tgoop.com/Musawi96/572
Last Update:
يابوفاضل ،، يابوفاضل ،،يابوفاضل اه
يابوفاضل ،، يابوفاضل ،،يابوفاضل اه
انه زينب ياخو زينب ،،، احچي همي وما اعاتب
ودعت روحي بغيابك ،،، انت يا اغله الحبايب
خويه حرگو كل خيمنه ،،، يابوفاضل وانته غايب
وللقصر خلوني ادخل ،،، ووگف ابين الاجانب
يابوفاضل ،، يابوفاضل ،،يابوفاضل اه
يابوفاضل ،، يابوفاضل ،،يابوفاضل اه
محد يحمله ويجرعه ،،، والله ضيم المر عليه
انه اخت الحار راسه ،،،،،،، تالي مچتوفه اديه
انه اخت الكله غيره ،،،،، صعبه من امشي سبيه
انه بنت الحامي جاره ،،،، وكلهم التمو عليه
يابوفاضل ،، يابوفاضل ،،يابوفاضل اه
يابوفاضل ،، يابوفاضل ،،يابوفاضل اه
عل رمح نايم اشوفك ،،، واحنه نمنه بل خرابه
وأسمع تردد يغالي ،،،،،،،،،، فدوه لحسين وترابه
والله من اسمع ونينك ،،،،،، يحترگ گلبي بعذابه
ونقره اني اوياك مجلس ،،،،اه يحسين ومصابه
يابوفاضل ،، يابوفاضل ،،يابوفاضل اه
يابوفاضل ،، يابوفاضل ،،يابوفاضل اه
علمتني الخوه حلوه ،،،، وانت منهه هواي احله
خويه بس ما علتمني ،،،، فراگك اشلون انه احمله
قصة اغيابك عجيبه ،،،،، ولاتضن ياخويه سهله
خويه من بعدك ولوني ،،، وصعدوني بناگه هزله
يابوفاضل ،، يابوفاضل ،،يابوفاضل اه
يابوفاضل ،، يابوفاضل ،،يابوفاضل اه
اصعب ايام ابحياتي،،،،،،،،، خويه بغيابك شفت
من اجيتك للشريعه ،،،،، بس على وجهي طحت
شگد گلتلك يابوفاضل ،،،،،، وانته ابد ما جاوبت
ردتك اتشوف الجرالي ،،،،وحشمت بس ما گمت
من بعد ذيچ الليالي ،،،،،،،، ومن بعد ذاك السفر
من دخلنه الشام خويه ،،،،،، شامرونه بل حجر
وأسمع يصيحون زينب ،،، هيه هاي اخت الگمر
وين اخيچ ما فزعلچ ،،،،،،،وانته باقي بس نحر
يابوفاضل ،، يابوفاضل ،،يابوفاضل اه
يابوفاضل ،، يابوفاضل ،،يابوفاضل اه
تمت ،،،، الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/572