tgoop.com/Musawi96/581
Last Update:
ماهمني درب الشام والكوفه
ام الخدر ياناس معروفه
اسمي فقط يعني العفاف
زينب علي عبد المناف
ماهمني ماهمني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مايمهني ابد لو شفت الخطر
والمبلل مايخاف امنل مطر
افه والله غير انه اخت الگمر
ولا اهتم للحمول الثجيله
بعد عباس انه صرت الكفيله
گلت لو بالقصر ضلو يلحون
البسهم بديه شيله شيله
صعبه وعلي شحدهم يذلوني
وانه ابو فاضل حرز بمتوني
والعدهه مثله ماتخاف
زينب علي عبد المناف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو حقيقه عني الگال اعطشت
الگاع اشگهه وماي اطلع لو ردت
صمت انه وماي ابد مادورت
ابد مابينه واحد گال عطشان
شهر عاشور صمناه اويه رمضان
ومن گد ما هدوء الدرب للشام
گضينه الدرب كله نقره قرأن
حسبالهم هذا الحصل نقمه
وأحنه نشوفه بعينه رحمه
الصارن تره كلش اخفاف
زينب علي عبد المناف
ماهمني ماهمني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تعبوني بهاي ياعالم نعم
وانه اگلهم اليستر الله مو خيم
مايفمون ولا بشر بيهم فهم
يگلولي ابو اليمه قتيلا
وأگلهم مارأيت الى جميلا
شكثر قدمنه احنه لله قربان
ونشوف بحقه قدمنه قليلا
كلشي النقدمه الباري يعوضه
عدنه اهم شي والمهم يرضه
هوا المهم بعيونه شاف
زينب علي عبد المناف
ماهمني ماهمني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين اخويه ابد ماهمه الجره
عنده محبس انطاه هوه وخنصره
وگال الهم الله اليعوض تره
يگل للخيل حيل بصدري دوسن
وعلي فدوه اذا لله اموتن
عبدالله وعلي الاكبر وجسام
وانه وكل اهل بيتي اروحن
ماعفنه اي شي مامضحينه
وعباس انطه للسهم عينه
وچفوفه گصهه امن الچتاف
زينب علي عبد المناف
ماهمني ماهمني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
التراچي الصارن بأيد الغرب
رقيه الهم انطتهن ومن كل گلب
من خذوهن يعني ماراحن غصب
ابد ماسلبو ومدو اديهم
رقيه تصدقت بيهن عليهم
طمع بيهم وجو يمهه يجدون
وأهل البيت كل الخير بيهم
التمو عليهه المو زلم كلهم
يدرون بيهه ما ترجعهم
والشافه خير الله شاف
زينب علي عبد المناف
ماهمني ماهمني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وأخيراً المات عالحق ينتصر
والنه تصبح راح خدام شكثر
وهمه رايح مايضل الهم ذكر
امن الله ينگطع رايح نسلهم
فقط بس بالعن يبقه ذكرهم
وأبو صالح يرد اعليهم اردود
يطلعهم يعالم من گبرهم
بأيده ابوصالح راح يصلبهم
وعالشجره تاليهه يعلگهم
والمهدي اخرت المطاف
زينب علي عبد المناف
ماهمني ماهمني
تمت ،،، الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/581