tgoop.com/Musawi96/567
Last Update:
يحسين الك كل وكت ،،، صرخة وفه تعتلي
ماعدنه غير ابد ،،،،،،،،،،،،،، لا والله يابو علي
لاتهتم الهاي ،،،،،، سبعينك اهواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جرب ،، روح وهد بينه
نرگض ،، گبلك تلكينه
لجلك ،، الله مسوينه ،، يالغالي
احنه ،، سيف بچفينك
كلنه ،، ابشر عد عينك
خاتم ،، صاير بيمينك ،،، يالغالي
اصحاب حسين يسمونه
والصاحب مثلك خيعونه
الماشافك شتفيده عيونه
الرافگك ماخسر ،،، تصبح اله منزله
والصفر لو وحده ،، كل قيمه ماكو اله
نصبح الك ماي ،،، سبعينك اهواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عفنه،، الأول والتالي
فدوه ،، لحسين الغالي
عالي ،،، وراح اتضل عالي ،،، للتالي
نعرف ،، شگد انته تحبنه
وتعرف ،، انته مجننه
يبقه ،، حبك يجمعنه ،،، للتالي
شگد حلوه الدنيه وعفناهه
الخاطر عينك طلكناهه
اصحابك صرنه ونتباهه
مالك ابد كل وصف ،،، لو نحچي عنك دهر
وكل القصائد تره ،،،، يحسين قطره ابحر
يل كلك افياي ،،، سبعينك اهواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نحبك ،، اكثر من امنه
ولدك ،، وانته مدللنه
غيرك ،، يحسين شعدنه ،،، من دونك
العافك ،،شلون يدگ گلبه
يخلص ،،كل عمره بغربه
باچر ،، شيگول الربه ،،، من دونك
لا مال ينفعه ولا ولده
يوم المحشر مابي رده
عدنه حسين وهوه شعنده
كلهه خساره وعلي ،،، بس انته عدنه النفع
المالحگ اعله الحرب،،، خل يلطم اعله الضلع
العافك بلا راي ،،، سبعينك اهواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حچايه ،، ويمك نحچيهه
زينب ،،، تاج انخليهه
يخسه ،، الرايد يسبيهه ،،، ويوصلهه
خيمه ،، احنه انصير الهه
والله ،، فدوه انروحلهه
شحده ،، الماشايف ضلهه ،، ويوصلهه
ماتنذل هاي اخت الكافل
مو بالسيف ابكلمه اتقاتل
حرمه وبس ازلام تعادل
ميهمهه درب السبي ،،، نعرفهه ام الخدر
من تحچي اخت الگمر ،،، بيهم تهز القصر
ليهمك الجاي ،،، سبعينك اهواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عابس ،،، لو طب للحومه
ناذر ،، يشگگهه اهدومه
الوادم ،، خليهه اتلومه ،،، مجنونك
واحنه ،، بينه شچم عابس
غالي ،،، وعليك انافس
عدنه،، بس انته الواهس ،،، مجنونك
گدامك نوگع تدرينه
وخلهه الخيل اتدوس اعلينه
والله نحبك يابو سكينه
نحبك رغم كل صعب ،،،، وعداء النه اشكثر
بس احنه عدنه المهم ،،، بمحبتك ننتصر
ماردنه بس هاي ،،،سبعينك اهواي
تمت ،، الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/567