tgoop.com/Press_Secretary_Uz/5386
Last Update:
Аҳоли орасида соғлом турмуш тарзини тарғиб қилишда нафақат спорт, балки тўғри овқатланиш ҳам долзарб аҳамиятга эга экани қайд этилди.
Ўтказилган ўрганишларга кўра, аҳолимизнинг 44 фоизи жисмоний фаол эмаслиги, 36 фоизи тўғри овқатланиш қоидаларига амал қилмаслиги аниқланган.
Аҳоли ўртасида бошоқли, донли маҳсулот, мева-сабзавотлар истеъмоли кескин камайиб, туз ва шакар истеъмоли ортиб бораётгани хавотирларни янада кучайтиради. Оқибатда одамларнинг 56 фоизида ортиқча вазн, 38 фоизида қон босими билан боғлиқ муаммо бор. Юқумли бўлмаган касалликлар эрта ўлимга сабаб бўлмоқда.
Шу боис, “Соғлом инсон – соғлом миллат” умуммиллий ҳаракати бошланади.
Мутасаддиларга соғлом овқатланиш ва жисмоний фаоллик тарғиботи билан ҳар бир оилани қамраб олиш зарурлиги кўрсатиб ўтилди. Бу йўналишда халқчил ва таъсирчан ижтимоий роликлар тайёрлаб, ҳар куни марказий телеканалларда намойиш этиш лозимлиги таъкидланди.
Умуман, бу масалаларни қонун даражасида мустаҳкамлаб қўйиш зарурлиги, “Жисмоний тарбия ва спорт тўғрисида”ги қонунни қисқа муддатда тубдан қайта кўриб чиқиб, бугунги замон талабларига мослаштириш муҳимлиги кўрсатиб ўтилди.
Йиғилишда мутасаддилар ва ҳудудлар раҳбарларининг ҳисоботлари, спорт соҳаси вакилларининг таклифлари тингланди.
Facebook|Instagram|X
BY Prezident matbuot kotibi | Sherzod Asadov
Share with your friend now:
tgoop.com/Press_Secretary_Uz/5386