tgoop.com/Musawi96/585
Last Update:
للمعركه نازل ،،،، زلزال ابو فاضل
غيرة علي الكافل ،،،، للمعركه نازل
دخيل الله ،،، دخيل الله
شد رايته بغيره ،،،، وخلاهم بحيره
عباس ابو الغيره ،،، شد رايته بغيره
دخيل الله ،،، دخيل الله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعتنه بهمه الأبو اليمه وبده يكلمه
اذا تسمح يغالي
اروح الهم ائدبهم وأذلنهم
يخويه ولا ابالي
اروح بكل فخر انه الگمر وتبره منهم
ردت منك أمر واحفر گبر بيدي وأطمهم
اخليهم الك حدر الترب همه وخيمهم
وأطشرهم واجي ورجع ورد النوب المهم
هل دنيه والبيهه ،،، لعيونك امحيهه
يمك اخليهه ،،، هل دنيه والبيهه
وگلت والله ،،، دخيل الله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گصد ليهم يراويهم يبجيهم
وترفرف بيده رايه
يحذرهم ينبهم يگللهم
انه الزينب حمايه
يگلهم للعلم لاما اهم كل الكتايب
انه العباس انه ابنه علي ابن ابو طالب
اعاتب بالفعل. بس بالحچي ماحب اعاتب
العجائب سبعه بس ثامن انه السبعه العجائب
صولاته معروفه ،،،، ردهم عله الكوفه
فقاره بچفوفه ،،،،، صولاته معروفه
انتصر بالله ،،،، دخيل الله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشردو منه الوگف فنه علي چنه
الحرب دگ بيهه ثايه
ولا زلمه اجه يمه حچه كلمه
الحرب متهمني هايه
شهر سيفه اوگف بيهم هتف هل من مبارز
ولا الهم نفس سكته بقو ماكو اليبارز
فقاره امعلمه يشرب دمه شگد سيفه عايز
ضربته فاتكه بكل معركه بكل حومه فايز
صاحوله يل كافل ،،،، دخيلك يبو فاضل
ماكو منو ينازل ،،،،،،، صاحوله يل كافل
ورجع صله ،،، دخيل الله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نخت اخته اخوي انته وأجه وكته
النهر شاله بجربته
بعجل جابه عله احبابه وبده اعتابه
وچفا يم خيمة اخته
النهر من خزرته من خوفته ماچنه نفسه
وعلي من صطرته ازرگ بقه مايه لهسه
يگله لو تشح لو تنمنع وعلينه تقسه
بكثر هذه النجم والله جثث مايك اترسه
لا والله ماعوفك ،،، اوگف عله اجروفك
مني تره خوفك ،،، لا والله ماعوفك
تشح غفله ،،، دخيل الله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابطولاته انتصاراته بمهاراته
غضب نازل عليهم
بعلي يقاتل ابو فاضل غضب شايل
وترس گاع الله بيهم
ولا همه ابد جيش العده الگطعو يمنته
فقاره من وگع فوگ الارض شاله بيسرته
كفو منه ونعم من حيدره ماخذ شمرته
بعد عنه عزم عنده المهم ماتنسبي اخته
والخاطر سكينه ،،، فك للسهم عينه
مگطوعه چفينه ،،،، والخاطر سكينه
اله صمله ،،، دخيل الله
تمت الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/585