tgoop.com/Musawi96/568
Last Update:
خدامك خدامك ،، ماتنسه ايامك
واعدنه حسين ،، وعد الحر دين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عشكنه ،، جمعنه ،، ننصب عزه
بخدمتك ،، بمحبتك ،، الجائزه
بيضه نيتنه نوارس ،،، بس على حبك ننافس
والخدم كلهم عوابس ،،، كلمن ايشگ ثوبه
انته يحسين النه واهس ،،، بالعمر انته المؤانس
والله من هاي المجالس ،،، مانصيح التوبه
منعوفك تدرينه ،، اولنه وتالينه
يصب دمع العين ،، وعد الحر دين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابونه ،، وأخونه ،، صرت النه
بولائك ،، بعزائك ،،، الجنه
ندري المجلس يحضره ،،، المهدي وفاطمه الزهره
وكلهه تسمع لمن اقره ،،، وأعد اينادوني
هل عزه صعبه نعوفه ،،، وداعت الگطعو چفوفه
بلكت المهدي اشوفه ،،، ما اغمض اعيوني
والمهدي ويانه ،،، نوگفله بأحزانه
شگد مشتاگين ،،، وعد الحر دين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نظرتك،،، خدمتك ،،، تكفيني
من اليوم ،، الى يوم ،،، تكفيني
كلشي مايلهيني عنك ،،، بيه عايش دوم حزنك
خير صار براسي منك ،،، فخر بيه هوايه
چنت قبلك لا أبالي ،،،، وغيرت يحسين حالي
هسه امشي وراسي عالي ،،، من خدمتك هايه
ينادوني هالوادم ،،، مو بسمي(الخادم)
مثلك صح وين ،،،، وعد الحر دين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نضمهه ،،، المحابس ،،، ابمجلسك
احتراماً ،،،لصبعك ،،، والمحبسك
الخاطر كلشي نقدسه ،،، الأسود انحبه ونلبسه
اتشوف خادم يوم عرسه ،،، عليك اسود لابس
الخاطرك نعشگ حزنه ،، وعالصطح رفرف علمنه
شهرك اغله من اهلنه ،،، وبالخدامه انمارس
بمصابك ماجامل ،،، الماحبك مو عاقل
عايش موزين ،،، وعد الحر دين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نجيلك ،، دخيلك ،، انته الوطن
سعاده ،، وعباده ،،، وسط الصحن
الدنيه كلهه اتعرف عطرك ،، والله يعرف شنو قدرك
لازم انته الزار گبرك ،،، امبارك يگلوله
الزايرك مايبقه حاير ،،، مؤمن مطبق الشعائر
ينحسب بيت الله زاير ،،، وحجي يصيحوله
والزارك من بره ،،، چن رايح للعمره
يانور العين ،،،، وعد الحر دين
تمت الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/568