tgoop.com/Orthodox_Wallpapers/26531
Last Update:
ምሰሶው ወደቀ 😭😭😭😭
አባ መፍቀሬ ሰብ ከዚህ አለም ድካም አረፉ😭
የሁሉ አባት የሁሉ አለቃ የሁሉ መካሪ የሀገር ምሰሶ የቤተክርስትያን ድምቀት የአውደ ምህረት ጌጥ ሊቀ ትጉሀን ባህታዊ አባ መፍቀሬ ሰብ ከዚህ አለም ድካም አረፋ።
የመንፈስ ልጆጆቻቸው ምን ይሰማችሁ ይሆን?
የተከሏቸው ዛፎች ምን እያሉ ያለቅሱ ይሆን?
ከዚህ በኋላ የቤተክርስትያን በራፍ ላይ ጭራ እና ማይክሮፎን ይዞ ማን ይቀመጥ ይሆን?
ከዚህ በኋላ ጥምቀትን በስርአት ካህናቱን ሰንበት ተማሪውን ወጣቱን ማን ያሰልፍ ይሆን?
ከዚህ በኋላ የሚሳሱላትን ሰንደቅ አላማ ማን በፍቅር ያውለበልባት ይሆን?
ከዚህ በኋላ ማን ተሽጦ እንደርሳቸው ቤተክርስትያን ያሰራ ይሆን?
ከዚህ በኋላ ግሸን እና ላሊበላ አውደ ምህረት ላይ ማን እንደሳቸው ለሊቃውንቱ አበባ እያደለ ሲያሸበሽብ እናይ ይሆን?
ምትክ የለለው ምኞት ሀገራዊ ቁጭት የማይደገሙ አባት አባ መፍቀሬ ሰብ።
የመላው ኢትዮጵያውያን አባት የፍቅር ተምሳሌት የሰው ውሀ ልክ አባ መፍቀሬ ሰብ።
እስላም ክርስትያኑ የሚሳሳላቸው አይናቸው ይመስላል የብረት አሎሎ
የአባ መፍቀሬ ሀገር እንደምነው ወሎ ተብሎ የተዜመላቸው ሀገርን በስማቸው የወከሉ አባት አባ መፍቀሬ ሰብ።
ብቻቸውን እንደጳጳስ ብቻቸውን እንደ መንግስት ብቻቸውን እንደ ንጉስ የሚወደዱ የሚከበሩ አባት አባ መፍቀሬ ሰብ።
በረከትዎ ትደርብን አባቴ 🙏
BY ዘኦርቶዶክስ ተዋህዶ
Share with your friend now:
tgoop.com/Orthodox_Wallpapers/26531