tgoop.com/Om_Abeha/11675
Last Update:
#جديد_الشاعرة #أم_علي_الحلفي
هوسات لمولاتي الزهراء ( ع)
✦❥※❥※✿✿※❥※❥※✿✿※❥※❥✦
موجوعه الزچيه وحيل مابيها
او بـسمـار الضلـع هــو المأذيها
ويـن المصطفى اگـعـد يواليها
( ايسگطونه .... المحسن منها )
✦❥※❥※✿✿※❥※❥※✿✿※❥※❥✦
سگطوه الولد والزهره تعبانه
والدلال لاجله اموجره نيرانه
ما تمم اشهوره وشاف دنيانه
( ايدفعونه .... الباب اعليها )
✦❥※❥※✿✿※❥※❥※✿✿※❥※❥✦
دفعوا بابها اعليها الحوريه
لبوة حيدره عالگاع مرميه
تناديها يفضه لحگي اعليه
( مكسوره .... اضلوعي چنها )
✦❥※❥※✿✿※❥※❥※✿✿※❥※❥✦
اضلوع الطهر كـسروها ياوسفه
ويـاجـرح البتول الابد ما يشفه
يـا نـور الـنبـي والتـقـوه والعفه
( المظلومه .... امك يحسين )
✦❥※❥※✿✿※❥※❥※✿✿※❥※❥✦
امك يالحسين اشلون ظلموها
تـبـچـي عـالابـو كـفـار منعوها
اوصيـة جـدك المختار نكروها
( ايغصبونه .... ورثچ يالزهره )
✦❥※❥※✿✿※❥※❥※✿✿※❥※❥✦
ورثـچ يـم حسن غصبوه عدوانچ
بعدهي ماهدت على الابو نيرانچ
حـگـچ لـو بنيتـي بـيـت لاحزانچ
( اومهظومه .... اتنوح الزهره )
✦❥※❥※✿✿※❥※❥※✿✿※❥※❥✦
تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى أرواح الـمـؤمـنـيـن والـمـؤمـنـات وبـالـخـصـوص إلـى روح الـمـرحـوم والـدي ( رحـمـهُ الـلّـه )
نـسـألـكـم الـدعـاء
#جديد_الشاعرة #أم_علي_الحلفي
فـزاعـيـة ربـاط هـوسـة لـلـسـيـدة رقـيـة بـنـت الـحسـيـن ( عـلـيـهـمـا الـسـلام )
┈┉┅━━❀✦❀━━┉┉┈
طفله يارقيه وشافت الويل
تبچي عـالابـو مانامت الليل
┈┉┅━━❀✦❀━━┉┉┈
مانـامـت الليل وتبچي اتريده
ماتدري بابوها گطعوا اوريده
صـعبه جـيتـه ودروبـه ابعيده
( اتون اعليه البنيه اتريده )
┈┉┅━━❀✦❀━━┉┉┈
لـبـنـيـه تـريـد الابـو الـربـاهـا
بـالحـسره تـون اعليه خـلاها
طالت غيبته ولساعه ماجاها
( الوالي الغرب مايرجع ليها )
┈┉┅━━❀✦❀━━┉┉┈
مـايــرجــع بـعـد خـلاهــا حـزنــانه
عـلى راسه هـوت والعين جريـانه
تنوح اعله الولي الربتها احضـانه
( اتحن الشوفه وماتت مظلومه )
┈┉┅━━❀✦❀━━┉┉┈
تحـن الشوفته وماتت ابحسرتهه
بـديـار الـغـرب صـارت مـنـيـتـهـه
الله ايعينهه الـحضرت مصيبتهـه
( اعليهه العمه ظلت حزنانه)
┈┉┅━━❀✦❀━━┉┉┈
حـزنـانـه عـلـيـهــه ظـلـت الـعـمـه
ويـن امـغـربــه اتـگـلـهـه يـايـمــه
مهضومه گضيتي زغـيره ويتيمه
( هديتي الحيل ابنوحچ عالوالي )
┈┉┅━━❀✦❀━━┉┉┈
تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا لـمـولاي صـاحـب الـعـصـر والـزمـان ( عـجـل)
نـسـألـكـم الـدعـاء
https://www.tgoop.com/Om_Abeha
BY الملة والشاعرة أم علي الحلفي
Share with your friend now:
tgoop.com/Om_Abeha/11675