tgoop.com/Omwiessam/1908
Last Update:
قصيده فزاعيه مع هوسه حول وفاة السيده زينب ع
-------------------------------------------
ندري باليموت الناس تنعاله
و تنصب فاتحه و النوح يحلاله
نعش ام الحزن محد اجه و شاله
گومن ياحبايب ننصب اقرايه
للمحد تون احذاها نعايه
گومن يا حبايب ننصب المأتم
لم الحزن زينب حيل خل نلطم
و كون ادموعنه ليها تهل من دم
( نعميها .. و العين اعليها )
نعمي العين للي گضت مقهوره
و بديار الغرب جثتها مشموره
اويلي اعليج يا زينب يمكسوره
( مهضومه .. من يوم اخوتها )
مهضومه و محد يمها ينعاها
و يوم اخوانها ما هان سلاها
وبديار بالغرب هالموت لافاها
( متعيني .. ما يمها احبيبه )
ما يمها اخو ولا يمها اخيتها
ثگيله شلون زينب هيج موتتها
كون امها تجي و بالدمع غسلتها
( المهضومه .. محد غسلها )
محد غسلتها و ضلت اوحيده
ياگلبي على اخت حسين شيهيده
ميدان الجليله هالمسه انريده
( اتشدينه .. و احزام الحره )
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1908