tgoop.com/Mostafazadeh2/22007
Last Update:
👈 ژنی ژیر و پاراستنی نامووس:
« -پاشایەک لەسەر بانی کۆشکەوە لە دنیا دەڕوانێت چاوی دەکەوێتە سەر ئافرەتێکی زۆر جوان دەپرسێت: ئەوە کێیە؟
ئەوانیش ئەڵێن: ئەوە هاوسەری فەیروزی خزمەتکارتە.!!
پاشا تەماع لە ژنەکە دەکات و فەیروزی خزمەتکار بانگ دەکات و پێی دەڵێت: سبەینێ ئەم کتێبە بەرە بۆ فڵانە شار...
فەیروزیش دەڵێ: بەسەرچاو گەورەم..
فەیروز ئەو شەوە کتێبەکە لەژێر سەرینەکەی دادەنێت، و بەیانی زوو دەڕوات....
ئیتر ڕۆیشت بێ ئەوەی بزانێ پاشا چ پیلانێکی بۆ داناوە!!
پاشاش بێ ئارامانە چاوەڕێی ڕۆیشتنی فەیروزی دەکرد، هەر ئەو ڕۆیشت و ئەمیش خۆی گەیاندە ماڵی فەیروز و لە دەرگای‌دا..
هاوسەری فەیروز ووتی: کێیە؟
پاشا ووتی: من پاشا و گەورەی مێردەکەتم، دەرگای لێکردەوە و پاشا چووە ژوورەوە دانیشت!
ژنەکە ووتی: پاشامان ئەمڕۆ لێرە دەبێت؟
پاشا ئەڵێت: تەنها سەردانە.
ژنەکە ئەڵێ: پەنا بەخوا لەم سەردانە، گومان نابەم خێری تیا بێت!!
پاشا ووتی: بێدەنگ بە، من گەورەی مێردەکەتم، ئەڵێی نامناسیتەوە.!؟
ژنەکە ووتی: با گەورەم، چۆن نازانم... بەڵام من ئەم دێڕەم زۆر لاجوانە کە ئەڵێ"
( خوا سەرکەوتووی ناکا هەرگیز ئەوەی شێرە و بەرماوەی گورگ دەخوات!! )
منیش ڕقم لەو شێرەیە لە شوێنی ئاوخواردنەوەی سەگ ئاو دەخواتەوە...
پاشا مەبەستەکەی تێگەیشت، ڕۆیشت ئەوێی بەجێ هێشت بەڵام ئەوەندە شڵەژا بوو.. نەعلەکانی لەبیر چوو..
ئەمە پاشا، ئەی فەیروز؟
فەیروزیش کاتێ بەڕێ دەکەوێت، دەبینێ کتێبەکەی لەبیر کردووە! دەگەڕێتەوە و کاتێ دەچێتە ماڵەوە نەعلی پاشا دەبینێت، زۆر بێتاقەت بوو.. ئیتر زانی پاشا بۆچی ئەوی ناردووە.!!
بێدەنگ بوو دواتر کاری پاشای بەجێهێنا، پاشاش 100دیناری پێ بەخشی، پارەکەی بە جوانترین جڵو بەرگ و خشڵ دابۆ هاوسەرەکەی وهێنایەوە وپێی ووت: پێویستە سەر لە ماڵی باوکت بدەین تا ئەوانیش ئەم دیاریە جوانانە ببینن!!
ژنەکەی ووتی: زۆر سوپاس بۆ تۆ، بە چاوان وا دەکەم...
ژنەکەی برد و بەجێیهێشت، نەچووەوە بەدوایدا تا مانگێک تێپەڕی...
برای ژنەکە چووەلای فەیروز وپێی ووت: کە پێمان بڵێ لەسەر چی تووڕە بوویت؟ با کێشەکەمان بەرینە لای قازی ...
ووتی: من مافی خۆیم بە تەواوەتی داوەتێ لە دادگایکردنیش بێ مننەتم...
هەموویان بانگکران بۆ دادگا... پاشا قازی بە تەنیشت یەکەوە دانیشتبوون...
براکەی ڕووی کردە قازی و ووتی: من باخێکی جوان و شوورەداری بە بیر و درەختی بەردار بەخشی بەم پیاوە... ئەویش بەرەکەی خواردو شوراکەی تێکدا و بیرەکەی ڕووخاند...
قازی ڕوویکردە فەیروز و ووتی: تۆچیئەڵێیت؟
فەیروز ووتی: من باخچەکەم خۆشدەویست تا ڕۆژێکیان هاتمەوە، شوێن پێی شێرم تیا بینی! من لە ترسی ئەوەی نەمکوژێ و وەک ڕێزێکیش ئیتر نەچوومەوە ناو باخچەکە...
پاشا پاڵی دابووەوە... بەڵام کە گوێی لەمە بوو خێرا بە جوانی دانیشت و ووتی: فەیروز، بچۆرەوە باخەکەت، واللە شێرەکە کە چووە باخەکەتەوە، هیچ شتێکی تێک نەدا ودەستی بۆ یەک گەڵاش نەبرد.... ئەو نە میوەی لێ خوارد و نەدەستکاری هیچیشی کرد، مانەوەی شێرەکە تەنها چەند چرکەیەک بوو، واللە باخم نەبینیوە بەهێندەی ئەو باخەی تۆ شوراکەی بەهێزو پارێزراو بێ....
ئیتر فەیروز تێگەیشت و چووە ماڵەوە هاوسەەکەی هێنایەوە، بەبێ ئەوەی نە قازی و نە ئامادەبووان لە کێشە ڕاستەقینەکە تێگەیشتبن! »
گرنگترین ئەرکی خێزان پاراستنی نهێنیەکانە.
سڵاو و ڕەحمەت لەو خوشکانەش شورای ڕەوشتیان تاجی سەری هاوسەرەکانیانە...💛🌺
کاناڵی ژیان جوانە،گەر چاوەکان جوانی ببینن
@Mostafazadeh2
BY ژیان جوانه
Share with your friend now:
tgoop.com/Mostafazadeh2/22007