رده سريعه لام البنين عليها السلام

ام الاربعه اتصيح ويلا ياحسيناه
___________________________

تندب ياضوه العين. ويلا ياحسيناه
يل ضامي يل حسين. ويلا ياحسيناه
گطع گلبي الفراگ. ويلا ياحسيناه
عني چا رحت وين. ويلا ياحسيناه

يمته اعليه وتعود . ويلا ياحسيناه
وارمي اهدومي السود. ويلا ياحسيناه
تشرب بيدي الماي. ويلا ياحسيناه
او يمي تگعد اردود ويلا ياحسيناه

وانسه الدمعه والآه. ويلا ياحسيناه
_______________________________

ماضل مهجه بالروح ويلا ياحسيناه
من گالولي مذبوح ويلا ياحسيناه
داسن صدره الخيول ويلا ياحسيناه
اوبي الف امن الاجروح ويلا ياحسيناه

ضامي يمه ذبحوك ويلا ياحسيناه
فوگ الغبره خلوك. ويلا ياحسيناه
نايم عل وجه ليش. ويلا ياحسيناه
امسلب ما يغطوك ويلا ياحسيناه

لا يرحمهم الله ويلا ياحسيناه
____________________________

نايم والرمل حار ويلا ياحسيناه
لا ناصر ولا جار ويلا ياحسيناه
ايغطيك امن الشموس ويلا ياحسيناه
يمه ابگلبك اشصار ويلا ياحسيناه

ما واحد رحم بي ويلا ياحسيناه
والنحرك يغطي. ويلا ياحسيناه
ايبرده ابرشة الماي. ويلا ياحسيناه
كلها اتنادي خلي. ويلا ياحسيناه

حيل او زايد اوياه. ويلا ياحسيناه
______________________________

بعدك لا هنه العيش ويلا ياحسيناه
الوادم تطلبك بيش. ويلا ياحسيناه
امصابك يحني الضلوع. ويلا ياحسيناه
لا لا ما هو بالريش ويلا ياحسيناه

ريت ابكربله اوياك ويلا ياحسيناه
ويه اولادي افداك. ويلا ياحسيناه
والحافر علي داس. . ويلا ياحسيناه
ولا ضل ابچي وانعاك. ويلا ياحسيناه

المثلي اشينفع ابچاه ويلا ياحسيناه
_____________________________

شبچي اشفاد الاونين. ويلا ياحسيناه
لو ابچي يل حسين. ويلا ياحسيناه
الفين من الاعوام ويلا ياحسيناه
ما تكفيني الاسنين ويلا ياحسيناه

عمري دونك آلآم ويلا ياحسيناه
والله ليلي ما نام. ويلا ياحسيناه
تسعر بيه نيران. ويلا ياحسيناه
چن نيران الاخيام. ويلا ياحسيناه

يمه يا غريباه ويلا ياحسيناه
___________________________

انطيتك اربع احيود ويلا ياحسيناه
ردتك بس الي اتعود ويلا ياحسيناه
خابت مني الضنون. ويلا ياحسيناه
ضل دلالي ممرود. ويلا ياحسيناه
هاذه حالي للموت ويلا ياحسيناه
ابگلبي امگطعه ابتوت. ويلا ياحسيناه
اندب عالي الصوت. ويلا ياحسيناه

حدما موتي الگاه. ويلا ياحسيناه

_______________________________

ابو فاطمة الطائي

عگيلي لدفن الاجساد الطاهره
بلسان حال السيده زينب تسال الامام السجاد:

يا دفان احسين اشلونه ؟
يادفان احسين اشلونه ؟
____________________

يا دفان ابن امي اشحاله
خوما خليت امن اوصاله
السحگتهن عشرة خياله
واعظامه الامست مطحونه
____________________

ايگللها او تهمل دم عينه
يا عمتي ريت اتشوفينه
بالگاع احسين اموزعينه
يكسر ظهر الي يشوفونه
____________________

ساعه اضلوعه اجمع واحسبهن
ساعه اوذر من جسمه اجمعهن
والخنصر يا عمه اكلفهن
ياخي عون الي يلگونه
____________________

عمه اعله التربان اموذر
ما ينشال . الله او اكبر
اشما حاولت ارفع ما اگدر
خله الروح اتون مسحونه
____________________

شلته اعله احصيره او نزلته
لا غسلته او لا چفنته
ياعمه ابلا خد وسدته
بس منحر متغير لونه
____________________

وسدته ابلا خد بس نحره
او عبدالله وسدته ابصدره
ياعمه ما ضلت عبره
والمثلي خل تعمه اعيونه
____________________

وللعباس امشيت ابحسره
كوكب. چيف انًزله ابگبره
ياعمه ابلا يمنه او يسره
وآثار الجربه اعله امتونه
____________________

دافنهم جيتچ بجروحي
موت حيلي وني او نوحي
اوياهم ريتن دافن روحي
او لا تبقه ابهل هم مسجونه
____________________

ابو فاطمة الطائي

اعادة نشر ابوذيات لدفن الاجساد الطاهرات الزواكي


يعيني اسنين اجري ...  ضلي لحسين
ابحر الشمس ماكو .....  ضل للحسين
ثلث تيام بل حر ......... ضل الحسين
عگب ما گطعنه الاعوجيه ...

أميه اتگول خله يدگ ....   دفناه
دم احسين ويه الرمل ....   دفناه
ضل اعله الثره ممنوع ....  دفناه
لجل نحرگ گلب اخته السبيه ....

من ماي الفرات الناس ...     حرموه
ولا راعوله يوم المات ...       حرماه
تدفنه اشلون زينب وهي  ... حرماه
واديها امچتفه بحبال أميه .....

ابو فاطمة الطائي

دنيه غروب واگليبي الك ذاب
مسيت العافيه يموسد اتراب
يروحي .. اميتمين اطفالك يروحي .. امگطعين اوصالك
مسية العافيه يموسد اتراب
_____________________

أول اغروب ابحياتي
خويه احتار ابصلاتي
مدري افرشها عباتي
مدري أضل بيها

أول اغروب آنه وحدي
لا اخو لا ولد عندي
انعه ودموعي اعله خدي
محد يحن ليها

لا والي بقه لا عندي اخيام
من گعده تنام الرايده اتنام
يروحي .. المن اشكي احوالي يروحي .. امن اهلي ماضل والي
مسية العافيه يموسد اتراب
______________________

چل الغروب او اجيتك
عل ترب نايم لگيتك
تنظر الحالي يريتك
يبو ألم روحي

جيتك اشكي يابو الاكبر
لچن من شفتك امعفر
عگلي يا خويه تحير
عفت انه اجروحي

شمخليه الحوافر بيك يحسين
كلك منطحن مو ضلع ضلعين
يروحي .. چبدك امگطعينه يروحي .. گلبك امطلعينه
مسية العافيه يموسد اتراب
______________________

گلبك الكله محنه
الحوافر طلعنه
وابرمل يچوي احرگنه
مية جرح شايل

گمت اجر ونه اعله ونه
اعيوني چبدك ينظرنه
لو ثلث ماباقي منه
صاير دمه سايل

جسمك شابچات اعليه لسهام
متواصل طبر يحسين للهام
يروحي .. بيمن ايطلبونك يروحي اعليمن ايعذبونك
مسية العافيه يموسد اتراب
_____________________

اجويعده او مذهوله يمك
بس عباتي اشلون المك
حته شم مگدرت اشمك
جرح على جرح

اهنا ضلع واهناك وذره
من عظامك ذيچه كِسره
يامن الگلبي تفسره
راسك على رمح

واذا نفرض جمعت اعضاك يحسين
خيم ما عدنه خويه انوسدك وين
يروحي .. حيرت دلالي يروحي .. دمعي ضل ايلالي
مسية العافيه يموسد اتراب
_____________________

ليك اسولف يا شرفنه
والله حيره الليله حرنه
لا نلمّك لا تلمنه
ضعن كله بدد

كلشي رايح من اديه
بس شمر يفتر عليه
نيته ياخذني سبيه
بلد بعد. بلد

نعوفك عل تراب ايگول وانروح
عسنها هل مسيه طلعت الروح
يروحي .. ابقه ميخلوني يروحي .. للسبي يردوني
مسية العافيه يموسد اتراب
_____________________

الصبح لو طر علينه
بالحبل تنشد ادينه
نمشي عنك يا ولينه
ولا نرد بعد

من عله الهزله اودعك
چلمه مارايح اسمعك
خويه خافني اوجعك
او يوج جرح برد

اودعك يابو سكنه اورايحه الشام
تهنه ابنومتك يابو علي نام
يروحي .. اعذرني لوعاتبتك يروحي .. آنه زينب اختك
مسية العافيه يموسد اتراب
_____________________

ابو فاطمة الطائي

في طريق الكوفه
زينب تتحسر على اهلها :
(( سريعه ))

وين عباس الكفلني وين ابو سكنه الحنين
وين الاكبر وين جاسم وين عني الطيبين
__

وين أهل الغيره راحو انشد او مامش جواب
يا أهل خدر الله نومه لو تِسمعون العتاب
الشمر ترضوها يهلنه يحدي ربات الحجاب
ما يلوگ النوم الكم گومو گومو امن التراب
.
محد اليرحم دمعنه لو نموت امن الونين
وين عباس الكفلني وين ابو سكنه الحنين

__

وين المدللني وينه ما يگوم امن الفرات
خل يشوف اشصار بيه او شنهو مر المدللات
من ظهر عاشور لسه أنّام واحنه امچتفات
امن السياط امتون عدنه امزورگات امورمات

الناگه حنت من ونيني او شمر گلبه ما يلين
وين عباس الكفلني. وين ابو سكنه الحنين

__

موش عادتكم يساده للنخاكم ما تجون
هاي اول تالي خويه زينب اعليكم تهون
تمشي والحسره اكتلتها والدمع عامي العيون
والدرب كله اتمنه بلكت الله تگعدون

يمته تلفوها ابجمعكم غاضبين امفرعين
وين عباس الكفلني وين ابو سكنه الحنين

__

يمته مو هل راس شيب والگلب ياهلها نار
يمته صارخكم ينادي عل بدار او عل بدار
الجيش للكوفه خذونه بالسياط او بل حجار
گلي شتحمل ششاگف وين اضمن هل زغار

امچلّبه كلها ابعباتي ويلي ويلي خايفين
وين عباس الكفلني وين ابو سكنه الحنين
__

يلي جبتونه امن اهلنه نمشي ساده اعله العباد
ليش عفتونه وحدنه اسرى عد اهل العناد
ايدور بينه الحادي عمدا من بلاد الهل بلاد
مو هظيمه تالي عمري ادخل اعله ابنو زياد

آنه علوية او چبيره اشجابني الهاذه اللعين
وين عباس الكفلني وين ابو سكنه الحنين

__

اگبال ابن ازياد اوگف يل هواشم كلفه هاي
اعليه ينظر وايتشمت يضحك الوني او بچاي
ايگلي چا عباس وينه ما ترسها الجربه ماي؟
وآنه سكته اعيوني تهمل وامسح ادموعي برداي

محد اليفزع اليه كل اهلنه امذبحين
وين عباس الكفلني وين ابو سكنه الحنين

__

ابو فاطمة الطائي

شكوى زينب :

حداي الضعن مو زين ويانه
نمشي امن الصبح لليل خلانه
_______

حدّاي الضعن مو زين
موتني قهر يحسين
گلبه ما يحن ويلين ياخويه ياخويه

يمشي امن الصبح لليل
هاذه الدرب رايد حيل
وانه حايره بـ اعليل ياخويه ياخويه

كل ساعه او وراي اصياح
ذاك الطفل منكم راح
من التعب ويلا طاح ياخويه ياخويه

اگل للحادي امش بهداي
يسرع . بل چياد اوياي
ما ينفع بچي او رجواي. ياخويه ياخويه

أذانه يبو السجاد اذانه
نمشي امن الصبح لليل خلانه
_______
ابحر الشمس ظهريات
أيمشّي الحرم حافيات
لو گلناله تعبانات ياخويه ياخويه

يجلدنه ابسياطه ايگوم
وايورم متنه اوروم
يختلطن دمع وادموم ياخويه ياخويه

حداي الضعن سفاح
من انگله خل نرتاح
يضربنه ابچعب لرماح ياخويه ياخويه

مايرحم دمع لزغار
مشانه ابدرب معثار
سِلُه منترس واحجار ياخويه ياخويه

وانجوم الظهر يحسين راوانه
نمشي امن الصبح لليل خلانه
_______

بغضن بالنبي والال
ما يهداله ابدن بال
الا تنعجد الحبال ياخويه ياخويه

يعجد والحِبال اخشان
منه تنحب الرضعان
وينزف معصم النسوان ياخويه ياخويه

حادينه كفر متروس
كل ساعه يهز الروس
ما ضلت عندنه انفوس ياخويه ياخويه

عمدن للرؤوس ايروح
ينزلها او تهيج اجروح
يدنيها او تروح الروح ياخويه يا خويه

بچانه ابكثر يعگوب بچانه
نمشي امن الصبح لليل خلانه
_______

يحسين الصبر ما فاد
ولا ذاك الوكت ينعاد
والله الموت الي ينراد ياخويه ياخويه

شلي بعمري والحداي
ما ينطينه شربة ماي
ليتامي . وابرد احشاي ياخويه ياخويه
من يسمعنه ماي انريد
طاسه ايجيبها امن ابعيد
يبدّيها . او ضحكته اتزيد ياخويه ياخويه

گلبي امن السبي محروگ
تعبني الحداها النوگ
كلشي ابهل الضعن مبيوگ ياخويه ياخويه

تعبانه يماي العين تعبانه
نمشي امن الصبح لليل خلانه
_______

تدري من يچل الليل
تضل تفتر علينه الخيل
والحراس بينه اتعيل ياخويه ياخويه

چول . ابلا خيام انبات
وحده الوحده مچتوفات
نغفه واحنه اجويعدات ياخويه ياخويه

وانه حارسة لضعون
ما تغفه اليه اعيون
ليل انهار گلي اشلون ياخويه ياخويه
چم دوب اشبعد جم دوب
گلبي والبدن متعوب
من مثلي يخي مصيوب ياخويه ياخويه

ما جانه الفرج يحسين ماجانه
نمشي امن الصبح لليل خلانه
_______

هم اتحن علي واتعود ؟
وايخلصن ليالي السود
وانرد يابو سكنه اردود ياخويه ياخويه

هم ينزال هاذه الجور
وانسه الي جره ابعاشور
يا حلم ابجفن محفور ياخويه ياخويه

خويه اليا وكت انضام
الخاطر دمعة الايتام
الحگ ليه گبل الشام. ياخويه ياخويه

ما ريدن اطب ديوان
او طولي يم يزيد ايبان
واصبح بالقصر نيشان ياخويه ياخويه

واعليه تصد الناس فرحانه
نمشي امن الصبح لليل خلانه
_______

ابو فاطمة الطائي

زينب تشتكي للحسين من مرارة الهجر .
والسبي :

حسين يا حبيبي حسين يا حبيبي
___________________________

غريبه . تهمل دمعة اعيوني غريبه
مصيبه . ياهي المثل شافت هل مصيبه
لهيبه . خويه گلبي ضل يسعر لهيبه
اشيجيبه . زماني الراح ويّاك اشيجيبه

حسين يا حبيبي حسين يا حبيبي
___________________________

ونيني . منهو اليرحم اخلافك ونيني
تجيني . يمته يا أبو أَسكينه تجيني
حنيني . يريت اسويعه لو تسمع حنيني
أديني . الحبل ورّمها يل والي اديني

حسين يا حبيبي حسين يا حبيبي
___________________________

سبيه . عگب ذاك الدلال امشي سبيه
عليه . اتفرّج گامت الوادم عليه
منيه . يدگت اطبولهم چنها منيه
بديه . اغطي الوجه من عدهم بديه

حسين يا حبيبي حسين يا حبيبي
___________________________

انولينه . المن اشتكي احوالي انولينه
علينه . عصي واحجار تترامه علينه
بچينه . ابد ما واحد اليرحم بچينه
تجينه . عليك الزهره هل ساعه تجينه

حسين يا حبيبي حسين يا حبيبي
___________________________

نسيتك . اشتضن يحسين لو ساعه نسيتك
تنيتك . تجيب الكافل او تفزع تنيتك
نخيتك . ابروح الزهره تگعدلي نخيتك
لخيتك . الكد مهرتك واسرع لخيتك

حسين يا حبيبي حسين يا حبيبي
___________________________

كتلني . شوگي الشوفت اعيونك كتلني
خذني . الليالي ابعيد عن وجهك خذني
يلني . تمنيت اندفن يمك يلني
جزني . ليالي البيض وي موتك جزني
حسين يا حبيبي حسين يا حبيبي
___________________________

ابو فاطمة الطائي

يا صاحب الوعدي . يل مهدي . شح بينه الصبر
يمته او ترد لينه . تحيينه . ايخضّر هل عمر
ماضل صبر من هل بلا
چا يمته تگصد كربلا ... يا صاحب الوعدي
_________________________________

يغايب . نعاتب
أعذرنه إِذا هيّجنه الجروح

تعبنه دمعنه
عگب عينك يمهدي المن انروح

يمن جرحك مثل ليلك غميج ابلا نهايه
تعيش الطف امر واقع . وانه العشته روايه
شعددك يهل حاظر عذابه امن البدايه
گطع منحر . سبي الخدر ركضهن بل برايه

من اركضن بالبر . ضل تسعر . نارك بالگلب
تطفي اشوكت يمته . شو سكته . او متشمته الغرب
اتعيرنه گامت هل بشر
ايگول ها شو ما ظهر ... يا صاحب الوعدي
_________________________________

أملنه تجي النه
او بيدينك ترفرف راية الثار

تطالب تحاسب
اول من حرگها الخيمه بالنار

ترد منهم دمع زينب يغايب دمعه دمعه
الضرب منها المتن بيدك تكض چفه او تگطعه
الشلع منها الگلب ريتك تجي او گلبه تشلعه
الحرگ خيمه اتحرگ روحه كؤوس المر تجرعه

يل جيتك ابشاره . او بتاره . بي كل الفرج
عجل يوالينه . رد لينه . طفي هل مهج
طفيها يابو المرجله
الخاطر اعيون العايله ... يا صاحب الوعدي
_________________________________

نتاني اماني
ترد وانصيح يل مهدي علي وياك

اليهلن. ينشفن
او لحد الكعبه نركض وانتلگاك

زحف نزحف يبو صالح على الروس او نجيلك
ابمدامعنه نضل ننشد شني امعطلك دخيلك ؟
يمن يفداه ابي وامي اشكثر يصبر دليلك
اما تدري الحرم لسا ابخرايب تشكيلك

وابو علي ضامي . ضل دامي . مگطوع النحر
او چف الگمر بعد . هل مده . طايح عل نهر
يا يوم راياتك ترف
واترجع الواحد بالف ... يا صاحب الوعدي
_________________________________

أملنه يعزنه
ترد لحسين وانت اتشرّبه الماي

تردله او تگعده
بيديك اتحسبها اجروحه لهواي

تجي الگبره او تعاين له او تشوف اشحاله صاير
ولا كتر السلم منه توذر بل حوافر
الصدر منه على ظهره انطبگ من هل حوافر
او علي خله الذي يدفنه وگف گدامه حاير

متوزعه اشلائه . واعظائه . كل واحد كتر
بل حومه متوزع . متگطع . لسا ينتظر
ما واحد الغيرك نفل
يگدر يداوي المو سهل ... يا صاحب الوعدي
_________________________________

مآتم او محاكم
ينعقدن سوه او ليك الرياسه

تعاتب تحاسب
اشلون اهل الرجس تسبي القداسه

تسل سيفك على الظالم تحاسب عل مصيبه
الذي يم النجم يشرد ابعزم سيفك تجيبه
ترجعهم توگفهم كتيبه ابصف كتيبه
التگص راسه التگص ايده بعد كلمن نصيبه

نار الله تحميها . تمليها . من اهل الغدر
من السبو زينب . يمعتّب . ما تقبل عذر
تصليها نار الحاميه
اهل السقيفه الباغيه ... يا صاحب الوعدي
_________________________________

يضايع الشرايع
تنتظرك معانه او شابحه العين

تكابر تصابر
تگول ايعود لابد ابن الحسين

لابد يوعد الله تجي لا كن صبر ما عدنه
ما ردنه بل دنيه ترف بس انت ترجع ردنه
يل بيك الله امن الازل امبشرنه وامواعدنه
عجل يبعد الما غفن يعگوب ضل واحدنه

عجل يمولانه . تلگانه . چن خيط الشمع
واحدنه هل ناحب. ضل شاحب من گد الدمع
عينه على دربك تصد
كل يوم ينتظرك ترد ... يا صاحب الوعدي
_________________________________

ابو فاطمة الطائي

مصيبة زينب بين الكوفة والشام :

الله اشمصيبه
زينبكم غريبه
تبچي اعله الشهيد
گادوها اليزيد
الله اشمصيبه
________

چا وين الساده
الاشراف . القاده
راحو وين

زينب مچتوفه
بِسجون الكوفه
تجري العين

منّ العاشر لليوم ما مستراحه
سوط او حبل واجروح هم او نياحه

متورم متنها
ما يخلص حزنها
يمته الها تجون
ما ضلت عيون .... الله اشمصيبه
________

ياساده او صعبه
زينب بالغربه
تبقه شلون

ها يهل الغيره
من ديره الديره
ضل يحدون

من كوفان الاحقاد شبعت أذيه
ودوها الاهل الشام هل ناصبيه

تمشي اعله الهزيله
والمدمع تسيله
تعبانه او تنوح
ماضل بيها روح .... الله اشمصيبه
________

ما تحمل لوعه
زينب مفجوعه
يا آل الله

حرمه او علويه
تطلع مسبيه
ويلا ويلاه

بت آيات القرآن بنت القداسه
تدخل ديوان اشلون يهل الفراسه

والشام اشيجرعه
مر . والزهره طبعه
كلهم شامٓتين
ايكرهون الحسين .... الله اشمصيبه
________

يليوث الهواشم
مو شبعت مضالم
اخت احسين

چا يمته تجوها
يمته اتخلصوها
يل طيبين

مو كافي اعيون الناس الها تناظر
لحگوها گبل الشام سدو المعابر

ذبوها العمايم
جردوها الصوارم
گومو يا نيام
مو وكت المنام .... الله اشمصيبه
________

الشام الها تاني
بدفوف او مغاني
واحجارات

عيد الساعه عدهم
چي زينب اجتهم
بل دمعات

الناس اباب الساعات جت اتباها
ياساده اتريد اتشوف زينب تراها

الشام ابكبرها
وگفت تنتظرها
تتشمت تريد
عدها الليله عيد .... الله اشمصيبه
________

المن تشكي همها
منكم ماكو يمها
بس عدوان

دم دمعتها تهمل
يا حسرتها تكتل
بل ديوان

ريت احسين او عباس ينفك گبرهم
يلفوها . او اهل الشام متطب قصرهم

تتمنه الكفلها
شدتها يحلها
لاچن مايعود
مگطوع الزنود .... الله اشمصيبه
________

ابو فاطمة الطائي

معانات السبي

آه يا نوگ السبي منهن متت
مرمرنّي والشمر بـيهـن يعـت
يا كفيلي                ياكفيلي
_________

عل هزيله والدرب كلّه اون
الناگه حنت والشمر لا ما يحن
يبو فاضل روحي انسحنت سحن
اعتب اعله الروس واعيوني تكت
يا كفيلي                    ياكفيلي
_________

خويه حداي الضعن مابي رحم
اتگول يطلبني ابطلب مني انتقم
لو گلتله الحبل انزف منه دم
ايشده زايد هيچي حادي ماشفت
يا كفيلي                ياكفيلي
_________

امن الصبح لـ الليل نمشي اويه الرماح
او لو گلتله اسويعه خلنه نستراح
ابسوطه ايزود جراحي اعله الجراح
امن البواچي ياگمر عيني انعمت
يا كفيلي                ياكفيلي
_________

لحد باب الشام واحنه امچتفات
حافيات امحرگات امعذبات
الگينه عند الشام عيد او غانيات
او دگت اطبول الذي الچبدي تفت
يا كفيلي                ياكفيلي
_________

التمت اعلينه الشماته ضاحكين
اولايه ما بيها ابد واحد حنين
كلها تنشد عني وين اخت الحسين
وانه ياخويه ابعباتي چلبت
يا كفيلي                ياكفيلي
_________

وين اروح الشام ما بيها امان
عصي واحجار انضرب من كل مچان
آخ يا خويه اشلعب بيه الزمان
ريتني ابدالك على الشاطي طحت
يا كفيلي                ياكفيلي
_________

ابو فاطمة الطائي

سريعه لمصيبة الامام السجاد عليه السلام

يسجاد .. كلمه من خادم
يسجاد .. منهجك لازم
يسجاد .. حزني ضل دايم
______

يلي راسم طريق الولاء ابدمعتك
عالم انت او يهنيال اهلنه او شيعتك
مو شعارات . شعائر يمولى تبعتك

يمأسس منهج لحسين
او صرت اتقدس دمع العين
والحَب النوح اتحبه

(( منعوفه. منعوفه يادرب احسينك منعوفه ))

تبعناك .. خطوت الخطوه
تبعناك .. الشيمتك نهوه
تبعناك .. يا نفس فاطم

______

علمتنه المدامع نهج عالي الشأن
علمتنه السماوات للي يذكره تحن
علمتنه السعاده معاكم بل حزن

عل معبر من راد ايجوز
من دمعاته أيّاه ايجوز
واليعمي اعيونه انياله

(( ايحسدونه . ايحسدونه املاك الجنه ايحسدونه ))

للحسين .... ان نرخص الغالي
للحسين .. نرجع اول تالي
للحسين .. اليبچي ما نادم
______

منك اليوم يمولاي اخذنه اعظم درس
ان للحسين قليله تَلف هاي نفس
والي ايريد وجاهه او مكانه يلتمس

درب احسين ايچلب بي
اشما طخ الراس ايعليه
كل حيلك وياه ذبه

(( عاشوره عاشوره ما يخلص ابدن عاشوره ))

الشعائر .. بيها نتمسك
الشعائر .. حتى ما نهلك
الشعائر .. تسعد الفاطم
______

عگب الحسين عشت بس مآتم للنحر
ازيد امن الـ ثلاثين سنه او دمعك نهر
امن البچي اعليه يمولاي صرت محني الظهر

ان چان ابشارع لو دار
بل سوگ .او دمعك مدرار
ما جفت عينك لحظه

(( مالومه. مالومه . روحك يل والي مالومه ))

مثل غيم .. ناظرك ماطر
مثل غيم .. تبچي امساهر
مثل غيم .. لم يزل ساجم

______

ويه كل ماي يقدموه دموعك تنهمر
ويه كل ليل للحسين مهجتك تنعصر
ماكو مصباح يمر بيك اذا ما تنكسر

هيچ انت امعلم هل ناس
اتضل الدمعه اويه الانفاس
ماننسه احسين اسويعه

(( احسينيه. احسينيه واحدنه ابروحه احسينيه ))

فلا يوم .. جمرته تبرد
فلا يوم .. الا تتجدد
فلا يوم .. گلبي مو هايم
______

زين الاعباد الك هاي عهود امن الخدم
تبقه العيون للحسين تهل دمعتها دم
نبقه ننعاه بالگبور وأن صرنه عدم

احياء او اموات اوياه
بالدارين انضل ننعاه
يل سجاد اتعاهدنه

(( مجلسنه . مجلسنه . بل محشر نعقد مجلسنه ))

عل اعهود .. يا ابو الباقر
عل اعهود .. نعمي الناظر
عل اعهود .. كلمه من خادم

______

ابو فاطمة الطائي

گمر وارسومه ترفه ___ ابو فاضل شوصفه
_________________________________

كفيل الهاشميه أمير الغاضريه
القصائد ما توصفه ولا تبلغ حدوده

جميلا ذا وسامه مهيبا كالقيامه
العساكر من تشوفه تصير العيشه سوده

اذا جرد حسامه صبح مثل الغمامه
يصب بيهم عذابه او تزلزلهم زنوده

واذا جدحت عيونه الفضا يتلاشه لونه
تصير الحومه چنها جهنم ناره سوده

منو البيهم يعرفه ___ ابو فاضل شوصفه
_________________________________

شعدد من خصاله اذا رب الجلاله
نطاه تاج الكفاله او غده الزينب حماها

وحگ القل هو الله احبه ابگد هوه الله
اذوب امن اقره اسمه احاسيسي احتواها

سكن گلبي او خيالي اگول او ما أبالي
ابو فاضل مليكي اهو روحي اشتراها

عبد مالكني هوّه احبه هيه گوّه
العشگ ورث دليلي او مهجتي الحب چواها

دمع يم بابه اذرفه ___ ابو فاضل شوصفه
_________________________________

گمر هاشم شمدحه ؟ واهو للدنيه مِلحه
الوجود ابلا وجوده متاهه او دنيه ظلمه

حلاة الطف لوائه او جماله او كبريائه
ابو فاضل يشيعه تراهو اعلينه نعمه

فدائي ابلا منافس عُشر من عُشره عابس
امان اهل المخيم او على اعدائه نقمه

اسد كله شراسه اله اتلوگ الرياسه
ابفعل سيفه عرفنه ولا كل زلمه زلمه

النهر بچفوفه لفه ___ ابو فاضل شوصفه
_________________________________

ابحملته اعله العساكر تضل تحچي المنابر
عجب وابلا نهايه دخيلك يابو فاضل

گلب يمنه اعله يسره مثل اعصار افسره
ابمعسكر آل أميه فلا ضلت مراجل

النَـفس گوه تجره الهواء اعليها حسره
صُفُر كل الملامح . العذاب اعليها نازل

غدو مثل السكارى ببو فاضل حيارى
تريد الشرده لاكن . ايبست كل المفاصل

الحياة اگباله كلفه ___ ابو فاضل شوصفه
_________________________________

لمن مغضب اجاهم وگع وحده لواهم
او الوف الجهزوها ايبست مثل الحجاره

الف يزحف بادينه الف دمعه اعله عينه
الف بالشط تسيس الف شابع مراره

وصل وامعلي راسه الفرات ابجدمه داسه
يچن المي يگله هلا ابراعي الصداره
هلا ابشيخ الهواشم هلا ابحصن الفواطم
هلا بحزام اخيه الوگف مثل المناره

عليك ابروحي لهفه ___ ابو فاضل شوصفه
_________________________________

رغم عن آل اميه وصل راعي الحميه
او ترسها الجربه بيده او تحده الكل يمنعه

كسر عين الشريعه والجيوش المنيعه
او نظر عينه الخيمهم غده الكافل يوزعه

كانه ايحاچي زينب انا امن الصعبه اصعب
شنو الشط شنهو عسكر اجَرعه المر اجَرعه

لجل عينچ يهيبه الگمر لو ردتي اجيبه
انزله ابسد خيامج وارد النوب ارفعه

لجل دمعچ انشفه ___ ابو فاضل شوصفه
_________________________________

ابو فاطمة الطائي

اللهم إنا نرغب اليك بدوله كريمه
اللهم إنا نرغب اليك بدوله كربمه
تعز بها اهل المآتم
تذل بها اعداء فاطم
دوله المهدي دولة المهدي
__________________________

يا أله احسين بحسين او مقامه
نقسم اعليك ابألم سحگة عظامه
نرغب ابدولة اهل بيت الكرامه
بيها بس المهدي اليمشي كلامه

اللهم نشكو نار الفراق تحرگ مهجنه
اللهم نشكو نار الفراق تحرگ مهجنه
ألهي متى نُبصِرهُ قادم
يبدد شمل اعداء فاطم
دوله المهدي دولة المهدي
__________________________

ليك نشكو سيدي غيبة ولينه
مثل يعگوب او بعد ازيد غدينه
مره للطف . مره لغيابه بَچينه
ربي چا يمته الفرج يمته يجينه

اللهم يمته الطلعه البهيه يا جمعه منهن ؟
اللهم يمته الطلعه البهيه يا جمعه منهن ؟
ما ضل صبر مدمعنه ساجم
بينه اشمتو اعداء فاطم
دوله المهدي دولة المهدي
__________________________

نرغب ابدوله تعز اهل المجالس
اتعيش بيها امأمنه حتى النوارس
المهدي ريس والشعب كلهم عوابس
على حب احسين والخدمه اتنافس

اللهم ردنا ابهاي المآتم مهدينه يقرا
اللهم ردنا ابهاي المآتم مهدينه يقرا
يبدي ابنعي سبي الفواطم
يوم اهجمت اعداء فاطم
دوله المهدي دولة المهدي
__________________________

عجل اللهم ربي وانتصر بيه
او دين ابو الزهره الزچيه خله يحييه
واليگف ضد المجالس يسحگ اعليه
(اويا لـثاراتچ يزينب ) خل يعلٌيه

اللهم مهد للمهدي دربه روح وريحان
اللهم مهد للمهدي دربه روح وريحان
واسعد به كل العوالم
او غيضا تضل اعداء فاطم
دوله المهدي دولة المهدي
__________________________

اجروح بينه اكبار ما نعرف دواهن
امن الضلوع . امن الطفوف . امن السبوهن
ربي والشمات بينه زودوهن
اگلوبنه ربي ابحچيهم حرگوهن

يوميه گالو الغايب علامه بالله اشيتاني
يوميه گالو الغايب علامه بالله اشيتاني
واحنه ابجمر نادينه قادم
حتمن يذل اعداء فاطم
دوله المهدي دولة المهدي
__________________________

حتمن ايعود ابو صالح من غيابه
او نركض انقبل اديه وانشم ترابه
انصيح مهدينه رجع . والشوگ جابه
هلا ابراعي الثار . والدعوه المجابه

اللهم زدني صبرا جميلا حتى ظهوره
اللهم زدني صبرا جميلا حتى ظهوره
في دفتره اكتبتي خادم
رغمن على اعداء فاطم
دوله المهدي دولة المهدي
__________________________

ابو فاطمة الطائي

نزله للاربعينيه



وين خدام السبط وانصاره
لاربعينيته ابتدت الزياره
______

وين خدام ابو اليمه والتضحي انفاسها
ساعة المشايه للطف هل تدگ اجراسها
گومو گومو للعقيله خلي نرفع راسها
بل خدامه بل مدامع خل نواسي احساسها

خلي املاك السمه محتاره
لاربعينيته ابتدت الزياره
______

نترس الصوبين يالله بس خيم وافيايه
ابكل اذان انصيح اهلا . هلا بل مشايه
هلا بانصار الحسين المخلصه الوفايه
يا تراب التسحگونه كحل هايه او هايه

يمن چنكم للعرش زواره
لاربعينيته ابتدت الزياره
______

هاي أيام الله هاذي او مشعر اهل الخدمه
الي ربه انطاه موكب يعني منطي نعمه
والي يخدم بيده زاير هو هاذه الزلمه
يعني بس هو التربع وارتفى اعله القمه

لنه من اهل العشگ واسراره
لاربعينيته ابتدت الزياره
______

احنه لحسين انخلقنه او هاذي من اسراره
خاطر ابيوم اربعينه من تجي الزياره
نوگف انصيح اعله دربه يا هلا ابزواره
انخلي سكان السماء اويه الارض محتاره

حيث واحدنه يقدم انظاره
لاربعينيته ابتدت الزياره
______

غير ابو اسكينه او خدمته بل وجود اشعدنه
الخير كلّه من ادينه والفضل والمنّه
والله بايام اربعينه موكبه امن ايلمنه
احس روحي ابعالم آخر . چني وسط الجنه

چني متوسط العدن وانواره
لاربعينيته ابتدت الزياره
______

يهنيال الي يخدمه ابهل بل زياره او يتعب
بالدمع والون يواسي او يندب آ يا زينب
باچر ايفوز او يأمن للحشر من يذهب
ايلبسونه اثياب سندس بالحرير امذهب

ينحسب عد ربي من خطاره
لاربعينيته ابتدت الزياره
______

ابو فاطمة الطائي

ياهلا بل جاي زاير   ياهلا ياهلا
______

اهلن او سهلن عدد قطر السماء
او ويٌه كل خطوه الف يا مرحبه

- هله بالزاير - كــِتبناها ابدموع
يا كحل هاي العيون المُتعبه

رفعة الراس .  هل اخلاص .  هنيئا ليكم
أرض الحسين . والحسين . تحن اعليكم

يامن اسكنتو النواظر      ياهلا ياهلا
______

جيتو مشايه تواسون الحسين
او زينب الراحت سبي مچتوفه

يعني عند العرش هسه انتم ضيوف
والله خله الجنه بس لضيوفه

الجنه والحور  . لليزور. . وقف خلاها
للي يمشون   . يتعبون .  عدن انطاها

امسجّليكم بل دفاتر   ياهلا ياهلا
______

خطوه خطوه امسجله عند الأله
او ويه كل خطوه الفضل يتعاله

ياعجيب اليمشي لطفوف الحسين
حور . واملاك . او رسل تبراله

چنه سلطان . والاكوان .  جميع اتهابه
يمشي مهيوب . والدروب . تقدس اترابه

لن جبرتوها الخواطر    ياهلا ياهلا
______

ويه زينب جيتو يوم الاربعين
او هاي عند الزهره حيل اچبيره

اتصد الوجوه الي حرگتها الشموس
تشكر الكم والدمعها اتديره

اتنادي رباه . هل شفاه .     اجت لوليدي
ابيوم الحساب . والكتاب . اضمهم بيدي

ما يشوفون المخاطر   ياهلا ياهلا
______

هلا يل الله خلقكم للحسين
ابعالم الذر عاهديتو المولى

گلتو دنيا ابلا مشي يوم اربعين
لا وحگ الزهره ابد ما تحلى

قبل الاوجود . هل اعهود  .  اله انطيتوها
نمشي كل عام .  والالام  . إله اتحبوها

نمشي برغم المخاطر    ياهلا يا هلا
______

يا سلام الله على هاي الوجوه
او الف هنيال الذي يخدمها

الخدمه الهم مفخره او عزه او مقام
او موش كل واحد صدگ يفهمها

الخدمه نوماس . يهل ناس . او مقامن عالي
الخدمه توفيق . بها ايضيق  . الشعر واخيالي

هيه تجسيد الشعائر    ياهلا ياهلا
______

ابو فاطمة الطائي

أنده وارد اوجه انداي للموعود المشيّم
لحد يمته العمر نگضيه من مأتم لعد مأتم
________________________________

گضينه اسنين يابو اسنين بين الآه واللوعه
منّ المهد واحدنه او لحد الموت بدموعه
عندنه ارواح يل موعود دون الناس مفجوعه

مصاينا تهد الحيل
على اليمه دمعنه ايسيل
واحد گطعنه الخيل

او واحد بالطشت ياحيف ذب چبده الذي اتسمم
________________________________

اريد انشد يوعد الله يمته الصبح يتنفس
ترد وامضيف ابو محمد تفتحه او بيه تتريس
والي سم چبير الگوم نشاهد وجهه يتعبس

او تعدهن وحدة الوحده
تگعّد للحكم جعده
عليمن سممت چبده

عليها اتقيم حد الله او تفك بيدينك اجهنم
________________________________

تناشدها ابگلب مالوم عن اسباب هل غدره
عليمن گطعت چبده او فجعت فاطمه الزهره
شني ذنب الحسن وياچ بلسم ينختم عمره

اعليمن وجهه صار اصفر
يتنفس فلا يگدر
يصد اعله يتحسر

او چبده بالطشت مضموم خاف الحره تتألم
________________________________

يبو صالح ترد يايوم او تاخذ ثار ابو محمد
مهو من راح حد هل يوم دمعنه ايهمل فوگ الخد
لا شفنه فرح لا عيد أسود كل وكتنه اسود

ما ننساه واهو امسجّه
عنده ما بقت مهجه
روحه ابنار محترجه

گضه . والبيت واهل البيت كل من عدهم اتهدم
________________________________

گضه مسموم والجناز يوم الشاله بمتونه
يم جده النبي المختار نيتهم يودونه
طلعت له بنت ابليس ما تقبل يدفنونه

عمك ياعجيد الگوم
ابتابوته او بعد مضلوم
ميت عدل ضل مهموم

او دار البي قرن شيطان چم ابليس يمه التم
________________________________

التمت وادم الارجاس او چم گلب ابحزن خلوه
الحسن ميت وسط تابوت او بسهام الحقد صابوه
لا هو عدل هابوه لا هو بالنعش عافوه

ليك المشتكى او لله
يمهدينه اكتلتنه الآه
بس ثار الحسن ردناه
يمته مو گضت الدموع او صارت تجري بس الدم
________________________________

ابو فاطمة الطائي

للامام الحسن عليه السلام

لبو محمد هظمنه مدامعنه او ألمنه
________________________________

عجيد اشرف عشيره واليحل العسيره
ابن حامي حماها اله ننصب مواكب

نهل دم هل ليالي انفگد من عدنه والي
اهو اعگال الهواشم واهو اچبير الغوالب

مصايه ابروحي يسعر يويلي الله او اكبر
تفسر چبده بالسم بعد المن نعاتب

ابجمر ضلت مهجنه ولا ينفع دمعنه
مثل ماي او تبده الوجه من عنده شاحب

لهب تلهب مهجنه مدامعنه او ألمنه
________________________________

رزيتنه اشرزيه غصن من الزچيه
التوه عوده او تكسر بدين اهل الضلاله

اله اتنوح المدينه والايات المبينه
السماوات او اهلها دمع منها ايتلاله

عليه يتلوه موسى او بچه ويه امه عيسي
ابن بضعة محمد هل امگدر جراله

او سليمان او جنوده وگف يلطم خدوده
نصب لجله عزيه او اجه نوح او قراله

اولَطم يشبه لطمنه مدامعنه او ألمنه
________________________________

عليه جده ايتحسر يون وايعزي حيدر
مثل غيمه المدامع على الشيبه الكريمه

نياحه او ضجه الهم واجت الزهره يمهم
ابنعاويها الحزينه غدت تنعه ابهظيمه

ييمه اگليبي ذايب بعد ما بي مصايب
الدهر يبني ولاني اوعلي شيبني ضيمه

بعدهو اصوابي ما جف ومصابك جاني اكلف
ييمه السم دليلك ترك روحي سقيمه

فرد لچمه انلچمنه مدامعنه او ألمنه
________________________________

الوجود اعليه تكدر الحسن چبده تفسر
واهو ابهاي المراره لچن گلبه اعله زينب

الطشت عنها يضمه الگلبها لا يألمه
يگل لحسين اخيه اذا تشوفه تشيب

ابعده او غطه عنها تره ايموتني ونها
اشد من هل المواجع دمع زينب يعذب

اذن لو انت حاظر يبو امحمد تناظر
لمن ركضت وحيده او عبايتها اتلهّب

اوتناديك انسلبنه مدامعنه او ألمنه
________________________________

الطشت عنها تشيله !! تخاف اعله العقيله!!
تمنيت انت حاظر عله التله او تراها

يبو امحمد شخبرك اخاف اتطره گبرك
اذا گتلك ابن جوشن اخذ سوط او اجاها

ضربها . او ينزف الدم متنها او چفها ورم
واذا صاحت يجداه يسب جدها واباها

الطشت والچبده اشوه الحوافر ذني بلوه
ابگلب زينب اثرهن يضل يسعر لضاها

لمنّ ايبعثرنه مدامعنه او ألمنه
________________________________

لبو محمد حزنه يضل لآخر عمرنه
الابو لبنه يورثه لحد يوم القيامه

حزن بينه ايتجدد عقيده اوباقي سرمد
ولا ايهمنه حچي الحاقد ولا تهمنه الملامه

الحسن ديني او عقيده عفت كلشي واريده
واذا عفت الدمع لجله اعيشن بالندامه

عدل ميت اندبه على اكفاني اكتبه
اويلاه يل تسمم او ترِس نعشه سهامه

اضل ونه اعله ونه مدامعنه او ألمنه
________________________________

ابو فاطمة الطائي

يا باب الاحسان . يقرآن . ارتلك بالعلن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

انت اللوعه والعبره
انت الدمعه والحسره
امصابك بالگلب يسعر
يابن فاطمه جمره

يل حسن جرحك ماطاب
بالشيعه هوه امضه اصواب
چبدك يمهيوب انعاب

طحت . او تصوب لسلام
صارت يتيمه الاحكام
والعبت بينه الضلّام
والسمّمك راد . بل عناد . ضوه الله يندفن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

روح اخلافك اشتسوه
روح اجر نفس گوه
يمهجة فاطمة شكتب
لمصابك انا اببلوه

مسموم عايش بالنوح
چبدي اعله چبدك مجروح
ياريت آنه المذبوح

او لا عنك اسمع مسموم
. تتلوه . شاحب ..مالوم
لجلك تون كل انجوم

يا حزني ما فاد . ولا عاد . الي اوياك الزمن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

نار ابمهجتي تسعر
نار احملها ما اگدر
شيخ الساده ديوانه
مغلج بابه واتعذر

يا كشخه عند اهل البيت
ايون الحشر لو ونيت
دمعاتي مترجع مَيت

لو ابچي الك ليل انهار
ما وفّي عشر المعشار
يمورث بگلبي النار

دلالي مجسوم . يمسوم . تعلعل بالمحن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

دلالي انجسم وانطر
بينك بين ابو الاكبر
يوم اتحير ابچبدك
يبچي اگباله دم احمر

خايف تشوفه الحوراء
بالطشت صاير اشلاء
او تتصوب ابعله او داء

زينب عليها ايخافون
والطشت گام ايضمون
لا لا تصد ليه ام عون

ألها يدارون . بالعيون . يحطوها وطن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

چا طف كربلا اشصاير
عفتوها ابگلب حاير
يخوتها اشبعت لوعه
يوم الشافت الحافر

بالهيمه توگع واتگوم
واعليها ملتمه الگوم
وامتونها اتخر ادموم

فرجه اصبحت بين الناس
عفتوها . يا رفعة راس
تبچي او تنادي العباس

ياريتك اتشوف . بالطفوف . دمعها جن مزن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

اهنا يل مچتبى صاحت
تركض . تعثر . او طاحت
ما واحد رحم بيها
راحت للسبي راحت

چم مره گامت تنخاك
يل حسن ضعت ابلياك
ياريت مسمومه اوياك

اتناديك يا ماي العين
الحگ لاخيك الحسين
ضامي. اشبحت منه العين

يا عالي الشان . عله الزان . شيباته صفن
بدموعي ارثيك . واناديك . يمولاي الحسن
يالدموع بالدموع .. مجلسك عقدناه
_________________________________

ابو فاطمة الطائي

لسان حال السيدة زينب (عليها السلام)

أميره الچنت كل عمري ... لگوماي
وابدور الچانت اتچّـي ... لگوماي
بچيت امـن القهـر حدما ...لگو ماي
ابگبـر عـباس مـن دمـعـاتـه ليّــه .

اعيونـك من اجيتـك .. لاحظني
أشو لا چـف شبگنـي .. لاحظني
سهـم اجفـاك چبـدي .. لاحه ظني
وفطر گلبي ونَبض ما عاد بيه .

الغفه اعله الشاطي ما خله .. وراحيل
راسـه اعله الرمـح وامشي .. وراحيل
وانشده الحبـل يا خـويـه .. ورا حل ؟
اشلـون الچـاره مـو گطـع أديــه .

يريت السهم صگني .. خل اعاني
ويريت ايصير بيـهـا .. خله عيني
الأعزه طفه عينه .. خله عيني
خاطـر ما يشوف أمشي سبيـه .

أبو فاطمة الطائي