tgoop.com/Musawi96/578
Last Update:
يادائم الفضل على البريه
انه وبنيني فدوه للزچيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياربي لمن راحت القافله
تمنيت اروح وياهم الكربله
ياهو اليباري خدر المدلله
عباس كافل واني الكافله
امشي اويه زينب بالغرب سبيه
انه وبنيني فدوه للزچيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من فارگوني تعودت عالسهر
چي مارحت ذبل عيوني القهر
وياهم اريد يشامروني بحجر
بل ضلمه الهم اضوي ام الگمر
وأطفي الخيمه التشتعل بديه
انه وبنيني فدوه للزچيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو مرت ابو خدامه الهم صرت
من اخدمتهم والله انه اكبرت
ما اسوه كلشي من قبلهم چنت
وتحلف الناس براسي كلهه اصبحت
بدويه اصلي وهسه هاشميه
انه وبنيني فدوه للزچيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو بس ولد انذرله روحي ردت
وفدوه اله من العطش لو متت
شيصير لو وياهم انه رحت
چا هسه وي زينب التل اصعدت
زينب عزيزه وماتعز عليه
انه وبنيني فدوه للزچيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بس اربعه بطف كربله قدمت
وگبال زينب انه حيل اخجلت
لو بيدي وياهم ولا قصرت
ومو اربعه اكثر بعد خلفت
ارتاح اريد وتطفه ناري بيه
انه وبنيني فدوه للزچيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/578