tgoop.com/Musawi96/576
Last Update:
لسان حال مولاتي أم البنين عليها السلام
تخاطب ولدها الحسين ع
راح العمر لمن رحت يالغالي وياك
يحسين راح ابقه انتضر يوميه ملگاك
لاتهتم ألونيني ..فدوه الك بنيني
ودعت كلشي ابدنيتي ...وولادي فوكَ الغبره
لو عندي انهَ مية ولد..... ماعزهم اعله الزهره
البيه سهم من الضهر... من ولدي لا ماعذره
مثل الحسين ابكربله ...اسهامه كون ابصدره
من اسمعت ابني الكَمر كطعوله جفين
كتلهم ونحره بعد هم فدوه لحسين
والعدل لايجيني ... فدوه الك بنيني
زينب تروح اعله الهزل...يحسين من يرضاهه
يا الف حيف اعله الوكت.. وي الشمر خلاهه
ماريد كلشي بدنيتي ........ بس شغله اتمناهه
اتمنه اروح الكربله......،،،،... حته انسبي وياهه
خاطر اصير بكربله يم زينب افياي
تنخاني لو جاهه العطش وانه انكَلب ماي
ام الوفه اتناديني ...... فدوه الك بنيني
وصيت عباس الكَمر ....اختك تضل واليهه
يايمه لو مسهه الخطر........ بعيونك اتخليهه
ماريد تبقه ابلا خدر....... والشمر مايسبيهه
يالكَمر ماريدن ابد ....... يوصل حبل ليديه
يايمه اخيتك كون اميره ترجع اوياك
زينب امانه بركَبتك خليهه بحماك
وبحرج لتخليني ....... فدوه الك بنيني
وحدك بقيت اعله الثره.... يحسين الله ايعينك
ياوسفه كَطعو خنصرك...... وهدومك مسلبينك
انه وهلي وكلشي الي ،،،،،، يايمه فدوه العينك
حكَهه السمه تمطر دمه ....غير انته المطبرينك
لو طاحت السبعه ابد مو عجبه عالناس
ضل ابو اليمه اعله الارض جسمه بلا راس
امنل دمع طاحت عيني ..... فدوه الك بنيني
يحسين كون ابكل زمن ....خادمتك ايسموني
وماعوفك انه للأبد ..........لو اهلي ايعوفوني
ما اسوه كلشي ابغيبتك... انته النظر لعيوني
والعالم امن امحبتك....... هل كَامو ايحبوني
يقرولي دوم الفاتحه وانه احضرلهم
من دون كل هاي البشر صرت انه امهم
اليحتاجني يناديني ... فدوه الك بنيني
تمت : الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/576