tgoop.com/Musawi96/554
Last Update:
ميمر كربلائي
انته الولي ،،والأولي // مولانه اسمع مايلي
غيرك ابد يابو حسين // لا نعشك ولا نهوه
حبك علي بين البشر علانه
اعله المراتب ياعلي خلانه
اوياهم منو أحنه علي ويانه
انته الذخر ،،، وانته العمر // ولمن نحبك نفتخر
شيعة علي كلهه اوياك // بسمك تره نتكَوه
عمرك كَظه عالفقره جنت ادافع
وميهمك الاول صرت لو رابع
تبقه علي لو نصبوك التاسع
ابكل الشدد ،،انت المدد // وغيرك ولا كفؤاً احد
غصباً عله المارادوك // ماخذهه منهم كَوه
كل واحد البينه ابزمانه اتحير
والفتنه كبرت بالبلد ماتزغر
دمنه ترس وجه الارض ياحيدر
اهل الغدر ،، كلهم مكر // ياحيدر احزاب اشكثر
بعدك تره يالكرار // يوميه تطلع بلوه
تتشابه انته اويه النبي بحساسه
ويا صرت عوضته عن كل ناسه
بأسمك بقه يلهج اخير انفاسه
وگلهم تره ,,, للأخره // الما يوالي حيدره
كل عمره يبقه خسران // وحته فلس مايسوه
ربك ابد ماراد غيرك حاشه
ودين النبي بدونك تره يتلاشه
ماهمك الموت ونمت بفراشه
ابلايه حزن ,,ولارف جفن // بفراشه نايم مطمئن
وتفاجئو من شافوك // انته جنت مو هوه
الله خلق هالدنيه ألك سواهه
كلهه بخدمتك ياعلي خلاهه
حگه تره من يرفع ايدك طاهه
ابكل الطرق ،، انته العشق //غيرك ابد مايستحق
نعشگ علي الحد الموت// غيرك نحب ياهوه
الميت يودعونه هله وخوانه
عمره گضه وتتناوشه الدفانه
هنياله يصبح حيدره جيرانه
ليل انهار ،،، لايحتار // يمه تره حامي الجار
اي والله يابو الحسنين // كلش عشرتك حلوه
تمت : الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/554