tgoop.com/Mirza_M_Al_Saadi/11269
Last Update:
#شهادة_مولاتي_الزهراء_ع
يازهراء يادخيل اعيونچ
يازهراء يادخيل اعيونچ
يازهراء يادخيل اعيونچ
================≈====================
خل نسولف عالزچيه بكل معاني الاحساس
أمنه ياناس احنه نفخر أمنه تاج اعله الراس
وسفه باب الله ونبيه بيد منكر ينداس
وهوه نفس الباب باچر يشفع الكل الناس
بيده الكون والشفاعه بأيده
باب الله احنه كلنه نريده
================≈====================
رحمة الباري علينه منهه مكسوره اضلوع
وبيهه اثر ذاك الضربهه چفه بالخد مطبوع
بابهه يهل الحميه بحقد ظالم مدفوع
بالعصر أسس الطاغي الهذا يومك مشروع
أسس نار تلهب الودايه
الكرسي البيت چان عنده الغايه
================≈====================
فاطمه موجود لكن أشرف الموجودات
هيه قرأن ايترتل حاويّه سر الذات
ياخلگ زهرة نبيهه ابيت وحي الله اتبات
والعشگهه اترزقه فاطم چي يحبهه الجنات
فاطم نور والعشگهه اتدلله
يصبح جون والمئاتم كربله
================≈====================
فاطمه أيات رحمه وهيه نور القرأن
والنبأ والزُمَر هيه والرعد والدخان
هل أتى مثل الي صاير بالنبي يا إنسان
نورهه الأيمان كله الما يمسه الشيطان
روح الله منهه صارت كلمته
حب الآل مريم الحر غذته
================≈====================
ياخلگ بأي ذنبٍ قُتلت أم حسين
والفعل شنهو الي صارت تستحق بيه البين
تدري ياقاتلهه انته كل فعل دين بدين
ياخذ الثار أبو صالح منه گلي اتفر وين
رايه وسيف وماكو الا من ناصر
من ايقوم ايعيد يوم العاشر
================≈====================
4/12/2021 السبت
#الشاعر_الميرزا_محمد_الساعدي
https://www.tgoop.com/MullaMohammadAlsaedy/9582
BY الشاعر الميرزا محمد الساعدي
Share with your friend now:
tgoop.com/Mirza_M_Al_Saadi/11269