tgoop.com/Musawi96/589
Last Update:
بيه مرت اصعب ايام .... من مشيت بدربي للشام
امشي والشماته اتحيط بيه
ونضر روس اخوتي اتصد عليه
اصعب ايام ،،،،، اصعب ايام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه اول مره امشي ومو ابو فاضل وراي
وسفه والله وصار يمشي الذابح حسين بگفاي
هاي الايام العشتهه بعمري ما محسوبه هاي
من اشربه الماي اذكر حسين مات ابلايه ماي
شلون اشربه شلون الي عين....اشرب وعطشان الحسين
والله شگد تمنيت المنيه
ونضر روس اخوتي اتصد عليه
اصعب ايام ،،،،، اصعب ايام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ناس مايخلص حقدهم كلش اويانه طغو
حاربو الله ونبيه وهم اجونه وحاربو
بينه سمعو من اجينه ارماح النه حضرو
الراس عبد الله يعالم رمح بل گوه لگو
عل رمح ضلو يدورون ... الراس عبدالله الزغيرون
ونبله گطعت انفاسه الزكيه
ونضر روس اخوتي اتصد عليه
اصعب ايام ،،،،، اصعب ايام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بهل درب مرت مواقف منهه حيل تعذبت
صعدوني بناگه عرجه اشما تميل انه ملت
يخجل العباس والله لو عليه اتباوعت
ومن اصيحن يابوفاضل راسه اليه يلتفت
الرمح يچوي الشايله صار ... كثر ما راس الگمر حار
براسه الغيره ذيج الهاشميه
ونضر روس اخوتي اتصد عليه
اصعب ايام ،،،،، اصعب ايام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من دخلنه الشام كلهم شامرونه بالحجر
بل درب مو جدم زينب لا گلب زينب عثر
ياحسافه وين چنه او وين ودانه الدهر
تالي ما تالي سبايه واحنه سادات البشر
تعبونه والله ظلام ... بل خرابه زينب اتنام
هذي بل خلق اعظم رزيه
ونضر روس اخوتي اتصد عليه
اصعب ايام ،،،،، اصعب ايام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابد ماهمني قصرهم من دخلنه للقصر
واكفه وگتلهم احنه انموت حته ننتصر
انه زينب مايهمني لو بعد مية شمر
ولو ألف مره سبوني ابقه انه ام الخدر
احنه عدنه القتل عاده ... ننتصر بيهه الشهاده
شكراً صحنه يارب البريه
وانضر روس اخوتي اتصد عليه
اصعب ايام ،،،،، اصعب ايام
تمت ،،،،، الشاعر سيد احمد الموسوي
BY الشاعر احمد الموسوي
Share with your friend now:
tgoop.com/Musawi96/589