tgoop.com/Musawi96/579
Last Update:
ويلا زينب ويلاه ويلاه زينب ويلاه
ويلاه زينب ويلاه ويلاه زينب ويلاه ،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هوا الركض مو للزلم مجبوره زينب وركضت
من هجمت اعليهه العده وخوتهه كلهه اتذبحت
مصيبه وأبد ماتنحمل والدنيه وياهه قست
چم مره صاحت يخوتي وحدهه ياعالم بقت
ويلاه زينب ويلاه ويلاه زينب ويلاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شتريد منهه شتنتضر الشافت اخوهه اعله الثره
داسته الخيل وعبرته وضلوعه كلهه مطشره
مامنذبح مثل البشر من الگفه انحز منحره
موقف زلم ماحملته وزينب يهل وادم مره
ويلاه زينب ويلاه ويلاه زينب ويلاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يمهه بقت بس الغرب مذبوح سبع الگنطره
ياهو اليحاميهه بعد وچفوف اديه امبتره
الكافل تطشر عالنهر عل ميمنه وعل ميسره
شتصير زينب ياخلگ من شاهدت هذه الجره
ويلاه زينب ويلاه ويلاه زينب ويلاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اصعب جرح مو باليسر للشام زينب من مشت
لمن لگت عيد وفرح ومتحضره هل وادم لگت
من شافت اگبال الضعن النسوان كلهه هلهلت
من سمعت ايدك الطبل وچفوف اديهم صفگت
ويلاه زينب ويلاه ويلاه زينب ويلاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من دخلت الذاك القصر كل لحضه زينب تلتفت
ماتت رقيه شاهدت يم راس ابوهه اعله الطشت
هنياله الحسين انذبح وماشاف بعيونه اشفت
الموته مره بهل عمر وانه الف موته متت
ويلاه زينب ويلاه ويلاه زينب ويلاه
تمت الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/579