tgoop.com/Musawi96/562
Last Update:
قادم شهر الدمعه والخدمه الحسينيه
قادم شهر الفاجعه وزينب المسبيه
اي والنجه يونس من بطن حوت
ماعوف المجالس هاي للموت
قادم قادم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خل كل واحد يحضرهن فنونه
نبدع اكثر ابهل سنه خلونه
تره كلهه نفع هل خدمه مضمونه
اليتعب روحه الهم ما يعوفونه
خادم هايه احله كنيه مرت اعليه
خادم انه وكل هلي الزينب العلويه
لو شالوني اهلي بوسط تابوت
ماعوف المجالس هاي للموت
قادم قادم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يخادم نيتك هل شهر صفيهه
عله الله وعالحسين الدنيه خليهه
الأولهه الحُسين حسين تاليهه
دمعتك ضمهه وبعاشور بديهه
حاسم حدد موقفك من هسه تختاره
حاسم لو وي الشمر لو ويه انصاره
انته اختار بس ليفوتك الفوت
ماعوف المجالس هاي للموت
قادم قادم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نحمد الله ونشكره عله العاشر
لوما هوه چا دين الله متناثر
چا هسه احنه وين بحالنه شصاير
لا رادود لا لطام لا شاعر
واهم المايمشي بدربك وين تاليه
واهم المايبجي الك يحسين ليليه
المو فضه ابد لايهوه ياقوت
ماعوف المجالس هاي للموت
قادم قادم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بهاي الخدمه ضل الآخر انفاسك
وأبد لتضن يخيب اوياهم احساسك
تاج الخدمه خليهه على راسك
أهل البيت همه اهلك او ناسك
فاهم كل واحد اجه وللمجلس اتعنه
فاهم عاف الدنيه كلهه واجه للجنه
وللجنه تعال براحتك فوت
ماعوف المجالس هاي للموت
قادم قادم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لجل حسين خل ينكسر خاطرنه
بقه عريان بالحر حته يسترنه
نحمد الله احنه امن الخدم صرنه
احنه الخاطره الوادم تقدرنه
نادم تخلص كل حياته اليترك حسينه
نادم المن راح يجري دمعه البعينه
بيش يفيده صوته الماصرخ صوت
ماعوف المجالس هاي للموت
قادم قادم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
واجب نشكر احنه حسين ليليه
شكراً عل زياره الاربعينيه
وشكراً لله چي خالق ابو رقيه
وألف شكراً عله الخدمه الحسينيه
لازم من بعد الشهر ماتبرد النيه
لازم نحضر ارواحنه للأربعينيه
نعوف الدنيه كلهه انقفل البيوت
ماعوف المجالس هاي للموت
قادم قادم
تمت. الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/562