tgoop.com/Milliygvardiya_Surxondaryo/8857
Last Update:
Ўзбекистон Республикаси Қуролли Кучлари ўртасидаги “Қўл жанги бўйича” чемпионатининг финал жанглари гувоҳи бўлганингиздек МТРК нинг “Спорт” телеканалида тўғридан тўғри эфирга узатилди. Муросасиз беллашувларга бой бўлган жанглар ўз ниҳоясига етди ва ғолиб спортчиларни тантанали тақдирлаш маросими бўлиб ўтди.
Тадбирда, Ўзбекистон Республикаси Президенти ҳузуридаги Хавфсизлик кенгаши котиби В.Маҳмудов, Ўзбекистон ҳуқуқни муҳофаза қилиш органлари қўл жанги федерацияси раиси-Миллий гвардия қўмондони Р.Джураев, Давлат хавфсизлиги хизмати раиси Б.Қурбонов, Мудофаа вазири Ш.Холмухаммедов, Фавқулодда Вазиятлар вазири А.Қўлдошев , Ички Ишлар вазири П.Бобожонов, Давлат божхона қўмитаси раиси А.Мавлонов, Президент давлат хавфсизлик хизмати раиси А.Усмонов, Қўл жанги федерацияси раиси ўринбосари Б.Соатовларлар иштирок этиб, ғолибларга медаль, диплом ва қимматбахо совғалар, шунингдек кубоклар тантанали равишда топширилди.
Чемпионатнинг якуний натижаларига кўра, умумий ҳисобда 3-ўринни Миллий гвардия ва Ички ишлар вазирлиги жамоалари, 2-ўринни Мудофаа Вазирлиги жамоаси ва фахрли биринчи ўринни Давлат хавфсизлик хизмати жамоаси қўлга киритди.
Чемпионaтда фаол иштирок этган Куч тузилмалари спортчилари ва уларнинг мураббийларини Қўл жанги федерацияси раҳбарияти номидан самимий муборакбод этамиз!
