tgoop.com/Mostafazadeh2/22001
Last Update:
پێشکێش بە تۆ کچی جوانی نیشتمانم
گەورە مەبە نازدارەکەی بابە، ئەی کچی
جوانم گەورە مەبە خۆشەویستم، باوەڕ
بکە منداڵیتم لە ڕادەبەدەر خۆش دەوێ،
و لە پەنا منداڵی تۆ دا هەر لاو دەمێنم!
گەورە مەبە کۆرپەکەم منداڵ بمێنە:گڕوو گرتنت جوانە لەلام ،بگری،بزیقێنە، ناز بکە،بقیژێنە،قاقا بکێشە، بە دەنگی قاقات
وەک مووسیقایە،غەم و دەردی دڵم بتارێنە.
گیانەکەم گەورە مەبە،هەتا هەتا منداڵ بمێنێ بەوشەی تێکەڵ و پێکەڵ بە بزەی جوانی لای لێو بمدوێنێ...
گەورە مەبە ئەی خۆشی و شادی ژینم.
زۆر لە سەرەخۆ و وردە وردە بڕۆ پێش،
دەمهەوێ هەر بە منداڵیت ببینم باوەڕ
بکە گوڵەجوانەکەم لە گەورە‌بوون دا هیچ
هەواڵێکی خۆش نابیستی،هەر چەندی بەرەو سەر بڕۆی هەموو شتێک لە تۆ زووتر هەنگاو هەڵدێنێتەوە وغەم و دەرد بەر لە خۆت دەگاتە سەرت،جێی شادیت لێ دەگرێتەوە...
ئازیزەکەم ئێستا دنیا هەر چی دەکا، لە پاکی
بە تۆزی پێت ناگا،گەر بێتوو گەورە بی،ببی بە هاوهەنگاوی ڕۆژگار،پەشیمان دەبی ڕۆڵە گیان لە گەورە بوونت دەبی بێزار.
ئەرێ ئەی گوڵی گوڵدانی دڵم هەوڵ‌بدە دایم لە دنیای ئێمە گەورەکان لە پێشتر بی،هەر چەندی دەتوانی،تەنانەت هەنگاوێ دوو هەنگاو،
پەلەت نەبێ،بۆ گەورە بوون،مەڕۆ پێش بەپڕتاو...
تاکوو منداڵی دنیا لە لات جوان و ڕەنگینە
هەر شادی و خۆشی و سەمایە ژینت پڕ لە پێکەنینە،بەڵام هەر تەمەنت بچێتە سەر دەستی بە هێزی زەمان، هێندەت دێنێ و دەبا،هێزی ڕێپێوانت لێ دەبڕێ، خۆشی و شادیت نامێنێ، کز و داماو لە قوژبنێکت دەخزێنێ، لە گەورە بوونت دەکا پەشیمان
گیانە گەورە مەبە بەو زوانە،منداڵ بمێنە،
لەو بەری تەمەن هیچ هەواڵێک نیەلە خۆشی و شادی، کە گەورە بی تازە نابینی لە سەر لێوی ناسکت بزە و پێکەنین، ڕۆژگار بە کەیفی دڵی سەودات لە گەڵ دەکا و دەتبەزێنێ،خۆشیت دەبێتە گریان و شین. چاوەکەم هەر وا منداڵ بمێنە لە قووڵایی دڵەوە بێ‌خەم بە، پێبکەنە بە ئەدا دەرهێنانی ئێمە گەورەکان کە بۆ دەمێک پێکەنینت دەبینە کۆسە و گۆسارتمە، کەگەورە بووی دەزانم دڵت دەگیرێ، بەدیتنی دەڵقەک و گۆسارتمەکان دەکەوێ گریان ئەوینی ژینم تا دەتوانی منداڵ بمێنە، ڕۆژێ دنیا گەورەت دەکا و خۆشیت دەبێتە دەرد و خەم، تاڵە تاڵ دنیا و ژیانی گەورەکان...
وەرگێڕان ــ نادرمستەفازادە ــ ڕەحیم‌خان
کاناڵی ژیان جوانە،گەر چاوەکان جوانی ببینن
@Mostafazadeh2
BY ژیان جوانه
Share with your friend now:
tgoop.com/Mostafazadeh2/22001