tgoop.com/Omwiessam/1678
Last Update:
قصيده مربعه لفاطمة الزهراء ع
-------------------------------------------------------
يوجعني النفس گوه من اجرنه
مالومه و سهرت اليل اجر ونه
يوجعني الصدر گوه اسحب انفاسي
مالومه و توالي الليل اشد راسي
اون بهداي لا تسمعني اعز ناسي
و كسر البلضلع ما طايبه منه
كسر البلضلع يوجع من اتنفس
خنگتني عبرتي اطفالي خاف اتحس
اگل للروح هيدي شويه كافي و بس
لجن دمعي يهل من الاحسنّه
احس بالضلع من النفس يلجمني
وبعدها العين حمره و حيل توجعني
احط عصابّتي ليشوفها ابني
لن زينب اجتني اتصيح ها يمنه
ها يمه عليج النبي دحجيلي
گولي شيوجعج ها يا بعد حيلي
على اونينج ييمه ما نمت ليلي
و وناتج ثگيله يم الامحنه
يزينب يمه اني هواي مالومه
كسر البلصدر بس تنزف ادمومه
گليلي شسوي و روحي مهضومه
ما ينجبر كسري و بيش اشدنه
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1678