tgoop.com/Musawi96/584
Last Update:
حيل صعبه هاليله عاشر
حيل صعبه لايجي باچر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاليله هذا الليل ياهو ينامه يكدر
هاليله اخر ليله اشوفن ابو الاكبر
باچر اليلم الشمل شمله يتطشر
بأجر اشوفه عله الثره وجسمه توذر
يدوس گلبه ياوسفه حافر
حيل صعبه لايجي باچر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمطر دمه حته السمه راح المصابه
ومن بعد ذيچ الخيم نگعد بالخرابه
چم طفله راح تصيح باچر بابا بابا
باچر بعد كافلنه تسبينه العصابه
كافنه مو يمنه حاضر
حيل صعبه لايجي باچر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر اضيع عمري كله ابين الخيام
اركض وخافن تحترك وحده امن الايتام
باچر اشوفنه جرح هيهات يلتام
وننجرح اكثر بالدرب من نمشي للشام
الشام غربه يكسر خواطر
حيل صعبه لايجي باچر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر تصير اعلينه صعبه حته الانفاس
وادم تماشينه ابد ماتملك احساس
باچر مصايبنه چبيره اتشيب الراس
ماعايشه بدنيه ابد مابيهه عباس
راح نبقه ماعدنه ناصر
حيل صعبه لايجي باچر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
موقف صعب راح الضهر باچر اشوفه
وماريده باچر لايجي وبگلبي خوفه
عباس فوگ المشرعه وبلا چفوفه
لابيه اضل يم الإخو لا بيه اعوفه
الراس باچر عالرمح صاير
حيل صعبه لايجي باچر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وسفه وبعد وي الضعن ماتمشي رايه
تاليهه نبقه ابلا ولي وبلا حمايه
باچر اضل الوحدي شهل حيره هايه
متعوده امشي ويمشي الكافل ورايه
راح امشي وحدي وأكابر
حيل صعبه لايجي باچر
تمت ،، الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/584