tgoop.com/Nosirjon_Jorayev/1671
Create:
Last Update:
Last Update:
#ЯНГИ_ШЕЪР
* * *
Қор – хотира,
қатма-қат тушган.
Истайсанми-йўқми, эрийди.
Хунобсан,
ажратиб ололмай тушдан
кўксингда жизиллаб турган ерингни.
Қор эрийди –
милдир-милдир мавж,
Хотиралар оқар пойингда.
Сен ўзингга боқасан аянч –
Юрагинг йўқ,
ақлинг жойида!
Ва даҳшатдан кўкарар лабинг
Бўм-бўш,
руҳсиз кўксингга қараб,
Худди чирс-чирс гулханлар каби
Энди сенда жизилламас қалб!
Ҳаёт – чилп-чилп эриётган қор,
Тушга кўчгинг келади,
шунда
хотирамга қайтасан илк бор,
Сен бахтлироқ эдинг тушингда...
16.12.2024.
✍ Носиржон ЖЎРАЕВ
👉 «Facebook»да ҳам ўқиш ва улашиш учун👈
BY Nosirjon JO‘RAYEV | ijodiy kanal
Share with your friend now:
tgoop.com/Nosirjon_Jorayev/1671