++++++++++++++
يم علي السجاد أهمل دمعة العين
فوگ جرح السلسه خلوله جرحين
ما كفاهم يَمه ذبحو نحر الحسين
يا ذنب عنده علي يسبونه مرتين

الدنيه مظلمه ... صاحت فاطمه وينه اليواسيني
+++++++++++++++++++++++++
لمرقد الباقر نزف جرح المصيبه
الشاف جده حسين والشيبه خضيبه
طفل والچانت تحاميه الغريبه
مرقده مثل المخيم شب لهيبه

لحاله امألمه ... صاحت فاطمه
وين اليواسيني
+++++++++++++++++++++++++
لجعفر الصادق تعاله بگلبي همه
وانكسر گلبي على شيخ الأيمه
صحت واويلا على گبرك ييُمه
هذا معولهم تره لضلعي يلچمه

بخدها لاطمه .. صاحت فاطمه
وينه اليواسيني
++++++++++++++++++++++++
هذا گبر ام البنين امهدمينه
الطاهره الي عاشت وماتت حزينه
شكثر واستني عله حسين وبنينه
ونست عباس بسهم مطفيه عينه
وينك يبني يسبع الگنطره وينك
ام بدر السمه  ... صاحت فاطمه
وينه اليواسيني
++++++++++++++++++++++++
هذا بحر احزاني فوگ جروفي طافح
ماتفارگني المدامع والنوايح
صحت يالمهدي وعتب بالروح جارح
شوكت تاخذ ثار ولدي يا بوصالح

بمسك الخاتمه .. صاحت فاطمه
وينه اليواسيني
++++++++++++++++++++++++
الشاعـر كرار حسين الكربلائي




ليلة ٨/شوال /١٤٤٦ هجري
الاثنين 7\4 \2025 ليلة هدم
قبور أئمة البقيع عليهم السلام
في مسجد الإمام علي ابن
موسى الرضا عليه السلام
حله محلة جبران
#قصائد1446هج

ليلة ٨/شوال /١٤٤٦ هجري الاثنين 7\4 \2025 بصوت خادمكم الرادود ابو هاشم الربيعي ليلة هدم قبور أئمة البقيع عليهم السلام #قصائد1446هج

((بالبال))


ليـل وذكـرياتــــك هـــدن الحيل
ومـو صـدفه تـــمـر لا انتــه بالبال

الصـــــوره اليمك اتغـازل بالعيون
بـــــس اللـــيل دونــك صـار كتال

يامـــــاي العطاشه ورسمـك شلون
وحنيـتـــك دمـــع بــــالعين ينشال

اجيتك مـــايــــل وأتـــــوچه ع الآه
يــــالمعروف عنك تـعّـــــدل المال

اليحبك من صدگ بالحبل مشدود
وأنــــــه ليــهسه مـــامشدود بحبال

عــودك تــــوها صارت بيه الدموع
بعلـــــي يابــو عـلي متبدله الاحوال

اريـــدن كــون انته تشوفني ابچيك
كــــــون انته التگول الدمــع همــال

يـــــالتعنيني انـــته وانـــــته يحسين
وغيـــــرك ما اعرفه شسولف شگال

غيرك مــــــا اشوفه وانـــــته بالعين
يـــــــالحبك عليك مـــــــــأشر ودال

يـــــــــاصوره بجدار بروحي مرسـوم
بفيك عـــــــــايشين آنـــــــه والعيال

بفييك والشمــــــس تتغطه باللـــيل
شگـــد دايـــــــــر علينه سيدي البال

وتفــــــزع لليــريد إيطيـــــــح مولاي
ومــاخليت خــادم عــــــــــــاثر وذال

بـــــس شو انته ضال برمحك اتحوم
واســــرارك حـداهن مــــــوش كفال

الناگـــــــــه التعثـــر إيچلبن بالاحبال
والحـــــادي بضحكةّ وســـوطه چتال


عبد زينب
محمد الابراهيمي



@HxzEU1

#قناه_نشر_القصائد_المنبريه

رسالة صوتية

يجي يوم ونبني بيه اكبوركم
ومشي نطلع نعتني ونزوركم
ــــــــــــــــــــــــــــــــــــــــــــ
ناركم  لليوم  تسعر   بالكلب
وحسره ضلت باقي ابكلب المحب
لهفه بينه وشوك ودموع التصب
عيد عدنه من نجي ونطوفكم
ــــــــــــــــــــــــــــــــــــــــــــ
يهل بيت المطفى وسر النجاة
فاهيه ابلايكم انعيش الحياة
خالدين ابكل زمن رغم الطغات
العين تعمه الماتسرابشوفكم
ــــــــــــــــــــــــــــــــــــــــــــ
حگهه تعمه اعيونه من الدمع
لحدما بيكم محبكم ينجمع
وحگ ذيج الطرت ابنص الفزع
انلاگي عاشور ابدمع عاشوركم
ــــــــــــــــــــــــــــــــــــــــــــ
انلاگي عاشور ابدمع غرگ جفن
وبينه تدي اجروحنه وما هودن
ليش مانندل گبر لم الحسن
الدهر ليش ابضلمه حافظ دوركم
ــــــــــــــــــــــــــــــــــــــــــــ
يهل بيت المرحمه واهل الصبر
بالاگلوب الرافضيه الكم گبر
اشما يمر ليل ويطر باجر فجر
شوركم يدهر وناخذ شوركم
ــــــــــــــــــــــــــــــــــــــــــــ
گبر   للباقر   ولبنه  وللأبو
وسفه حارس ضال اعليهن عدو
اشما يزور الزاير وصاحو شكو
باطل  اتصب يهل شيعه ادموعكم


خدمة اهل البيت
علي الزرگاني
ازهر الاعضيمي

رسالة صوتية

🏴 جريمة هَدِم  🏴

● طور : جريمة قتل ، وعدة أطوار أخرى
.
.
.
عدنه جريمة هَدِم .. بيها البقيع انظلم
چم مرقد امن الغُرر .. بيها وسف ما سِلَم
〰️〰️〰️〰️〰️
أربع أيــــمه انحرمنــــه وَصلهم
حتى بقبــــرهم زمننه ظلمـــهم
فقط لحظه وحده أبد مارحمهم
نجي يَمتى إِلهم نطوف ابقبرهم

بين النبي والحسن .. نسعى ونطوف ابشجن
ما نوصل وننكسر .. بيها وسف ما سِلَم
〰️〰️〰️〰️〰️
انتوا اللي هالدنيا كلها بديكم
أمُر هالخلايق رهن والله بيكم
بس انتوا هِدموا قببكم عليكم
امنعوا كلمن ايريد يزور ويجيكم

واليِقتِرِب ينقتل .. ابفتوة زعيم الجهل
صار اليِجيكم كفر .. بيها وسف ما سِلَم
〰️〰️〰️〰️〰️〰️
كِلِ الأيــــمه زحــــف نعتنيــــهم
اشما طال الإفراق نروح ونجيهم
بس انتوا حَمْلَه الزمن شَن عليهم
اليِقِصْدون يِرِجْعون ألِف جمره بيهم

هذا اللي عنده حِلِم .. عطر الترايب يِشِم
وهذا يطوف القبر .. بيها وسف ما سِلَم
〰️〰️〰️〰️〰️
انتوا اللي ما نِحيي يَمكم عزيه
لا من مواكب أرضكم خِليه
متى تِختلف ساداتي هالقضيه
ونجيكم ملايين مِنِ الغاضريه

نقصد مواكب لَطَم .. وكلنه نشوف الحرم
ايْرِد يِفتَحَه المنتظر  .. بيها وسف ما سِلَم
〰️〰️〰️〰️〰️
تمت بحمدالله تعالى
✍🏻 / فاطمہ كريم
نسألكم الدعاء لتعجيل الفرج
يا أبا عبـــــــــــــــــــــــــدالله
الفاتحة مع الصلوات إلى روح والدي كريم صالح✾❁◼️أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

رسالة صوتية

رسالة صوتية