tgoop.com/Omwiessam/1598
Last Update:
قصيده نوحيه لفاطمة الزهراء ع
-------------------------------------------------------
يمه شگد لذيذه الگعده وياج
ابد ما نلگه مثله طيب ارباج
لا تمشين عنه
ها يم المحنه
ابد ما ترهم العشره بلياج
شگد حلوه و لذيذه گعدتي ويا امي
تسر الروح هيه و تشرك ابهمي
حاربني الدهر و ايريدها مني
اخلاف امي اعيوني يا بشر تعمي
تعمه اخلافها العين
هاي ام گلب الاحنين
لا ترحين اضل للموت انعاج
حنينه الوالده و ماكو مثلها
يا جناز فدوه ارجوك خلها
اريد شويه اعاتبها و اگلها
بتج لو مشيتي جا منو الها
يمه اصبح يتيمه
گلبي ايزيد ضيمه
حاجيني بعد جا وين الگاج
بعد جا وين الگه ام المحنه
هايه الروحه ابد ما منها ضنه
صحت عالشايليها ردو امنه
اخلاف اعيونها جا منهو النه
ما نرهم بعدها
جا منهو لولدها
هاي اگلوبنه يا يمه تهواج
يهواج الگلب يالشوفتج عيد
صعب فرگاج يلي ماشيه ابعيد
تشبع ضيم روحي و ابد متهيد
بس وياج يمه ارواحنه اتريد
شمحله احذاج نگعد
يمه ارواحنه اترد
هسه البيت ضل ينعه اعله فرگاج
يمه البيت يوحش و الثنيه
تعالي ابساع ردي يالزجيه
خالي البيت بعدج منهو ليه
و گلبي احتام لم المحنيه
احتاميت ارد اشوفج
و اقبلهن جفوفج
شمعه بالنزل يا يمه ردناج
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1598