Масаха Мэхээс быйыл күһүҥҥэттэн хотон туттан, икки ыанар ынахтаах, номнуо биэс ньирэйдэммит. Ынахтара красноперстная диэн боруода, бөдөҥ сүөһүлэр эбит. Күҥҥэ икки ынахтан 45-48 киилэ үүтү ыыр эбит. Үүтүн арыы, сүөгэй оҥорон сиирин таһынан тоҥорон атыылаан дохуот киллэрэн саҕалаабыт.

Саҥа саҕалааһын уустуктардаах эрээри ылыстахха киһи күүскэ дьарыктаныан сөп эбит диир Мэхээс. Эдэр киһи бэйэтин баҕатынан хороҕор муостааҕы иитэргэ санаммыта хайҕаллаах. Ыччакка холобур буолара саарбаҕа суох. Уол хараҕа уоттаах, баҕалаах, инники былаана киэҥ.

Бу туһунан биэриилэри саҥа сылтан күөх экраҥҥа НВК «Саха» ханаалга көрөргүтүгэр ыҥырабыт. Эдэр фермер күннээҕи үлэтэ, соруга, кыһалҕата, саҥа арыйыылара барыта эһиги болҕомтоҕутугар буолуоҕа.