tgoop.com/Omwiessam/1912
Last Update:
قصيده فزاعيه مع هوسه حول وفاة السيده زينب ع
-------------------------------------------
اليوم ام الحزن گومن نشيعها
و كون اعيونه من دم مدامعها
و ننصب فاتحه الروح نفجعها
كون احزام هالليله تشدونه
وابوفاظل على الحره تعزونه
احزام و بالحزن و اللطمه جمعيه
فاتحت العقيله اتريد تعزيه
لطمه حاره و كون ابحماسيه
( شمحلاته .. يا لطم ام عون )
شمحلاته اللطم و النوح للحره
و جمرتها ابگلبنه اليوم مستعره
و خلي انواسي امها فاطمه الزهره
( انعزيها .. و الزهره اعليها )
نعزي ام الحسين بمصاب زينبها
و جرح حسين ما طايب امتعبها
اليوم البين بالمهيوبه صوبها
( امأذيها .. بفعاله البين )
اليوم اخت السباع ابغربه مطروحه
محد گابلاها امفرفحه روحه
يلطم عالنعش و ايكثر ابنوحه
( و ينعاها .. محد يتعنه )
محد راح يمها و ينعه الاغريبه
ضلت لا اخو زينب ولا احبيبه
اويلي اعليج شنهي هاي الامصيبه
( لو ونينه .. تسوين الون )
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1912