tgoop.com/Mnoo889/22653
Last Update:
__ بطلة حلقة اليوم هي شيخة جيهان علي✨
بتكونوا شفتوا التخاريج الفخمة البتتعمل لحافظات القرآن في الصالات والكانت لافة قبل فترة = اغلب التخاريج هي لحافظات وخاتمات مراكز الفرقان الأسستها وبتديرها شيخة جيهان 💪
في فبراير السنة دي خرَّجت مراكز الفرقان النسائية ٣ ألف حافظة، وقالت الشيخة إنو هدفها (امرأة حافظة في كل بيت) 👸
مراكز الفرقان للتحفيظ عندها ١٩ فرع في الخرطوم و ٤ في ولاية الجزيرة افتتحوا على مدى الأربع سنين الفاتوا 👌
شيحة جيهان عندها اجازة بالقرآءت العشرة عن طريق الشاطبية، تخرجت من مركز القرآن لإعداد معلمات القرآن بالمملكة العربية السعودية
واختارات الشيخة و وفقها الله إنو تجعل القرآن وتعليمه للنساء رسالة حياتها فحازت شرف ما زيه شرف 🔥
دا غير إنها زوجة وأم، وإنسانة مُلهمة جدًا، مَن الله عليّ إنو اجتمع بيها مرة واحد وما زالت ذكرى اللقاء من أحب الذكريات لقلبي 🤩
النماذج النسائية السودانية الناجحة الزي دي مفترض تكون مشاعة بين البنات عشان يعرفوا إنو النجاح ميادينه كثيرة جدًا 💕
ملاحظة أخيرة:
السلسلة دي هدفها الانتشار فارجو من كل شخص قرأ يشارك المنشور عشان يصل لأكبر عدد من الناس 📣
#مسلمات_ملهات
-عصماء الدخري
BY رفـقـﮩ💛
Share with your friend now:
tgoop.com/Mnoo889/22653