tgoop.com/Q_u_r_an/3127
Last Update:
-
بس أَكو نصيحة.. حبيت أَكَولها للبنات الي هسة بلشوا يحفظون قرآن.. نصيحة نصيحة نصيحة . الخ
ابتعدي ع الموبايل ابتعدي كلش كلش كلش، اكو اعرف بنات انا يمكن بس من ينامون ميلزمون الموبايل بنات هذا شي خطأ كبير هسة حتلو كانت أهدافج بالموبايل ابتعدي ع الموبايل، مَو تحفظين صفحة والباقي لأزمة موبايلج ترا حفظ القرآن مو هيج، حافظ القرآن حريص ع وقتة حريص ع المراجعة حريص ع تعاملة مع الآخرين حريص ع مساعدة اهلة حريص ع هدوءة ع حركاتة ع استقرارة... عن كلشي مسؤل، هواي شفت بنات كملوا حفظ قرآن اول كلمة كَالوهة هي "مسؤولية كبيرة" فعلا هو مسؤولية كبيرة كلش
فلطفا وبكل حب احجيها واحترام وتقدير ومراعاة، البنات الي عمرهم صغير لا تنشغلون بالقنوات والمحادثات ولزمة الموبايل استغلوا تفتح ذهنكم الي يستقبل أكثر منا آيات لحد قبل كم ساعة انا كنت أبكي والله لان مــا حفظت القرآن وقت مــا كنت بالمتوسطة او الابتدائية فانتم لتغفلون ع هذا الجانب ابد ابد،
شدوا الهمة وجاهدوا نفسكم واحفظوا، أنا احيانا انطي الموبايل لأخوي من احفظ قرآن او ادرس أغلق الموبايل حتى مــا التهي مو قصة انو تلتهين بقنوات وغيرة لكن احيانا الإنسان يفقد التركيز بمجرد مــا يلزم الموبايل فديروا بالكم
كل الحب الكم 🤍
BY حلقة المئة حافظة للقرآن الكريم-حلقة أديان
Share with your friend now:
tgoop.com/Q_u_r_an/3127