بَــرمِــج عـقـلك .

بزمن النظام العراقي السابق يكولون چان أكو حزبي أسمه "رفيق حمزة"، شغلته يلقي القبض على الناس الكبار بالسن، حتَّى يزجهم بما كان يُسمّى «الجيش الشعبي» وهو تشكّيل كان يُقاتل بالحرب العراقية الإيرانية مع الجيش الرسمي.

"رفيق حمزة" چان يفترّ ورا واحد عمره بالستين يريد ياخذه للجيش الشعبي، أسابيع وشهور ما عايفه، كُل يومين يسوي غارة على بيته يفتشه، ويسوي مطاردات بوليسيّة، وذاك الرجال بعد حتَّى ما يبات يم أهله لأن ميريد يروح للحرب.

فد يوم گدر "رفيق حمزة" يلقي القبض عليه، ودزّه مباشرة مع أول وجبة إلى جبهات القتال، وهناك بأوّل معركة وگع هذا الرجل بالأسر عند الإيرانيين.

بعد شكم أسبوع طلع على الراديو الإيراني مع مجموعة أسرى يبعثون رسائلهم لأهلهم حتى يطمنّوهم، وهنا كان حديث هذا الرجل:
آني فلان بن فلان، من المدينة الفلانية، عنواني كذا وكذا، أحب أسلّم على أهلي وأگوللهم لا تخافون آني بخير، ناكل ونشرب وكُلّشي تمام.
بس عندي رسالة خاصّة إلى "رفيق حمزة" بمنطقتنا، أريد أكول له:
فخت؟

هسَّه ولا ذاك الرجّال إلّي دمّر بلده سنين وسنين إلى أن سلمه بيد الإرهابيين يحكموه:
فخت؟

www.tgoop.com/Mind_1/69889

166 viewsDec 8 at 10:34

بزمن النظام العراقي السابق يكولون چان أكو حزبي أسمه "رفيق حمزة"، شغلته يلقي القبض على الناس الكبار بالسن، حتَّى يزجهم بما كان يُسمّى «الجيش الشعبي» وهو تشكّيل كان يُقاتل بالحرب العراقية الإيرانية مع الجيش الرسمي.

"رفيق حمزة" چان يفترّ ورا واحد عمره بالستين يريد ياخذه للجيش الشعبي، أسابيع وشهور ما عايفه، كُل يومين يسوي غارة على بيته يفتشه، ويسوي مطاردات بوليسيّة، وذاك الرجال بعد حتَّى ما يبات يم أهله لأن ميريد يروح للحرب.

فد يوم گدر "رفيق حمزة" يلقي القبض عليه، ودزّه مباشرة مع أول وجبة إلى جبهات القتال، وهناك بأوّل معركة وگع هذا الرجل بالأسر عند الإيرانيين.

بعد شكم أسبوع طلع على الراديو الإيراني مع مجموعة أسرى يبعثون رسائلهم لأهلهم حتى يطمنّوهم، وهنا كان حديث هذا الرجل:
آني فلان بن فلان، من المدينة الفلانية، عنواني كذا وكذا، أحب أسلّم على أهلي وأگوللهم لا تخافون آني بخير، ناكل ونشرب وكُلّشي تمام.
بس عندي رسالة خاصّة إلى "رفيق حمزة" بمنطقتنا، أريد أكول له:
فخت؟

هسَّه ولا ذاك الرجّال إلّي دمّر بلده سنين وسنين إلى أن سلمه بيد الإرهابيين يحكموه:
فخت؟

BY بَــرمِــج عـقـلك .