tgoop.com/Musawi96/587
Last Update:
بيهم شگد النبي وصانه
أهل بيته وعترته وقرأنه
فرق ماكو الله شاهد
حسين والقرأن واحد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شكثر طه اعليهم موصينه
وراد بيهم همه يحفض دينه
عن كتابه گالو محرفينه
وگطعو بلا خجل راس حسينه
ماتفيد اوصيه يدري بيهم
والخيانه أول وتاليهم
الحاقد ايضل دوم حاقد
حسين والقرأن واحد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين قرآن الله هوه الناطق
والشمر محسوب أول حارق
من قبل حرگوه بس ضل شاهق
وهسه موميكه يحرگه الفاسق
الماسمع خل يستمع تهديدنه
الله ميخلصه الحرگ من ايدنه
مايضل ابيته گاعد
حسين والقرأن واحد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حرگت القرآن من سووهه
وبمحرم رجعو وعادوهه
ابهل شهر عدهم قصد خلوهه
الناس عن حسينهه يلهوهه
القصد من قرأنه يحرگونه
حسين مره ثانيه يذبحونه
مانعوفه حسين والد
حسين والقرأن واحد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو عجب هل نار من شبوهه
من زمان ونارهم شعلوهه
الخيمه ايه ومن قبل حرگوهه
وباقيه وليهسه ما طفوهه
بأيدهم شعلوهه ما نطفيهه
وباچر المهدي يذبهم بيهه
المهدي يوفي من يواعد
حسين والقرأن واحد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
المايدافع عن كتابه ودينه
لايضل گاعد ويحجي علينه
احنه من عباس غيره البينه
والتعده اعلينه نفگس عينه
بعد ماننتضر احنه انقاضي
الماطلع صوته عليهم راضي
واليدافع هم مجاهد
حسين والقرآن واحد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مقترح للدوله عندي بهايه
رايي هذه وهوه كلمن رايه
نطلب امنل وادم الوفايه
بعلم دولتنه نخلي ايه
يصير شكله سوره قرأنيه
وذيچ الوانه بعد ملغيه
ونفتخر بالعلم زايد
حسين والقرآن واحد
تمت الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/587