tgoop.com/Om_Abeha/11615
Last Update:
نعى للأمام الرضا ( ع)
✶•┈••❥ًً❀(•«﷽»•)❀❥ ••┈•✶
عالصابر المسموم ننعه
وانهيل لمصابه الدمعه
الليله انـعـازي البضعه
✶•┈••❥ًً❀(•«﷽»•)❀❥ ••┈•✶
انـعـازي الـبـضـعـه بـأبنها
ويـلـي الـرضـا يلراح منها
تگضي العمر بالنوح چنها
✶•┈••❥ًً❀(•«﷽»•)❀❥ ••┈•✶
بـالنوح تگضي العمر كله
عليها الرزيه موش سهله
يموت الولـد مـايمه اهله
✶•┈••❥ًً❀(•«﷽»•)❀❥ ••┈•✶
مـايـمـه احـد مــات غـربـه
مـدري الـرضـا وشگال گلبه
امن اسمومهم يشكي الربه
✶•┈••❥ًً❀(•«﷽»•)❀❥ ••┈•✶
يشكي لله ماجره الـه
ياحالة المسموم حاله
ابعيد عن ديرة اعياله
✶•┈••❥ًً❀(•«﷽»•)❀❥ ••┈•✶
ديـرة اعياله مـاهـي يمه
ومصيبة الريسان عظمه
شـمالچ يـدنيه دوم غمه
✶•┈••❥ًً❀(•«﷽»•)❀❥ ••┈•✶
غـمـه يـدنـيـه ولا عـدلـتي
بـاهـل الرساله لـيش ملتي
جدهم رسول الله ما كلتي
✶•┈••❥ًً❀(•«﷽»•)❀❥ ••┈•✶
مـاگـلـتي اولاده تريده
يـافرگت الوالد شديده
لو راح منهم من يعيده
✶•┈••❥ًً❀(•«﷽»•)❀❥ ••┈•✶
مـايـعـود ليهم غـاب نوره
حنين الولي روحه غيوره
بيت الابـو طـيحوا سوره
احاااااه يل شااااال وكـسرررنه
وني على العافوووچ روووحي
✶•┈••❥ًً❀(•«﷽»•)❀❥ ••┈•✶
تم والحمدالله ✍🏻 خادمة أم أبيها الشاعرة أم علي الحلفي لا أجيز شرعاً حذف الأسم أوتغيير الكلمات أهدي ثواب عملي هذا إلى سيدي ومولاي صاحب العصر والزمان ( عجل) وإلى أرواح المؤمنين والمؤمنات وبالخصوص ( والدي رحمهُ الله)
نسألكم الدعاء
https://www.tgoop.com/Om_Abeha
BY الملة والشاعرة أم علي الحلفي
Share with your friend now:
tgoop.com/Om_Abeha/11615